ਫੋਰਸ ਮੋਟਰਜ਼ ਨੇ ਲਾਂਚ ਕੀਤੀ 5-Door Gurkha SUV, ਜਾਣੋ ਕੀਮਤ ਅਤੇ ਵਿਸ਼ੇਸ਼ਤਾਵਾਂ ਨਾਲ ਸਬੰਧਤ ਸਾਰੇ ਵੇਰਵੇ

Force Gurkha 5 Door : ਗੋਰਖਾ 5-ਡੋਰ ਨੂੰ 3 ਡੋਰ ਵੇਰੀਐਂਟ ਦੀ ਤਰ੍ਹਾਂ ਬਾਕਸੀ ਡਿਜ਼ਾਈਨ 'ਚ ਪੇਸ਼ ਕੀਤਾ ਗਿਆ ਹੈ। ਪਹਿਲਾਂ ਦੀ ਤਰ੍ਹਾਂ ਇਸ 'ਚ LED ਹੈੱਡਲਾਈਟਸ, LED DRL ਅਤੇ ਗਰਿੱਲ 'ਤੇ ਗੋਰਖਾ ਬੈਜਿੰਗ ਦਿੱਤੀ ਗਈ ਹੈ।

ਫੋਰਸ ਮੋਟਰਜ਼ ਨੇ ਲਾਂਚ ਕੀਤੀ 5-Door Gurkha SUV, ਜਾਣੋ ਕੀਮਤ ਅਤੇ ਵਿਸ਼ੇਸ਼ਤਾਵਾਂ ਨਾਲ ਸਬੰਧਤ ਸਾਰੇ ਵੇਰਵੇ

ਫੋਰਸ ਮੋਟਰਸ ਨੇ ਆਖਿਰਕਾਰ ਭਾਰਤੀ ਬਾਜ਼ਾਰ ਵਿੱਚ ਆਪਣੀ 5 ਡੋਰ ਗੋਰਖਾ SUV ਲਾਂਚ ਕਰ ਦਿੱਤੀ ਹੈ। ਕੰਪਨੀ ਨੇ ਇਸ ਦੀ ਬੁਕਿੰਗ 25,000 ਰੁਪਏ 'ਚ ਸ਼ੁਰੂ ਕਰ ਦਿੱਤੀ ਹੈ। ਇਸ ਦੇ ਨਾਲ ਹੀ ਕੰਪਨੀ ਨੇ ਅਪਡੇਟ ਦੇ ਨਾਲ ਗੁਰਖਾ ਦਾ 3 ਡੋਰ ਵੇਰੀਐਂਟ ਵੀ ਲਾਂਚ ਕੀਤਾ ਹੈ। ਫੋਰਸ ਗੋਰਖਾ 5 ਡੋਰ ਵੇਰੀਐਂਟ ਦੀ ਕੀਮਤ 18 ਲੱਖ ਰੁਪਏ ਰੱਖੀ ਗਈ ਹੈ, ਜਦੋਂ ਕਿ ਨਵਾਂ 3 ਡੋਰ ਮਾਡਲ 16.75 ਲੱਖ ਰੁਪਏ ਦੀ ਐਕਸ-ਸ਼ੋਰੂਮ ਕੀਮਤ 'ਤੇ ਲਾਂਚ ਕੀਤਾ ਗਿਆ ਹੈ।

ਫੋਰਸ ਗੋਰਖਾ 5 ਡੋਰ ਅਤੇ 3 ਡੋਰ ਵੇਰੀਐਂਟ ਦਾ ਡਿਜ਼ਾਈਨ ਸਮਾਨ ਹੈ, ਹਾਲਾਂਕਿ ਦੋਵਾਂ ਦੇ ਆਕਾਰ ਅਤੇ ਵ੍ਹੀਲਬੇਸ ਵਿੱਚ ਅੰਤਰ ਹੈ। ਇਸ ਤੋਂ ਇਲਾਵਾ ਦੋਵਾਂ SUV 'ਚ ਅਪਡੇਟਡ ਫੀਚਰਸ ਵਾਲਾ ਇੱਕੋ ਇੰਜਣ ਵਰਤਿਆ ਗਿਆ ਹੈ।

