Jawan: 'ਜਵਾਨ' ਦੀ ਤੂਫਾਨੀ ਕਮਾਈ ਨਾਲ ਸ਼ਾਹਰੁਖ ਖਾਨ ਦੇ ਨਾਂ ਦਰਜ ਹੋਇਆ ਵੱਡਾ ਰਿਕਾਰਡ, 'ਪਠਾਨ', 'ਗਦਰ 2' ਨੂੰ ਛੱਡਿਆ ਪਿੱਛੇ

ਸ਼ਾਹਰੁਖ ਖਾਨ ਸਟਾਰਰ ਫਿਲਮ ਜਵਾਨ 7 ਸਤੰਬਰ ਨੂੰ ਜਨਮ ਅਸ਼ਟਮੀ ਦੇ ਮੌਕੇ 'ਤੇ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਈ ਸੀ। ਫਿਲਮ ਦਾ ਸ਼ੁਰੂਆਤੀ ਦਿਨ ਸ਼ਾਨਦਾਰ ਰਿਹਾ ਅਤੇ ਇਸ ਨੇ ਕਮਾਈ ਦੇ ਮਾਮਲੇ 'ਚ ਇਤਿਹਾਸ ਰਚ ਦਿੱਤਾ।

'ਜਵਾਨ' ਦੀ ਤੂਫਾਨੀ ਕਮਾਈ ਨਾਲ ਸ਼ਾਹਰੁਖ ਖਾਨ ਦੇ ਨਾਂ ਦਰਜ ਹੋਇਆ ਵੱਡਾ ਰਿਕਾਰਡ, 'ਪਠਾਨ', 'ਗਦਰ 2' ਨੂੰ ਛੱਡਿਆ ਪਿੱਛੇ

ਐਡਵਾਂਸ ਬੁਕਿੰਗ ਦੇ ਪਹਿਲੇ ਦਿਨ ਤੋਂ ਹੀ ਰਿਕਾਰਡ ਤੋੜ ਰਹੀ 'ਜਵਾਨ' ਨੇ ਆਪਣੇ ਪਹਿਲੇ ਦਿਨ ਵੀ ਬੰਪਰ ਕਲੈਕਸ਼ਨ ਕੀਤਾ ਹੈ ਅਤੇ ਫਿਲਮ ਨੇ 'ਪਠਾਨ' ਅਤੇ 'ਗਦਰ 2' ਸਮੇਤ 10 ਫਿਲਮਾਂ ਦੇ ਪਹਿਲੇ ਦਿਨ ਦੇ ਕਲੈਕਸ਼ਨ ਨੂੰ ਪਿੱਛੇ ਛੱਡ ਦਿੱਤਾ ਹੈ।

ਫਿਲਮ ਵਪਾਰ ਵਿਸ਼ਲੇਸ਼ਕ ਮਨੋਬਾਲਾ ਵਿਜੇਬਾਲਨ ਨੇ ਟਵਿੱਟਰ ਜਾਂ ਐਕਸ 'ਤੇ 'ਜਵਾਨ' ਦੀ ਪਹਿਲੇ ਦਿਨ ਦੀ ਕਮਾਈ ਦੇ ਸ਼ੁਰੂਆਤੀ ਅੰਕੜੇ ਸਾਂਝੇ ਕੀਤੇ ਹਨ। ਉਨ੍ਹਾਂ ਨੇ ਲਿਖਿਆ, ''ਫਿਲਮ ਦੇ ਪਹਿਲੇ ਦਿਨ ਦਾ ਸ਼ੁਰੂਆਤੀ ਅੰਦਾਜ਼ਾ ਦੇਸ਼ 'ਚ 70 ਕਰੋੜ ਅਤੇ ਦੁਨੀਆ ਭਰ 'ਚ 120 ਕਰੋੜ ਰੁਪਏ ਤੋਂ ਜ਼ਿਆਦਾ ਹੈ।

ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਸ਼ਾਹਰੁਖ ਖਾਨ ਦੀ 'ਜਵਾਨ' ਨੇ ਬਾਕਸ ਆਫਿਸ 'ਤੇ ਪਹਿਲੇ ਦਿਨ ਬੁਲੇਟ ਤੋਂ ਵੀ ਤੇਜ਼ੀ ਨਾਲ ਕਮਾਈ ਕਰਕੇ 'ਪਠਾਨ', 'ਗਦਰ 2' ਸਮੇਤ 10 ਫਿਲਮਾਂ ਦੇ ਰਿਕਾਰਡ ਤੋੜ ਦਿੱਤੇ ਹਨ।

ਸ਼ਾਹਰੁਖ ਖਾਨ ਨੇ ਆਪਣੀ ਨਵੀਂ ਰਿਲੀਜ਼ ਹੋਈ ਫਿਲਮ ਨਾਲ ਆਪਣੀ ਪਿਛਲੀ ਬਲਾਕਬਸਟਰ ਫਿਲਮ ਪਠਾਨ ਦੇ ਪਹਿਲੇ ਦਿਨ ਦੇ ਕਲੈਕਸ਼ਨ ਦਾ ਰਿਕਾਰਡ ਤੋੜ ਦਿੱਤਾ ਹੈ। ਪਠਾਨ ਨੇ ਪਹਿਲੇ ਦਿਨ 57 ਕਰੋੜ ਦੀ ਕਮਾਈ ਕੀਤੀ।

