ਦੁਨੀਆ ਦੇ ਅਮੀਰਾਂ ਦੀ ਨਵੀਂ ਸੂਚੀ ਜਾਰੀ, ਐਲਨ ਮਸਕ ਫਿਰ ਨੰਬਰ 1 'ਤੇ, ਲਗਜ਼ਰੀ ਬ੍ਰਾਂਡ ਦੇ ਮਾਲਕ ਨੇ ਬਣਾਇਆ ਰਿਕਾਰਡ, ਜਾਣੋ ਕਿੰਨੇ ਇੰਡੀਅਨਜ਼ ਨੂੰ ਮਿਲੀ ਜਗ੍ਹਾ?
ਦੁਨੀਆ ਦੇ 10 ਸਭ ਤੋਂ ਅਮੀਰ ਲੋਕਾਂ ਦੀ ਸੂਚੀ 'ਚ ਲੂਈ ਵੁਈਤੋਂ, ਟਿਫ਼ਨੀ ਐਂਡ ਕੰਪਨੀ ਆਦਿ ਕੰਪਨੀਆਂ ਦੇ ਪ੍ਰਤੀਨਿਧੀਆਂ ਨੇ ਆਪਣੀ ਖ਼ਾਸ ਜਗ੍ਹਾ ਬਣਾਈ ਹੈ। ਟੌਪ 10 ਅਮੀਰਾਂ ਦੀ ਫਿਹਰਿਸਤ 'ਚ ਸਿਰਫ਼ 7 ਅਰਬਪਤੀ ਹੀ 200 ਅਰਬ ਡਾਲਰ..
ਦੁਨੀਆ ਦੇ 10 ਸਭ ਤੋਂ ਅਮੀਰ ਲੋਕਾਂ ਦੀ ਸੂਚੀ 'ਚ ਲੂਈ ਵੁਈਤੋਂ, ਟਿਫ਼ਨੀ ਐਂਡ ਕੰਪਨੀ ਆਦਿ ਕੰਪਨੀਆਂ ਦੇ ਪ੍ਰਤੀਨਿਧੀਆਂ ਨੇ ਆਪਣੀ ਖ਼ਾਸ ਜਗ੍ਹਾ ਬਣਾਈ ਹੈ। ਟੌਪ 10 ਅਮੀਰਾਂ ਦੀ ਫਿਹਰਿਸਤ 'ਚ ਸਿਰਫ਼ 7 ਅਰਬਪਤੀ ਹੀ 200 ਅਰਬ ਡਾਲਰ ਵਾਲੇ ਕਲੱਬ 'ਚ ਸ਼ਾਮਲ ਹਨ। ਨਵੀਂ ਐਂਟਰੀ ਬਰਨਾਰਡ ਅਰਨੋਲਟ ਦੀ ਹੋਈ ਹੈ, ਜੋ ਅਮਰੀਕਾ ਨਾਲ ਸੰਬੰਧਤ ਨਹੀਂ ਹਨ। ਟੌਪ 6 ਲੋਕ ਅਮਰੀਕੀ ਹਨ ਤੇ ਟੈਕ ਕੰਪਨੀਆਂ ਨਾਲ ਜੁੜੇ ਹੋਏ ਹਨ।
ਦੂਜੇ ਪਾਸੇ, ਬਰਨਾਰਡ ਅਰਨੋਲਟ ਦਾ ਸੰਬੰਧ ਟੈਕ ਖੇਤਰ ਨਾਲ ਨਹੀਂ ਹੈ। ਬਲੂਮਬਰਗ ਬਿਲੀਅਨੇਅਰ ਲਿਸਟ ਮੁਤਾਬਕ, ਐਲਨ ਮਸਕ ਦੁਨੀਆ ਦੇ ਸਭ ਤੋਂ ਅਮੀਰ ਵਿਅਕਤੀ ਹਨ। ਉਨ੍ਹਾਂ ਦੀ ਕੁੱਲ ਸੰਪਤੀ 457 ਅਰਬ ਡਾਲਰ ਹੈ। ਹਾਲਾਂਕਿ ਹਾਲ ਹੀ 'ਚ ਉਨ੍ਹਾਂ ਦੀ ਸੰਪਤੀ 'ਚ ਕਰੀਬ 4 ਅਰਬ ਡਾਲਰ ਦੀ ਕਮੀ ਆਈ ਸੀ, ਪਰ ਫਿਰ ਵੀ ਇਸ ਸਾਲ ਦੀ ਸ਼ੁਰੂਆਤ ਤੋਂ ਲੈ ਕੇ ਹੁਣ ਤੱਕ ਉਨ੍ਹਾਂ ਦੀ ਨੈੱਟਵਰਥ 'ਚ 24 ਅਰਬ ਡਾਲਰ ਦਾ ਵਾਧਾ ਹੋਇਆ ਹੈ।
