Adnam Sami: ਇੱਕ ਹੀ ਕੁੜੀ ਨਾਲ ਦੋ ਵਾਰ ਕੀਤਾ ਵਿਆਹ, 17 ਸਾਲਾਂ ਵਿੱਚ ਅਦਨਾਨ ਸਾਮੀ ਨੇ ਕਈ ਵਾਰ ਕੀਤਾ ਨਿਕਾਹ

Adnam Sami Birthday: ਅਦਨਾਨ ਸਾਮੀ ਦਾ ਦੂਜਾ ਵਿਆਹ ਡੇਢ ਸਾਲ ਹੀ ਚੱਲਿਆ। ਦੋਹਾਂ ਦਾ ਤਲਾਕ ਹੋ ਗਿਆ ਅਤੇ ਅਦਨਾਨ ਸਾਮੀ ਜ਼ਿੰਦਗੀ ਦੇ ਸਫਰ 'ਚ ਇੱਕ ਵਾਰ ਫਿਰ ਇਕੱਲੇ ਹੋ ਗਏ। ਪਰ ਫਿਰ ਕੁਝ ਹੈਰਾਨ ਕਰਨ ਵਾਲਾ ਹੋਇਆ।

Adnam Sami

ਆਪਣੀ ਸੁਰੀਲੀ ਆਵਾਜ਼ ਨਾਲ ਦਰਸ਼ਕਾਂ ਨੂੰ ਦੀਵਾਨਾ ਬਣਾਉਣ ਵਾਲੇ ਮਸ਼ਹੂਰ ਗਾਇਕ ਅਦਨਾਨ ਸਾਮੀ ਦੇਸ਼ ਭਰ 'ਚ ਆਪਣੇ ਗੀਤਾਂ ਲਈ ਜਾਣੇ ਜਾਂਦੇ ਹਨ। ਲੰਬੇ ਸਮੇਂ ਤੋਂ ਪਾਕਿਸਤਾਨ 'ਚ ਰਹਿ ਰਹੇ ਗਾਇਕ ਨੇ ਭਾਰਤ ਪ੍ਰਤੀ ਆਪਣੇ ਪਿਆਰ ਕਾਰਨ ਨਾ ਸਿਰਫ ਭਾਰਤ 'ਚ ਰਹਿਣ ਦਾ ਫੈਸਲਾ ਕੀਤਾ, ਸਗੋਂ ਇਸ ਲਈ ਦੇਸ਼ ਦੀ ਨਾਗਰਿਕਤਾ ਵੀ ਲੈ ਲਈ ਹੈ। ਇਤਫ਼ਾਕ ਹੈ ਕਿ ਭਾਰਤ ਨੂੰ ਪਿਆਰ ਕਰਨ ਵਾਲਾ ਅਦਨਾਨ ਆਪਣਾ ਜਨਮ ਦਿਨ ਵੀ ਉਸੇ ਦਿਨ ਮਨਾਉਂਦਾ ਹੈ, ਜਿਸ ਦਿਨ ਭਾਰਤ ਨੂੰ ਅੰਗਰੇਜ਼ਾਂ ਤੋਂ ਆਜ਼ਾਦੀ ਮਿਲੀ ਸੀ। ਦੇਸ਼ ਦੇ ਸੁਤੰਤਰਤਾ ਦਿਵਸ ਯਾਨੀ 15 ਅਗਸਤ ਨੂੰ ਜਨਮੇ ਅਦਨਾਨ ਸਾਮੀ ਅੱਜ 51 ਸਾਲ ਦੇ ਹੋ ਗਏ ਹਨ।

ਅਦਨਾਨ ਸਾਮੀ ਦਾ ਜਨਮ 15 ਅਗਸਤ 1971 ਨੂੰ ਲੰਡਨ 'ਚ ਹੋਇਆ ਸੀ। ਉਸਦੇ ਪਿਤਾ ਅਦਸ਼ਾਦ ਸਾਮੀ ਖਾਨ ਪਾਕਿਸਤਾਨ ਤੋਂ ਸਨ ਜਦੋਂ ਕਿ ਉਸਦੀ ਮਾਂ ਇੱਕ ਭਾਰਤੀ ਮੁਸਲਿਮ ਪਰਿਵਾਰ ਨਾਲ ਸਬੰਧਤ ਸੀ। ਇਹੀ ਕਾਰਨ ਹੈ ਕਿ ਉਸ ਦਾ ਹਮੇਸ਼ਾ ਭਾਰਤ ਵੱਲ ਝੁਕਾਅ ਰਿਹਾ ਹੈ। ਗਾਇਕੀ ਤੋਂ ਇਲਾਵਾ ਅਦਨਾਨ ਸੰਗੀਤਕ ਸਾਜ਼ ਵਜਾਉਣ ਵਿੱਚ ਵੀ ਮਾਹਰ ਹੈ। ਰਿਪੋਰਟਾਂ ਮੁਤਾਬਕ ਅਦਨਾਨ 35 ਤੋਂ ਵੱਧ ਸੰਗੀਤਕ ਸਾਜ਼ ਵਜਾਉਂਦਾ ਹੈ। ਇਸ ਤੋਂ ਇਲਾਵਾ ਪਿਆਨੋ ਵਜਾਉਣ ਵਿੱਚ ਵੀ ਉਸ ਦੀ ਵਿਸ਼ੇਸ਼ ਮੁਹਾਰਤ ਹੈ।