KGF ਚੈਪਟਰ 2 ਦੀ ਪਹਿਲੇ ਦਿਨ ਦੀ ਕਮਾਈ 53.95 ਕਰੋੜ ਰੁਪਏ ਸੀ। ਰਿਤਿਕ ਰੋਸ਼ਨ ਅਤੇ ਟਾਈਗਰ ਸ਼ਰਾਫ ਸਟਾਰਰ 2019 ਦੀ ਹਿੱਟ ਫਿਲਮ ਵਾਰ ਦਾ ਪਹਿਲੇ ਦਿਨ ਦਾ ਕਲੈਕਸ਼ਨ 53.35 ਕਰੋੜ ਰੁਪਏ ਸੀ।

ਆਮਿਰ ਖਾਨ, ਕੈਟਰੀਨਾ ਕੈਫ ਅਤੇ ਅਮਿਤਾਭ ਬੱਚਨ ਦੀ 'ਠਗਸ ਆਫ ਹਿੰਦੋਸਤਾਨ' ਨੇ ਪਹਿਲੇ ਦਿਨ 52.25 ਕਰੋੜ ਦੀ ਕਮਾਈ ਕੀਤੀ। ਸ਼ਾਹਰੁਖ ਖਾਨ ਸਟਾਰਰ ਫਿਲਮ 'ਹੈਪੀ ਨਿਊ ਈਅਰ' ਨੇ ਪਹਿਲੇ ਦਿਨ 44.97 ਕਰੋੜ ਦੀ ਕਮਾਈ ਕੀਤੀ।

ਸ਼ਾਹਰੁਖ ਖਾਨ ਦੀ 'ਜਵਾਨ' ਨੇ ਭਾਰਤ 'ਚ ਸਲਮਾਨ ਖਾਨ ਦੇ ਪਹਿਲੇ ਦਿਨ ਦੇ ਕਲੈਕਸ਼ਨ ਦਾ ਰਿਕਾਰਡ ਵੀ ਤੋੜ ਦਿੱਤਾ ਹੈ। ਭਾਰਤ ਨੇ ਪਹਿਲੇ ਦਿਨ 42.30 ਕਰੋੜ ਦੀ ਕਮਾਈ ਕੀਤੀ ਸੀ।

ਪ੍ਰਭਾਸ ਦੀ ਮੈਗਾ ਬਲਾਕਬਸਟਰ ਫਿਲਮ ਬਾਹੂਬਲੀ 2 ਨੇ ਪਹਿਲੇ ਦਿਨ 41 ਕਰੋੜ ਦੀ ਕਮਾਈ ਕੀਤੀ ਸੀ।

'ਜਵਾਨ' ਦੀ ਬੰਪਰ ਓਪਨਿੰਗ ਡੇਅ ਦੀ ਕਮਾਈ ਨਾਲ ਕਿੰਗ ਖਾਨ ਦੇ ਨਾਂ ਇੱਕ ਵੱਡਾ ਰਿਕਾਰਡ ਵੀ ਦਰਜ ਹੋ ਗਿਆ ਹੈ। ਮਨੋਬਾਲਾ ਵਿਜੇਬਲਨ ਨੇ ਆਪਣੇ ਟਵੀਟ 'ਚ ਲਿਖਿਆ ਹੈ, 'ਸ਼ਾਹਰੁਖ ਖਾਨ ਪਹਿਲੇ ਦਿਨ 100 ਕਰੋੜ ਰੁਪਏ ਦੇ ਦੋ ਰਿਕਾਰਡ ਬਣਾਉਣ ਵਾਲੇ ਬਾਲੀਵੁੱਡ ਦੇ ਇਕਲੌਤੇ ਅਭਿਨੇਤਾ ਬਣ ਗਏ ਹਨ।'

ਅਸਲ 'ਚ 'ਜਵਾਨ' ਨੇ ਓਪਨਿੰਗ ਡੇ 'ਤੇ ਦੁਨੀਆ ਭਰ 'ਚ 100 ਕਰੋੜ ਤੋਂ ਜ਼ਿਆਦਾ ਦਾ ਕਲੈਕਸ਼ਨ ਕਰ ਲਿਆ ਹੈ, ਜਦਕਿ ਇਸ ਤੋਂ ਪਹਿਲਾਂ ਕਿੰਗ ਖਾਨ ਦੀ 'ਪਠਾਨ' ਨੇ ਵੀ ਪਹਿਲੇ ਦਿਨ 100 ਕਰੋੜ ਦਾ ਕਲੈਕਸ਼ਨ ਕੀਤਾ ਸੀ।