ਗੁਰਖਾ 5-ਡੋਰ ਦੀ ਗੱਲ ਕਰੀਏ ਤਾਂ ਇਸ ਨੂੰ 3 ਡੋਰ ਵੇਰੀਐਂਟ ਵਾਂਗ ਬਾਕਸੀ ਡਿਜ਼ਾਈਨ 'ਚ ਪੇਸ਼ ਕੀਤਾ ਗਿਆ ਹੈ। ਪਹਿਲਾਂ ਦੀ ਤਰ੍ਹਾਂ ਇਸ 'ਚ LED ਹੈੱਡਲਾਈਟਸ, LED DRL ਅਤੇ ਗਰਿੱਲ 'ਤੇ ਗੋਰਖਾ ਬੈਜਿੰਗ ਦਿੱਤੀ ਗਈ ਹੈ। ਇਸ ਦੇ ਡੈਸ਼ਬੋਰਡ ਵਿੱਚ ਇੱਕ ਵੱਡਾ 9-ਇੰਚ ਟੱਚਸਕ੍ਰੀਨ ਇੰਫੋਟੇਨਮੈਂਟ ਸਿਸਟਮ ਹੈ, ਜਿਸ ਨਾਲ ਐਂਡਰਾਇਡ ਆਟੋ ਅਤੇ ਐਪਲ ਕਾਰਪਲੇ ਕਨੈਕਟੀਵਿਟੀ ਵੀ ਉਪਲਬਧ ਹੈ।

ਹੁਣ ਕੰਪਨੀ ਗੋਰਖਾ ਦੇ 3 ਡੋਰ ਵੇਰੀਐਂਟ 'ਚ 18-ਇੰਚ ਦੇ ਅਲਾਏ ਵ੍ਹੀਲ ਵੀ ਪੇਸ਼ ਕਰ ਰਹੀ ਹੈ। ਡੈਸ਼ਬੋਰਡ ਲੇਆਉਟ ਨੂੰ ਵੀ ਅਪਡੇਟ ਕੀਤਾ ਗਿਆ ਹੈ। ਇਸ ਵੇਰੀਐਂਟ 'ਚ ਕੰਪਨੀ ਨੇ ਸਿਰਫ ਫਰੰਟ 'ਚ ਪਾਵਰ ਵਿੰਡੋ ਦਾ ਆਪਸ਼ਨ ਦਿੱਤਾ ਹੈ। 3-ਡੋਰ ਵਿੱਚ ਵੀ, ਕੰਪਨੀ ਨੇ ਇੱਕ ਵੱਡਾ 9-ਇੰਚ ਟੱਚਸਕ੍ਰੀਨ ਇੰਫੋਟੇਨਮੈਂਟ ਸਿਸਟਮ ਦਿੱਤਾ ਹੈ ਜੋ ਐਂਡਰਾਇਡ ਆਟੋ ਅਤੇ ਐਪਲ ਕਾਰਪਲੇ ਕਨੈਕਟੀਵਿਟੀ ਦੇ ਨਾਲ ਆਉਂਦਾ ਹੈ। ਦੋਵੇਂ ਵੇਰੀਐਂਟ 'ਚ ਕੰਪਨੀ ਨੇ ਮੈਨੂਅਲ AC ਫੰਕਸ਼ਨ ਅਤੇ ਡਿਜੀਟਲ ਡਰਾਈਵਰ ਡਿਸਪਲੇਅ ਦਿੱਤਾ ਹੈ।

ਫੋਰਸ ਮੋਟਰਜ਼ ਨੇ ਗੋਰਖਾ 'ਚ ਯਾਤਰੀਆਂ ਦੀ ਸੁਰੱਖਿਆ ਦਾ ਖਾਸ ਖਿਆਲ ਰੱਖਿਆ ਹੈ। ਦੋਵਾਂ ਵੇਰੀਐਂਟ 'ਚ ਡਿਊਲ ਫਰੰਟ ਏਅਰਬੈਗਸ, EBD ਦੇ ਨਾਲ ABS, ਟਾਇਰ ਪ੍ਰੈਸ਼ਰ ਮਾਨੀਟਰਿੰਗ ਸਿਸਟਮ, ਸੀਟ ਬੈਲਟ ਅਲਾਰਮ, ਸੀਟ ਬੈਲਟ ਪ੍ਰੀ-ਟੈਂਸ਼ਨਰ ਵਰਗੇ ਕਈ ਸੁਰੱਖਿਆ ਫੀਚਰਸ ਦਿੱਤੇ ਗਏ ਹਨ।