'ਅਨੁਪਮਾ' ਦੀ ਇਹ ਅਦਾਕਾਰਾ ਗਲੈਮਰ ਛੱਡ ਬਣੀ 'ਕ੍ਰਿਸ਼ਨ ਭਗਤ', ਆਸ਼ਰਮ 'ਚੋਂ ਸ਼ੇਅਰ ਕੀਤੇ ਹੈਰਾਨ ਕਰਨ ਵਾਲੇ ਲੁੱਕ

ਅਨਘਾ ਭੋਸਲੇ

ਫੇਮਸ ਸੀਰੀਅਲ 'ਅਨੁਪਮਾ' ਤੋਂ ਛੋਟੇ ਪਰਦੇ 'ਤੇ ਆਪਣੀ ਪਛਾਣ ਬਣਾਉਣ ਵਾਲੀ ਅਦਾਕਾਰਾ ਅਨਘਾ ਭੋਸਲੇ ਹੁਣ ਅਦਾਕਾਰੀ ਤੋਂ ਦੂਰ ਹੋ ਗਈ ਹੈ।

ਕੁਝ ਸਮਾਂ ਪਹਿਲਾਂ ਹੀ ਅਨਘਾ ਨੇ ਟੀਵੀ ਇੰਡਸਟਰੀ ਨੂੰ ਅਲਵਿਦਾ ਕਹਿ ਕੇ ਆਪਣੇ ਲੱਖਾਂ ਫੈਨਜ਼ ਦਾ ਦਿਲ ਤੋੜ ਦਿੱਤਾ ਸੀ।

ਅਨਘਾ ਨੇ ਟੀਵੀ ਛੱਡ ਦਿੱਤਾ ਹੈ ਅਤੇ ਆਪਣੇ ਆਪ ਨੂੰ ਅਧਿਆਤਮਿਕ ਬਣਾਇਆ ਹੈ। ਉਹ ਹੁਣ ਕ੍ਰਿਸ਼ਨ ਦੀ ਭਗਤ ਬਣ ਗਈ ਹੈ ਅਤੇ ਉਹਨਾਂ ਨੇ ਆਪਣੇ ਆਪ ਨੂੰ ਪ੍ਰਭੂ ਦੀ ਸੇਵਾ ਵਿੱਚ ਸਮਰਪਿਤ ਕਰ ਦਿੱਤਾ ਹੈ।

ਜਿੱਥੇ ਪਹਿਲਾਂ ਅਨਘਾ ਦੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਉਹਨਾਂ ਦੀਆਂ ਗਲੈਮਰਸ ਤਸਵੀਰਾਂ ਸਾਹਮਣੇ ਆਉਂਦੀਆਂ ਹਨ, ਉਥੇ ਹੁਣ ਉਹਨਾਂ ਦੀਆਂ ਰੂਹਾਨੀਅਤ ਨਾਲ ਜੁੜੀਆਂ ਤਸਵੀਰਾਂ ਦੇਖੀਆਂ ਜਾ ਸਕਦੀਆਂ ਹਨ।

ਕੁਝ ਤਸਵੀਰਾਂ 'ਚ ਉਹ ਭਗਵਾਨ ਕ੍ਰਿਸ਼ਨ ਦੀ ਆਸਥਾ 'ਚ ਲੀਨ ਨਜ਼ਰ ਆ ਰਹੀ ਹੈ, ਜਦਕਿ ਕੁਝ ਤਸਵੀਰਾਂ 'ਚ ਉਹ ਗਊਆਂ ਦੀ ਸੇਵਾ ਕਰਦੀ ਵੀ ਨਜ਼ਰ ਆ ਰਹੀ ਹੈ।

ਹਾਲਾਂਕਿ, ਅਨਘਾ ਪਹਿਲਾਂ ਇਸ ਤਰ੍ਹਾਂ ਦੀ ਨਹੀਂ ਸੀ। ਉਹਨਾਂ ਦਾ ਸੋਸ਼ਲ ਮੀਡੀਆ ਫੀਡ ਉਹਨਾਂ ਦੀਆਂ ਗਲੈਮਰਸ ਤਸਵੀਰਾਂ ਨਾਲ ਭਰਿਆ ਹੋਇਆ ਸੀ, ਜਿਸ ਨੂੰ ਉਹਨਾਂ ਦੇ ਫੈਨਜ਼ ਬਹੁਤ ਪਸੰਦ ਕਰਦੇ ਸਨ।

ਕੁਝ ਸਮਾਂ ਪਹਿਲਾਂ ਅਨਘਾ ਨੇ ਛੋਟੇ ਪਰਦੇ ਤੋਂ ਦੂਰ ਰਹਿਣ ਦਾ ਐਲਾਨ ਕੀਤਾ ਸੀ। ਉਨ੍ਹਾਂ ਨੇ ਆਪਣੇ ਆਪ ਨੂੰ ਛੋਟੇ ਪਰਦੇ ਤੋਂ ਹੀ ਨਹੀਂ ਸਗੋਂ ਮਨੋਰੰਜਨ ਜਗਤ ਤੋਂ ਵੀ ਦੂਰ ਕਰਨ ਦਾ ਐਲਾਨ ਕੀਤਾ ਸੀ।

ਉਹਨਾਂ ਕਿਹਾ ਕਿ ਜਿਸ ਖੇਤਰ ਵਿੱਚ ਉਹ ਕੰਮ ਕਰ ਰਹੀ ਸੀ, ਉਸ ਨਾਲ ਉਸਦੇ ਵਿਚਾਰ ਖਰਾਬ ਹੋ ਰਹੇ ਸਨ ਅਤੇ ਜਿਸ ਵਿੱਚ ਉਹਨਾਂ ਦਾ ਵਿਸ਼ਵਾਸ ਸੀ ਉਹ ਖਤਮ ਹੋ ਰਿਹਾ ਸੀ। ਇਸ ਲਈ ਉਹਨਾਂ ਨੇ ਇਸ ਤੋਂ ਦੂਰ ਰਹਿਣ ਦਾ ਫੈਸਲਾ ਕੀਤਾ ਹੈ।