Allu Arjun Birthday: 'ਪੁਸ਼ਪਾ' ਸਟਾਰਰ ਅੱਲੂ ਅਰਜੁਨ ਦੇ ਜਨਮ ਦਿਨ 'ਤੇ ਜਾਣੋ ਕੁਝ ਖਾਸ ਗੱਲਾਂ, ਅੱਲੂ ਨੇ 3 ਸਾਲ ਦੀ ਉਮਰ 'ਚ ਸ਼ੁਰੂ ਕੀਤੀ ਐਕਟਿੰਗ

allu_arjun_birthday

Happy Birthday Allu Arjun: ਸਾਊਥ ਦੀ ਫਿਲਮ 'ਪੁਸ਼ਪਾ: ਦ ਰਾਈਜ਼' ਤੋਂ ਬਾਲੀਵੁੱਡ ਫੈਨਸ ਦੇ ਦਿਲਾਂ 'ਚ ਵੱਸਣ ਵਾਲੇ ਐਕਟਰ ਅੱਲੂ ਅਰਜੁਨ ਅੱਜ 8 ਅਪ੍ਰੈਲ ਨੂੰ ਆਪਣਾ 40ਵਾਂ ਜਨਮ ਦਿਨ ਸੈਲੀਬ੍ਰੇਟ ਕਰ ਰਹੇ ਹਨ।

ਅੱਲੂ ਅਰਜੁਨ ਨੇ ਬਹੁਤ ਛੋਟੀ ਉਮਰ ਵਿੱਚ ਹੀ ਆਪਣੇ ਲਈ ਇੱਕ ਵੱਡੀ ਪਛਾਣ ਬਣਾ ਲਈ ਹੈ। ਅੱਲੂ ਅਰਜੁਨ ਆਪਣਾ ਜਨਮ ਦਿਨ ਪਰਿਵਾਰ ਨਾਲ ਮਨਾਉਣੇ ਹਨ। ਹਾਲਾਂਕਿ ਅਜੇ ਇਹ ਸਪੱਸ਼ਟ ਨਹੀਂ ਹੈ ਕਿ ਉਹ ਘਰ ਦੇ ਬਾਹਰ ਇਕੱਠੇ ਹੋਏ ਪ੍ਰਸ਼ੰਸਕਾਂ ਨੂੰ ਮਿਲਣਗੇ ਜਾਂ ਨਹੀਂ।

ਦੱਸ ਦਈਏ ਕਿ ਅੱਲੂ ਅਰਜੁਨ ਨੇ 3 ਸਾਲ ਦੀ ਉਮਰ ਤੋਂ ਫਿਲਮਾਂ 'ਚ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਸੀ। 8 ਅਪ੍ਰੈਲ 1982 ਨੂੰ ਮਦਰਾਸ ਦੇ ਇੱਕ ਤਾਮਿਲ ਪਰਿਵਾਰ ਵਿੱਚ ਜਨਮੇ ਅੱਲੂ ਦੀ ਉਮਰ ਸਿਰਫ਼ 3 ਸਾਲ ਸੀ ਜਦੋਂ ਉਹ ਪਹਿਲੀ ਵਾਰ ਕੈਮਰੇ ਦੇ ਸਾਹਮਣੇ ਆਏ ਸੀ।

ਉਸ ਸਮੇਂ ਛੋਟੇ ਅੱਲੂ ਅਰਜੁਨ ਨੇ 1985 'ਚ ਰਿਲੀਜ਼ ਹੋਈ ਫਿਲਮ 'ਵਿਜੇਤਾ' 'ਚ ਬਾਲ ਕਲਾਕਾਰ ਵਜੋਂ ਕੰਮ ਕੀਤਾ ਸੀ। ਇਸ ਤੋਂ ਬਾਅਦ ਉਹ 1986 'ਚ ਫਿਲਮ 'ਡੈਡੀ' 'ਚ ਨਜ਼ਰ ਆਏ। ਤੇ ਫਿਰ ਅੱਲੂ ਅਰਜੁਨ ਨੇ ਸਾਲ 2003 ਵਿੱਚ 'ਗੰਗੋਤਰੀ' ਨਾਲ ਆਪਣਾ ਡੈਬਿਊ ਕੀਤਾ।

