ਪੜਚੋਲ ਕਰੋ
Unique Railway Stations: ਭਾਰਤ ਦੇ 5 ਵਿਲੱਖਣ ਰੇਲਵੇ ਸਟੇਸ਼ਨ, ਕੁਝ ਦੋ ਰਾਜਾਂ ਨੂੰ ਵੰਡਦੇ ਨੇ ਤੇ ਕਿਤੇ ਜਾਣ ਲਈ ਵੀਜ਼ਾ ਦੀ ਲੋੜ
Unique Railway Stations: ਅੱਜ ਭਾਰਤ ਵਿੱਚ 7000 ਤੋਂ ਵੱਧ ਰੇਲਵੇ ਸਟੇਸ਼ਨ ਹਨ। ਕੁਝ ਰੇਲਵੇ ਸਟੇਸ਼ਨ ਆਪਣੀ ਸੁੰਦਰਤਾ ਲਈ ਜਾਣੇ ਜਾਂਦੇ ਹਨ, ਜਦੋਂ ਕਿ ਕਈ ਆਪਣੀ ਲੰਬੀ ਯਾਤਰਾ ਲਈ ਜਾਣੇ ਜਾਂਦੇ ਹਨ।
Unique Railway Stations
1/8
ਭਾਰਤ ਦੇ ਕੁਝ ਰੇਲਵੇ ਸਟੇਸ਼ਨ ਆਪਣੀ ਸਫਾਈ ਲਈ ਵੀ ਮਸ਼ਹੂਰ ਹਨ। ਹਾਲਾਂਕਿ, ਅੱਜ ਅਸੀਂ ਤੁਹਾਨੂੰ ਭਾਰਤ ਦੇ 5 ਵਿਲੱਖਣ ਰੇਲਵੇ ਸਟੇਸ਼ਨਾਂ ਬਾਰੇ ਦੱਸਾਂਗੇ, ਜਿਨ੍ਹਾਂ ਵਿੱਚੋਂ ਕੁਝ ਦੋ ਰਾਜਾਂ ਨੂੰ ਵੰਡਦੇ ਹਨ, ਜਦਕਿ ਕੁਝ ਅਜਿਹੇ ਹਨ ਜਿਨ੍ਹਾਂ ਦਾ ਕੋਈ ਨਾਮ ਨਹੀਂ ਹੈ।
2/8
ਭਵਾਨੀ ਮੰਡੀ ਰੇਲਵੇ ਸਟੇਸ਼ਨ ਦਿੱਲੀ-ਮੁੰਬਈ ਰੇਲਵੇ ਲਾਈਨ 'ਤੇ ਸਥਿਤ ਹੈ। ਇਸ ਦੇ ਦੋ ਵੱਖ-ਵੱਖ ਰਾਜਾਂ ਨਾਲ ਵੀ ਸਬੰਧ ਹਨ। ਇਹ ਰੇਲਵੇ ਸਟੇਸ਼ਨ ਖਾਸ ਤੌਰ 'ਤੇ ਰਾਜਸਥਾਨ ਅਤੇ ਮੱਧ ਪ੍ਰਦੇਸ਼ ਵਿਚਕਾਰ ਵੰਡਿਆ ਹੋਇਆ ਹੈ।
3/8
ਦੋ ਵੱਖ-ਵੱਖ ਰਾਜਾਂ ਵਿੱਚ ਵੰਡੇ ਜਾਣ ਕਾਰਨ ਭਵਾਨੀ ਮੰਡੀ ਸਟੇਸ਼ਨ 'ਤੇ ਰੁਕਣ ਵਾਲੀ ਹਰ ਰੇਲ ਗੱਡੀ ਦਾ ਇੰਜਣ ਰਾਜਸਥਾਨ ਵਿੱਚ ਹੈ ਅਤੇ ਕੋਚ ਮੱਧ ਪ੍ਰਦੇਸ਼ ਵਿੱਚ ਹੈ। ਦੱਸ ਦੇਈਏ ਕਿ ਭਵਾਨੀ ਮੰਡੀ ਰੇਲਵੇ ਸਟੇਸ਼ਨ ਦੇ ਇੱਕ ਸਿਰੇ 'ਤੇ ਰਾਜਸਥਾਨ ਦਾ ਬੋਰਡ ਲਗਾਇਆ ਗਿਆ ਹੈ, ਜਦਕਿ ਦੂਜੇ ਸਿਰੇ 'ਤੇ ਮੱਧ ਪ੍ਰਦੇਸ਼ ਦਾ ਬੋਰਡ ਲਗਾਇਆ ਗਿਆ ਹੈ।
