UT 69 Trailer: ਰਾਜ ਕੁੰਦਰਾ ਨੇ ਦਿਖਾਇਆ ਕਿਵੇਂ ਜੇਲ੍ਹ 'ਚ ਹੰਢਾਏ ਨਰਕ ਭਰੇ ਦਿਨ...ਟ੍ਰੇਲਰ ਨੂੰ ਮਿਲ ਰਿਹਾ ਭਰਵਾਂ ਹੁੰਗਾਰਾ

Raj Kundra's UT 69 Trailer: ਰਾਜ ਕੁੰਦਰਾ ਦੀ ਫਿਲਮ 'UT 69' ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। ਇਸ ਦੇ ਲਾਂਚ ਈਵੈਂਟ 'ਚ ਰਾਜ ਨੇ ਆਪਣੇ ਚਿਹਰੇ ਤੋਂ ਮਾਸਕ ਹਟਾਇਆ ਅਤੇ ਕਾਫੀ ਭਾਵੁਕ ਨਜ਼ਰ ਆਏ।

image source: google

ਫਿਲਮ ਯੂਟੀ 69 ਦਾ ਟ੍ਰੇਲਰ ਦਰਸ਼ਕਾਂ ਦੇ ਰੂਬਰੂ ਹੋ ਚੁੱਕਿਆ ਹੈ। ਖਾਸ ਗੱਲ ਇਹ ਹੈ ਕਿ ਫਿਲਮ 'ਚ ਉਨ੍ਹਾਂ ਦਾ ਕਿਰਦਾਰ ਰਾਜ ਕੁੰਦਰਾ ਖੁਦ ਨਿਭਾਅ ਰਹੇ ਹਨ। ਏਏ ਫਿਲਮਜ਼ ਦੇ ਬੈਨਰ ਹੇਠ ਬਣੀ ਇਸ ਫਿਲਮ ਦਾ ਨਿਰਦੇਸ਼ਨ ਸ਼ਾਹਨਵਾਜ਼ ਅਲੀ ਨੇ ਕੀਤਾ ਹੈ। 'UT 69' 3 ਨਵੰਬਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ।

'UT 69' ਰਾਜ ਕੁੰਦਰਾ ਦੀ ਬਾਇਓਪਿਕ ਹੈ। ਫਿਲਮ ਦੇ ਟ੍ਰੇਲਰ ਵਿੱਚ ਰਾਜ ਕੁੰਦਰਾ ਉੱਤੇ ਅਡਲਟ ਫਿਲਮਾਂ ਬਣਾਉਣ ਦੇ ਦੋਸ਼ ਅਤੇ ਉਸ ਤੋਂ ਬਾਅਦ ਜੇਲ੍ਹ ਵਿੱਚ ਬਿਤਾਈ ਗਈ ਜ਼ਿੰਦਗੀ ਦੀ ਝਲਕ ਦਿਖਾਈ ਗਈ ਹੈ। ਟ੍ਰੇਲਰ 'ਚ ਦਿਖਾਇਆ ਗਿਆ ਹੈ ਕਿ ਕਿਵੇਂ ਰਾਜ ਕੁੰਦਰਾ ਅਡਲਟ ਫਿਲਮ ਬਣਾਉਣ ਦੇ ਦੋਸ਼ 'ਚ ਜੇਲ ਜਾਂਦੇ ਹਨ ਅਤੇ ਫਿਰ ਉਥੇ ਪੁਲਿਸ ਵਾਲਿਆਂ ਅਤੇ ਕੈਦੀਆਂ ਵੱਲੋਂ ਉਸ ਨਾਲ ਕਿਹੋ ਜਿਹਾ ਵਿਵਹਾਰ ਕੀਤਾ ਜਾਂਦਾ ਹੈ।

ਪੁਲਿਸ ਵਾਲੇ ਉਸ ਨੂੰ ਨੰਗਾ ਕਰ ਦਿੰਦੇ ਹਨ ਅਤੇ ਕੈਦੀ ਵਿਸ਼ਵਾਸ ਨਹੀਂ ਕਰ ਸਕਦੇ ਕਿ ਉਹ ਅਸਲ ਵਿੱਚ ਅਦਾਕਾਰਾ ਸ਼ਿਲਪਾ ਸ਼ੈਟੀ ਦਾ ਪਤੀ ਹੈ।

ਸ਼ਿਲਪਾ ਸ਼ੈੱਟੀ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ 'ਤੇ ਆਪਣੇ ਪਤੀ ਦੀ ਬਾਇਓਪਿਕ ਦਾ ਟ੍ਰੇਲਰ ਸ਼ੇਅਰ ਕੀਤਾ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਇੱਕ ਕੈਪਸ਼ਨ ਵੀ ਲਿਖਿਆ ਹੈ। ਸ਼ਿਲਪਾ ਨੇ ਲਿਖਿਆ- 'ਆਲ ਦ ਬੈਸਟ, ਕੁਕੀ। ਤੁਸੀਂ ਇੱਕ ਬਹਾਦਰ ਵਿਅਕਤੀ ਹੋ। ਮੈਂ ਤੁਹਾਡੀ ਇਸੇ ਗੱਲ ਦੀ ਸਭ ਤੋਂ ਵੱਧ ਪ੍ਰਸ਼ੰਸਾ ਕਰਦੀ ਹਾਂ! ਇੱਥੇ ਤੁਹਾਡੀ ਹਿੰਮਤ ਅਤੇ ਸਕਾਰਾਤਮਕਤਾ ਹੈ!

ਦੱਸ ਦੇਈਏ ਕਿ ਸਾਲ 2021 'ਚ ਰਾਜ ਕੁੰਦਰਾ 'ਤੇ ਅਸ਼ਲੀਲ ਫਿਲਮਾਂ ਬਣਾਉਣ ਦਾ ਦੋਸ਼ ਲੱਗਾ ਸੀ। ਉਸ 'ਤੇ ਹੌਟਸੌਟਸ ਨਾਮ ਦੀ ਐਪ ਰਾਹੀਂ ਅਸ਼ਲੀਲ ਫਿਲਮਾਂ ਨੂੰ ਵੰਡਣ ਅਤੇ ਬਣਾਉਣ ਦਾ ਦੋਸ਼ ਸੀ।

ਜਿਸ ਤੋਂ ਬਾਅਦ ਮੁੰਬਈ ਪੁਲਿਸ ਨੇ 19 ਜੁਲਾਈ 2021 ਨੂੰ ਉਸਨੂੰ ਗ੍ਰਿਫਤਾਰ ਕਰ ਲਿਆ ਅਤੇ ਉਸਨੂੰ ਜੇਲ੍ਹ ਭੇਜ ਦਿੱਤਾ ਗਿਆ। ਹਾਲਾਂਕਿ ਕੁਝ ਸਮੇਂ ਬਾਅਦ ਰਾਜ ਨੂੰ ਜੇਲ੍ਹ ਤੋਂ ਰਿਹਾਅ ਕਰ ਦਿੱਤਾ ਗਿਆ। ਹੁਣ ਉਹ ਮੀਡੀਆ ਤੋਂ ਬਚਣ ਲਈ ਮਾਸਕ ਪਹਿਨੇ ਨਜ਼ਰ ਆ ਰਹੇ ਹਨ।