ਕਿਹਾ ਜਾਂਦਾ ਹੈ ਕਿ ਅੱਲੂ ਅਰਜੁਨ ਨੇ ਸਾਲ 2019 ਵਿੱਚ FALCON ਨਾਂ ਦੀ ਇੱਕ ਸੁਪਰ ਲਗਜ਼ਰੀ ਵੈਨਿਟੀ ਵੈਨ ਖਰੀਦੀ ਸੀ। ਕਿਹਾ ਜਾਂਦਾ ਹੈ ਕਿ ਇਸ ਵੈਨ ਦੇ ਅੰਦਰਲੇ ਹਿੱਸੇ ਤੋਂ ਇੱਕ ਮਹਿਲ ਦੇ ਅੰਦਰ ਦੀ ਝਲਕ ਮਿਲਦੀ ਹੈ। ਇਸ ਦੀ ਕੀਮਤ 7 ਕਰੋੜ ਰੁਪਏ ਦੱਸੀ ਜਾ ਰਹੀ ਹੈ।

'ਪੁਸ਼ਪਾ' ਯਾਨੀ ਅੱਲੂ ਅਰਜੁਨ ਨੂੰ ਪੜ੍ਹਨ ਦਾ ਵੀ ਬਹੁਤ ਸ਼ੌਕ ਹੈ ਤੇ ਉਸ ਨੂੰ ਉਸ ਦੇ ਜਾਣਕਾਰਾਂ ਮੁਤਾਬਕ ਕਿਤਾਬੀ ਕੀੜਾ ਵੀ ਕਿਹਾ ਜਾਂਦਾ ਹੈ।

ਅੱਲੂ ਅਰਜੁਨ ਇੱਕ ਬੇਮਿਸਾਲ ਐਕਟਰ ਦੇ ਨਾਲ-ਨਾਲ ਇੱਕ ਵਧੀਆ ਡਾਂਸਰ ਅਤੇ ਇੱਕ ਸ਼ਾਨਦਾਰ ਗਾਇਕ ਹੈ। ਉਸ ਨੇ 2016 ਦੀ ਤੇਲਗੂ ਫਿਲਮ sarrainodu ਲਈ ਇੱਕ ਗੀਤ ਵੀ ਗਾਇਆ ਸੀ।

ਕਿਹਾ ਜਾਂਦਾ ਹੈ ਕਿ ਅੱਲੂ ਅਰਜੁਨ ਅਤੇ ਸਨੇਹਾ ਰੈੱਡੀ ਨੂੰ ਪਹਿਲੀ ਨਜ਼ਰ ਵਿੱਚ ਹੀ ਇੱਕ ਦੂਜੇ ਨਾਲ ਪਿਆਰ ਹੋ ਗਿਆ ਸੀ। ਦੋਨਾਂ ਦੀ ਪਹਿਲੀ ਮੁਲਾਕਾਤ ਇੱਕ ਦੋਸਤ ਦੇ ਵਿਆਹ ਵਿੱਚ ਹੋਈ ਸੀ।

ਸਨੇਹਾ ਹੈਦਰਾਬਾਦ ਦੇ ਇੱਕ ਕਾਰੋਬਾਰੀ ਦੀ ਬੇਟੀ ਹੈ ਤੇ ਉਸ ਨੂੰ ਅੱਲੂ ਅਰਜੁਨ ਨਾਲ ਆਪਣਾ ਰਿਸ਼ਤਾ ਪਸੰਦ ਨਹੀਂ ਸੀ। ਦੱਸਿਆ ਜਾਂਦਾ ਹੈ ਕਿ ਜਦੋਂ ਅੱਲੂ ਨੇ ਸਨੇਹਾ ਦੇ ਘਰ ਰਿਸ਼ਤਾ ਭੇਜਿਆ ਤਾਂ ਉਸ ਦੇ ਪਿਤਾ ਨੇ ਇਨਕਾਰ ਕਰ ਦਿੱਤਾ ਸੀ।