4/8
ਨਵਾਪੁਰ ਰੇਲਵੇ ਸਟੇਸ਼ਨ ਭਾਰਤ ਦੇ ਸਭ ਤੋਂ ਵਿਲੱਖਣ ਰੇਲਵੇ ਸਟੇਸ਼ਨਾਂ ਵਿੱਚੋਂ ਇੱਕ ਹੈ। ਇਸ ਸਟੇਸ਼ਨ ਦਾ ਇੱਕ ਹਿੱਸਾ ਮਹਾਰਾਸ਼ਟਰ ਵਿੱਚ ਹੈ ਅਤੇ ਦੂਜਾ ਗੁਜਰਾਤ ਵਿੱਚ ਹੈ। ਨਵਾਪੁਰ ਰੇਲਵੇ ਸਟੇਸ਼ਨ ਨੂੰ ਵੱਖ-ਵੱਖ ਰਾਜਾਂ ਵਿੱਚ ਦੋ ਹਿੱਸਿਆਂ ਵਿੱਚ ਵੰਡਿਆ ਗਿਆ ਹੈ, ਜਿੱਥੇ ਪਲੇਟਫਾਰਮ ਤੋਂ ਬੈਂਚ ਤੱਕ ਮਹਾਰਾਸ਼ਟਰ ਅਤੇ ਗੁਜਰਾਤ ਦੋਵੇਂ ਲਿਖੇ ਹੋਏ ਹਨ। ਸਟੇਸ਼ਨ 'ਤੇ ਐਲਾਨ ਵੀ 4 ਵੱਖ-ਵੱਖ ਭਾਸ਼ਾਵਾਂ 'ਹਿੰਦੀ, ਅੰਗਰੇਜ਼ੀ, ਮਰਾਠੀ ਅਤੇ ਗੁਜਰਾਤੀ' 'ਚ ਕੀਤੇ ਜਾਂਦੇ ਹਨ।
5/8
ਜੇਕਰ ਤੁਸੀਂ ਅਟਾਰੀ ਰੇਲਵੇ ਸਟੇਸ਼ਨ ਤੋਂ ਟ੍ਰੇਨ ਫੜਨਾ ਚਾਹੁੰਦੇ ਹੋ ਜਾਂ ਸਟੇਸ਼ਨ 'ਤੇ ਉਤਰਨਾ ਚਾਹੁੰਦੇ ਹੋ, ਤਾਂ ਤੁਹਾਡੇ ਕੋਲ ਵੀਜ਼ਾ ਹੋਣਾ ਚਾਹੀਦਾ ਹੈ। ਭਾਰਤ ਅਤੇ ਪਾਕਿਸਤਾਨ ਦੀ ਸਰਹੱਦ 'ਤੇ ਸਥਿਤ ਅੰਮ੍ਰਿਤਸਰ ਦੇ ਅਟਾਰੀ ਰੇਲਵੇ ਸਟੇਸ਼ਨ 'ਤੇ ਬਿਨਾਂ ਵੀਜ਼ੇ ਦੇ ਜਾਣ ਦੀ ਸਖ਼ਤ ਮਨਾਹੀ ਹੈ।
6/8
ਸੁਰੱਖਿਆ ਬਲ 24 ਘੰਟੇ ਗਤੀਵਿਧੀ 'ਤੇ ਨਜ਼ਰ ਰੱਖਣ ਲਈ ਸਟੇਸ਼ਨ 'ਤੇ ਮੌਜੂਦ ਹਨ। ਬਿਨਾਂ ਵੀਜ਼ੇ ਦੇ ਫੜੇ ਗਏ ਵਿਅਕਤੀ ਵਿਰੁੱਧ ਕੇਸ ਦਰਜ ਕੀਤਾ ਜਾਂਦਾ ਹੈ ਅਤੇ ਉਸ ਨੂੰ ਸਜ਼ਾ ਵੀ ਹੋ ਸਕਦੀ ਹੈ।
7/8
ਝਾਰਖੰਡ ਦੀ ਰਾਜਧਾਨੀ ਰਾਂਚੀ ਤੋਂ ਤੋਰੀ ਜਾ ਰਹੀ ਟਰੇਨ ਵੀ ਕਿਸੇ ਅਣਜਾਣ ਸਟੇਸ਼ਨ ਤੋਂ ਲੰਘਦੀ ਹੈ। ਇੱਥੇ ਕੋਈ ਸਾਈਨ ਬੋਰਡ ਦਿਖਾਈ ਨਹੀਂ ਦਿੰਦਾ। ਸਾਲ 2011 ਵਿੱਚ ਜਦੋਂ ਪਹਿਲੀ ਵਾਰ ਇਸ ਸਟੇਸ਼ਨ ਤੋਂ ਰੇਲ ਗੱਡੀਆਂ ਚੱਲਣੀਆਂ ਸ਼ੁਰੂ ਹੋਈਆਂ ਤਾਂ ਰੇਲਵੇ ਨੇ ਇਸ ਦਾ ਨਾਂ ਬਦਲ ਕੇ ਬਡਕੀਚੰਪੀ ਰੱਖਣ ਬਾਰੇ ਸੋਚਿਆ ਪਰ ਸਥਾਨਕ ਲੋਕਾਂ ਦੇ ਵਿਰੋਧ ਕਾਰਨ ਇਸ ਸਟੇਸ਼ਨ ਦਾ ਨਾਂ ਨਹੀਂ ਰੱਖਿਆ ਗਿਆ ਅਤੇ ਉਦੋਂ ਤੋਂ ਇਹ ਸਟੇਸ਼ਨ ਬੇਨਾਮ ਹੈ।