ਬਲੂਮਬਰਗ ਬਿਲੀਅਨੇਅਰ ਲਿਸਟ ਮੁਤਾਬਕ, 457 ਅਰਬ ਡਾਲਰ ਦੀ ਸੰਪਤੀ ਨਾਲ ਐਲਨ ਮਸਕ ਇਸ ਸੂਚੀ 'ਚ ਸਿਖਰ 'ਤੇ ਹਨ। ਉਨ੍ਹਾਂ ਤੋਂ ਬਾਅਦ ਦੂਜੇ ਨੰਬਰ 'ਤੇ ਲੈਰੀ ਐਲਿਸਨ ਹਨ, ਜਿਨ੍ਹਾਂ ਦੀ ਕੁੱਲ ਸੰਪਤੀ 295 ਅਰਬ ਡਾਲਰ ਹੈ। ਲੈਰੀ ਓਰੇਕਲ ਕੰਪਨੀ ਨਾਲ ਜੁੜੇ ਹੋਏ ਹਨ। ਤੀਜੇ ਸਥਾਨ 'ਤੇ ਅਮੇਜ਼ਾਨ ਦੇ ਜੈਫ ਬੇਜ਼ੋਸ ਹਨ, ਜਿਨ੍ਹਾਂ ਦੀ ਕੁੱਲ ਸੰਪਤੀ 269 ਅਰਬ ਡਾਲਰ ਤੱਕ ਪਹੁੰਚ ਗਈ ਹੈ।
ਗੂਗਲ ਦੇ ਸੰਸਥਾਪਕ ਲੈਰੀ ਪੇਜ ਅਤੇ ਸਰਗੇਈ ਬ੍ਰਿਨ ਵੀ ਇਸ ਸੂਚੀ 'ਚ ਮਜ਼ਬੂਤੀ ਨਾਲ ਬਣੇ ਹੋਏ ਹਨ। ਲੈਰੀ ਪੇਜ ਦੀ ਸੰਪਤੀ 251 ਅਰਬ ਡਾਲਰ ਹੈ, ਜਦਕਿ ਬ੍ਰਿਨ ਕੋਲ ਲਗਭਗ 235 ਅਰਬ ਡਾਲਰ ਦੀ ਨੈੱਟਵਰਥ ਹੈ। ਫੇਸਬੁੱਕ ਦੇ ਮਾਲਕ ਮਾਰਕ ਜ਼ੂਕਰਬਰਗ ਛੇਵੇਂ ਸਥਾਨ 'ਤੇ ਹਨ, ਜਿਨ੍ਹਾਂ ਦੀ ਕੁੱਲ ਸੰਪਤੀ 222 ਅਰਬ ਡਾਲਰ ਹੈ।
ਫਰਾਂਸ ਦੇ ਰਹਿਣ ਵਾਲੇ ਅਤੇ ਕਈ ਲਗਜ਼ਰੀ ਬ੍ਰਾਂਡਾਂ ਨਾਲ ਜੁੜੇ ਬਰਨਾਰਡ ਅਰਨੋਲਟ 200 ਅਰਬ ਡਾਲਰ ਦੀ ਸੰਪਤੀ ਵਾਲਿਆਂ ਦੀ ਸੂਚੀ 'ਚ ਸ਼ਾਮਲ ਹੋਏ ਹਨ ਅਤੇ ਦੁਨੀਆ ਦੇ ਸੱਤਵੇਂ ਸਭ ਤੋਂ ਅਮੀਰ ਵਿਅਕਤੀ ਹਨ।
ਵਿਕੀਪੀਡੀਆ ਤੋਂ ਮਿਲੀ ਜਾਣਕਾਰੀ ਅਨੁਸਾਰ, ਬਰਨਾਰਡ ਅਰਨੋਲਟ ਇੱਕ ਫਰਾਂਸੀਸੀ ਬਿਜ਼ਨੇਸਮੈਨ ਹਨ, ਜਿਨ੍ਹਾਂ ਦਾ ਜਨਮ 5 ਮਾਰਚ 1949 ਨੂੰ ਹੋਇਆ ਸੀ। ਉਹ ਐਲਵੀਐਮਐਚ ਮੋਏਤ ਹੈਨੇਸੀ ਲੂਈ ਵਿੱਤੋਂ (LVMH) ਦੇ ਸੀਈਓ ਅਤੇ ਚੇਅਰਮੈਨ ਹਨ। ਬਰਨਾਰਡ ਦੀ ਕੰਪਨੀ ਦੁਨੀਆ ਦੇ ਸਭ ਤੋਂ ਵੱਡੇ ਲਗਜ਼ਰੀ ਬ੍ਰਾਂਡ ਸਮੂਹਾਂ ਵਿੱਚੋਂ ਇੱਕ ਹੈ। ਉਨ੍ਹਾਂ ਦੇ ਗਰੁੱਪ ਦੇ ਪੋਰਟਫੋਲਿਓ ਵਿੱਚ ਲੂਈ ਵਿੱਤੋਂ, ਟਿਫ਼ਨੀ ਐਂਡ ਕੰਪਨੀ, ਡਿਓਰ, ਗਿਵੇਂਸ਼ੀ, ਟੈਗ ਹੋਇਅਰ ਅਤੇ ਬੁਲਗਾਰੀ ਵਰਗੇ ਮਸ਼ਹੂਰ ਬ੍ਰਾਂਡ ਸ਼ਾਮਲ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
