ਸਾਊਥ ਫ਼ਿਲਮਾਂ ਤੋਂ ਇਲਾਵਾ ਇਹ ਅਦਾਕਾਰਾਂ ਬਾਲੀਵੁਡ 'ਤੇ ਵੀ ਕਰਦੀਆਂ ਰਾਜ, ਤਾਪਸੀ ਤੋਂ ਲੈ ਕੇ ਰਕੁਲਪ੍ਰੀਤ ਤੱਕ ਦੇ ਨਾਂ ਸ਼ਾਮਿਲ 

ਅਦਾਕਾਰਾ ਤਪਸੀ ਪੰਨੂੰ ਬਾਲੀਵੁੱਡ ਦੇ ਨਾਲ ਨਾਲ ਸਾਊਥ ਫਿਲਮਾਂ 'ਤੇ ਵੀ ਰਾਜ ਕਰਦੀ ਹੈ ਪਰ ਉਹ ਨਾ ਤਾਂ ਮਹਾਰਾਸ਼ਟਰ ਦੀ ਹੈ ਅਤੇ ਨਾ ਹੀ ਸਾਊਥ ਤੋਂ, ਸਗੋਂ ਉਹ ਦਿੱਲੀ ਦੀ ਹੈ।

ਬਾਹੂਬਲੀ ਫੇਮ ਤਮੰਨਾ  ਭਾਟੀਆ ਨੇ ਅਜੇ ਦੇਵਗਨ ਦੀ ਫਿਲਮ ਹਿੰਮਤਵਾਲਾ ਨਾਲ ਹਿੰਦੀ ਫਿਲਮ ਇੰਡਸਟਰੀ ਵਿੱਚ ਡੈਬਿਊ ਕੀਤਾ ਸੀ। ਜਿਸ ਤੋਂ ਬਾਅਦ ਉਸ ਨੇ ਕਈ ਬਾਲੀਵੁੱਡ ਫਿਲਮਾਂ ਵਿੱਚ ਕੰਮ ਕੀਤਾ ਅਤੇ ਦਰਸ਼ਕਾਂ ਦੁਆਰਾ ਉਸ ਨੂੰ ਪਸੰਦ ਕੀਤਾ ਗਿਆ। 

ਇਨ੍ਹੀਂ ਦਿਨੀਂ ਡਰੱਗਸ ਕੇਸ 'ਚ ਫਸੀ ਅਦਾਕਾਰਾ ਰਕੂਲ ਪ੍ਰੀਤ ਸਿੰਘ ਸਾਊਥ ਨਾਲ ਸਬੰਧਤ ਨਹੀਂ ਹੈ। ਉਹ ਅਸਲ ਵਿੱਚ ਪੰਜਾਬ ਦੀ ਰਹਿਣ ਵਾਲੀ ਹੈ। ਪਰ ਅੱਜ ਸਾਊਥ ਦੇ ਨਾਲ ਨਾਲ ਬਾਲੀਵੁੱਡ 'ਚ ਇੱਕ ਵੱਡੀ ਅਭਿਨੇਤਰੀ ਮੰਨੀ ਜਾਂਦੀ ਹੈ। 

ਫਿਲਮ 'ਆਪਕਾ ਸੁਰੂਰ' ਨਾਲ ਬਾਲੀਵੁੱਡ 'ਚ ਡੈਬਿਊ ਕਰਨਾ ਸ਼ਾਇਦ ਹੰਸਿਕਾ ਦਾ ਸਭ ਤੋਂ ਬੁਰਾ ਫੈਸਲਾ ਸੀ। ਉਸ ਨੂੰ ਬਾਲੀਵੁੱਡ ਵਿੱਚ ਕੋਈ ਪਛਾਣ ਨਹੀਂ ਮਿਲੀ। ਪਰ ਉਹ ਅਜੇ ਵੀ ਸਾਊਥ 'ਚ ਰਾਜ ਕਰਦੀ ਹੈ। 

ਅਭਿਨੇਤਰੀ ਭੂਮਿਕਾ ਚਾਵਲਾ ਨੇ ਫਿਲਮ 'ਤੇਰੇ ਨਾਮ' ਤੋਂ ਸਲਮਾਨ ਖਾਨ ਨਾਲ ਬਾਲੀਵੁੱਡ 'ਚ ਡੈਬਿਊ ਕੀਤਾ ਸੀ। ਇਸ ਫਿਲਮ 'ਚ ਅਭਿਨੇਤਰੀ ਦੀ ਖੂਬਸੂਰਤੀ ਨੂੰ ਵੇਖਦੇ ਹੋਏ ਦਰਸ਼ਕ ਵੀ ਉਸ ਦੇ ਪ੍ਰਸ਼ੰਸਕ ਬਣ ਗਏ। ਭੂਮਿਕਾ ਚਾਵਲਾ, ਜੋ ਸਲਮਾਨ ਖਾਨ ਦੀ ਫਿਲਮ 'ਤੇਰੇ ਨਾਮ' 'ਚ ਰਾਤੋ ਰਾਤ ਮਸ਼ਹੂਰ ਹੋਈ, ਨੇ ਲੰਬੇ ਸਮੇਂ ਲਈ ਸਾਊਥ ਫਿਲਮਾਂ 'ਤੇ ਰਾਜ ਕੀਤਾ।