8/8
ਇੱਕ ਹੋਰ ਰੇਲਵੇ ਸਟੇਸ਼ਨ ਪੂਰੀ ਤਰ੍ਹਾਂ ਕੰਮ ਕਰ ਰਿਹਾ ਹੈ ਪਰ ਇਸਦਾ ਕੋਈ ਨਾਮ ਨਹੀਂ ਹੈ। ਬੇਨਾਮ ਰੇਲਵੇ ਸਟੇਸ਼ਨ ਦਾ ਨਿਰਮਾਣ ਪੱਛਮੀ ਬੰਗਾਲ ਦੇ ਬਰਧਮਾਨ ਤੋਂ 35 ਕਿਲੋਮੀਟਰ ਦੂਰ ਬਾਂਕੁਰਾ-ਮਸਗਰਾਮ ਰੇਲਵੇ ਲਾਈਨ 'ਤੇ ਸਾਲ 2008 ਵਿੱਚ ਕੀਤਾ ਗਿਆ ਸੀ। ਪਹਿਲਾਂ ਸਟੇਸ਼ਨ ਦਾ ਨਾਂ ਰੈਨਾਗੜ੍ਹ ਸੀ ਪਰ ਸਥਾਨਕ ਲੋਕਾਂ ਨੇ ਸਟੇਸ਼ਨ ਦਾ ਨਾਂ ਬਦਲਣ ਲਈ ਰੇਲਵੇ ਬੋਰਡ ਨੂੰ ਅਧਿਕਾਰਤ ਸ਼ਿਕਾਇਤ ਕੀਤੀ। ਜਿਸ ਤੋਂ ਬਾਅਦ ਨਾਂ ਬਦਲਿਆ ਜਾਂ ਨਾ ਪਰ ਇਹ ਸਟੇਸ਼ਨ ਵੀ ਬੇਨਾਮ ਹੀ ਰਿਹਾ।
Published at : 07 Sep 2023 07:57 AM (IST)
ਟਾਪ ਹੈਡਲਾਈਨ
ਦੇਸ਼
Train 'ਚ ਹਨੀਮੂਨ ਤੋਂ ਬਾਅਦ ਹੁਣ ਸ਼ਤਾਬਦੀ ਐਕਸਪ੍ਰੈੱਸ 'ਚ ਬਰਥਡੇ ਸੈਲੀਬ੍ਰੇਸ਼ਨ ! ਵਾਇਰਲ ਵੀਡੀਓ ਦੀ ਜਾਂਚ 'ਚ ਜੁਟਿਆ ਰੇਲਵੇ
ਸਿਹਤ
Skin Itch After Bathing : 5 ਸਾਲ ਤੋਂ ਪਾਣੀ 'ਚ ਰਹਿ ਰਿਹਾ ਮੁੰਡਾ, ਬਾਹਰ ਨਿਕਲਦੇ ਹੀ ਹੁੰਦੀ ਹੈ ਜਲਨ; ਇਹ ਕਿਹੜੀ ਬਿਮਾਰੀ?
ਸਪੋਰਟਸ
ਓਲੰਪਿਕ ਤਗਮਾ ਜੇਤੂ ਸੁਸ਼ੀਲ ਕੁਮਾਰ ਨੂੰ ਵੱਡਾ ਝਟਕਾ, ਅਦਾਲਤ ਨੇ ਜ਼ਮਾਨਤ ਅਰਜ਼ੀ ਰੱਦ ਕਰ ਦਿੱਤੀ
ਚੰਡੀਗੜ੍ਹ
Chandigarh 'ਚ inDrive ਕੈਬ ਜਾਂ ਬਾਈਕ ਬੁੱਕ ਕਰਨ ਵਾਲੇ ਸਾਵਧਾਨ ! ਹੋ ਸਕਦੀ ਹੈ ਪ੍ਰੇਸ਼ਾਨੀ
