Vedanta Group: ਕਮਾਈ 'ਚ ਨੰਬਰ-1, ਵੇਦਾਂਤਾ ਦੇ ਸ਼ੇਅਰ ਨਿਵੇਸ਼ਕਾਂ ਲਈ ਪੈਸੇ ਛਾਪਣ ਵਾਲੀ ਮਸ਼ੀਨ

ਵੇਦਾਂਤਾ ਗਰੁੱਪ ਦੇ ਸ਼ੇਅਰ ਇਸ ਵਿੱਤੀ ਸਾਲ 'ਚ ਜ਼ਬਰਦਸਤ ਉਛਾਲ ਦੇ ਰਹੇ। ਵਿੱਤੀ ਸਾਲ 'ਚ ਗਰੁੱਪ ਦੇ ਦੋਵਾਂ ਸ਼ੇਅਰਾਂ 'ਚ ਹੁਣ ਤੱਕ ਇੰਨਾ ਵਾਧਾ ਹੋਇਆ ਹੈ ਕਿ ਨਿਵੇਸ਼ਕਾਂ ਦੀ ਸੰਪਤੀ 'ਚ 2 ਲੱਖ ਕਰੋੜ ਰੁਪਏ ਤੋਂ ਜ਼ਿਆਦਾ ਦਾ ਵਾਧਾ ਹੋਇਆ ਹੈ।

Vedanta

ਚਾਲੂ ਵਿੱਤੀ ਵਰ੍ਹੇ ਵਿੱਚ ਢਾਈ ਮਹੀਨੇ ਤੋਂ ਵੱਧ ਦਾ ਸਮਾਂ ਬੀਤ ਚੁੱਕਾ ਹੈ। ਹੁਣ ਤੱਕ, ਵੇਦਾਂਤਾ ਦੇ ਸ਼ੇਅਰ ਨਿਵੇਸ਼ਕਾਂ ਲਈ ਆਮਦਨ ਪੈਦਾ ਕਰਨ ਵਿੱਚ ਕਿਸੇ ਵੀ ਹੋਰ ਸਮੂਹ ਨਾਲੋਂ ਬਿਹਤਰ ਸਾਬਤ ਹੋਏ ਹਨ। ਨਿਵੇਸ਼ਕਾਂ ਨੇ ਗਰੁੱਪ ਦੇ ਸ਼ੇਅਰਾਂ ਤੋਂ ਹੁਣ ਤੱਕ 2.2 ਲੱਖ ਕਰੋੜ ਰੁਪਏ ਕਮਾਏ ਹਨ।

ਵੇਦਾਂਤਾ ਗਰੁੱਪ ਦੇ ਭਾਰਤੀ ਬਾਜ਼ਾਰ ਵਿੱਚ 2 ਸ਼ੇਅਰ ਸੂਚੀਬੱਧ ਹਨ। ਉਹ ਦੋ ਸਟਾਕ ਵੇਦਾਂਤਾ ਲਿਮਿਟੇਡ ਅਤੇ ਹਿੰਦੁਸਤਾਨ ਜ਼ਿੰਕ ਹਨ। ਅੰਕੜਿਆਂ ਮੁਤਾਬਕ 28 ਮਾਰਚ ਤੋਂ 20 ਜੂਨ, 2024 ਦਰਮਿਆਨ ਇਨ੍ਹਾਂ ਦੋਵਾਂ ਕੰਪਨੀਆਂ ਦਾ ਬਾਜ਼ਾਰ ਪੂੰਜੀਕਰਣ 2.2 ਲੱਖ ਕਰੋੜ ਰੁਪਏ ਤੋਂ ਜ਼ਿਆਦਾ ਵਧਿਆ ਹੈ।