ਕੋਰੋਨਾ ਨੂੰ ਮਾਤ ਦੇ ਕੇ ਪਰਿਵਾਰ ਨਾਲ ਪਹਿਲੀ ਵਾਰ ਹਰਿਮੰਦਰ ਸਾਹਿਬ ਪਹੁੰਚੀ Kangana Ranaut ਨੇ ਕਿਹਾ.....

Kangana_at_Harmandir_1

ਬਾਲੀਵੁੱਡ ਐਕਟਰਸ ਕੰਗਨਾ ਰਨੌਤ ਇਨ੍ਹੀਂ ਦਿਨੀਂ ਆਪਣੇ ਪਰਿਵਾਰ ਨਾਲ ਕੁਆਲਿਟੀ ਟਾਈਮ ਬਿਤਾ ਰਹੀ ਹੈ। ਹਾਲ 'ਚ ਕੰਗਨਾ ਨਾ ਕੋਰੋਨਾਵਾਇਰਸ ਨੂੰ ਮਾਤ ਦਿੱਤੀ ਹੈ। ਇਸ ਤੋਂ ਬਾਅਦ ਉਸ ਨੇ ਲਗਾਤਾਰ ਆਪਣੇ ਪਰਿਵਾਰ ਨਾਲ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀਆਂ।

ਦੱਸ ਦਈਏ ਹੁਣ ਕੰਗਨਾ ਰਨੌਟ ਆਪਣੇ ਪਰਿਵਾਰ ਸਮੇਤ ਹਰਿਮੰਦਰ ਸਾਹਿਬ ਪਹੁੰਚੀ ਤੇ ਜਿੱਥੇ ਉਸ ਨੇ ਮੱਥਾ ਟੇਕਿਆ।

ਉਸ ਨੇ ਇਸ ਦੌਰਾਨ ਦੀਆਂ ਕੁਝ ਫੋਟੋਆਂ ਸੋਸ਼ਲ ਮੀਡੀਆ 'ਤੇ ਸਾਂਝੀਆਂ ਕੀਤੀਆਂ ਹਨ। ਨਾਲ ਹੀ ਉਸ ਨੇ ਦੱਸਿਆ ਕਿ ਉਹ ਪਹਿਲੀ ਵਾਰ ਇੱਥੇ ਆਈ ਹੈ ਤੇ ਹਰਿਮੰਦਰ ਸਾਹਿਬ ਦੀ ਸੁੰਦਰਤਾ ਨੂੰ ਵੇਖ ਉਹ ਨਿ-ਸ਼ਬਦ ਹੋ ਗਈ ਹੈ।

ਇਨ੍ਹਾਂ ਤਸਵੀਰਾਂ 'ਚ ਕੰਗਨਾ ਆਪਣੀ ਮਾਂ, ਭੈਣ ਰੰਗੋਲੀ ਤੇ ਉਸਦੇ ਬੇਟੇ ਦੇ ਨਾਲ ਨਜ਼ਰ ਆ ਰਹੀ ਹੈ। ਉਸ ਨੇ ਹਰਿਮੰਦਰ ਸਾਹਿਬ ਵਿਖੇ ਮੱਥੇ ਟੇਕਿਆ ਤੇ ਪ੍ਰਸ਼ਾਦ ਲਿਆ।

ਫੋਟੋਆਂ ਸ਼ੇਅਰ ਕਰ ਉਸ ਨੇ ਕੈਪਸ਼ਨ ਵਿੱਚ ਲਿਖਿਆ- ‘ਅੱਜ ਮੈਂ ਸ਼੍ਰੀ ਹਰਿਮੰਦਰ ਸਾਹਿਬ ਗਈ। ਭਾਵੇਂ ਮੈਂ ਉੱਤਰ ਵਿੱਚ ਪਲੀ-ਵੱਡੀ ਹੋਈ ਹਾਂ, ਮੇਰੇ ਪਰਿਵਾਰ ਵਿੱਚ ਲਗਪਗ ਸਾਰੇ ਲੋਕ ਪਹਿਲਾਂ ਹੀ ਕਈ ਵਾਰ ਇੱਥੇ ਆ ਕੇ ਦਰਸ਼ਨ ਕਰ ਚੁੱਕੇ ਹਨ। ਸਿਰਫ ਮੇਰੇ ਲਈ ਇਹ ਪਹਿਲੀ ਵਾਰ ਸੀ। ਹਰਿਮੰਦਰ ਸਾਹਿਬ ਦੀ ਖੂਬਸੂਰਤੀ ਤੇ ਬ੍ਰਹਮਤਾ ਹੈਰਾਨ ਤੇ ਨਿਸ਼ਬਦ ਕਰ ਦੇਣ ਵਾਲੀ ਸੀ।"

ਦੱਸ ਦੇਈਏ ਕਿ ਕੰਗਨਾ ਕੁਝ ਦਿਨ ਪਹਿਲਾਂ ਮੁੰਬਈ ਵਿੱਚ ਸੀ ਤੇ ਕੋਰੋਨਾਵਾਇਰਸ ਨਾਲ ਸੰਕਰਮਿਤ ਹੋ ਗਈ ਸੀ ਪਰ ਇਸ ਵਾਇਰਸ ਨੂੰ ਹਰਾ ਕੇ ਉਹ ਆਪਣੇ ਸ਼ਹਿਰ ਮਨਾਲੀ ਵਿੱਚ ਪਰਿਵਾਰ ਨਾਲ ਸਮਾਂ ਬਤੀਤ ਕਰ ਰਹੀ ਹੈ। ਉਹ ਹਾਲ ਹੀ ਵਿਚ ਆਪਣੇ ਦੋਸਤਾਂ ਤੇ ਰਿਸ਼ਤੇਦਾਰਾਂ ਨੂੰ ਮਿਲੀ।

ਵਰਕ ਫਰੰਟ 'ਤੇ ਕੰਗਨਾ ਫਿਲਮ 'ਥਲਾਇਵੀ' 'ਚ ਨਜ਼ਰ ਆਵੇਗੀ। ਫਿਲਮ ਦੀ ਰਿਲੀਜ਼ ਨੂੰ ਕੋਵਿਡ ਕਾਰਨ ਮੁਲਤਵੀ ਕਰ ਦਿੱਤਾ ਗਿਆ ਸੀ। ਨਾਲ ਹੀ ਉਹ 'ਤੇਜਸ' ਤੇ 'ਧੱਕੜ' ਅਤੇ ਮਣੀਕਰਣੀਕਾ ਰਿਟਰਨਜ਼ 'ਚ ਵੀ ਨਜ਼ਰ ਆਵੇਗੀ। ਹਾਲ ਹੀ ਵਿੱਚ ਉਸ ਦੇ ਬੈਨਰ ਮਣੀਕਰਣੀਕਾ ਫਿਲਮਾਂ ਦੇ ਹੇਠਾਂ 'ਟੀਕੂ ਵੈਡਜ਼ ਸ਼ੇਰੂ' ਨਾਂ ਦੀ ਇੱਕ ਫਿਲਮ ਦਾ ਐਲਾਨ ਕੀਤਾ।