ਕਮੇਡੀਅਨ ਕਪਿਲ ਸ਼ਰਮਾ ਦਾ ਵੈਨਕੂਵਰ `ਚ ਲਾਈਵ ਸ਼ੋਅ, ਸਿੱਧੂ ਮੂਸੇਵਾਲਾ ਨੂੰ ਦਿੱਤੀ ਸ਼ਰਧਾਂਜਲੀ

ਕਪਿਲ ਸ਼ਰਮਾ

ਕਾਮੇਡੀਅਨ ਕਪਿਲ ਸ਼ਰਮਾ ਨੇ ਵੈਨਕੂਵਰ 'ਚ ਆਪਣੇ ਲਾਈਵ ਸ਼ੋਅ ਦੀਆਂ ਤਸਵੀਰਾਂ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ 'ਚ ਕਪਿਲ ਨਾਲ ਉਨ੍ਹਾਂ ਦਾ ਬੈਂਡ ਵੀ ਨਜ਼ਰ ਆ ਰਿਹਾ ਹੈ।

ਵੈਨਕੂਵਰ ਸਟੇਡੀਅਮ 'ਚ ਕਪਿਲ ਸ਼ਰਮਾ ਦੇ ਲਾਈਵ ਸ਼ੋਅ 'ਚ ਇਕ ਵੱਖਰਾ ਹੀ ਨਜ਼ਾਰਾ ਦੇਖਣ ਨੂੰ ਮਿਲਿਆ। ਕਪਿਲ ਦੇ ਸ਼ੋਅ ਲਈ ਹਜ਼ਾਰਾਂ ਲੋਕ ਪਹੁੰਚੇ ਸਨ।

ਕਪਿਲ ਸ਼ਰਮਾ ਨੇ ਖਚਾਖਚ ਭਰੇ ਸਟੇਡੀਅਮ ਨਾਲ ਆਪਣੀ ਕਲੋਜ਼-ਅੱਪ ਤਸਵੀਰ ਵੀ ਸ਼ੇਅਰ ਕੀਤੀ ਹੈ। ਜਿਸ 'ਚ ਉਹ ਆਪਣੇ ਹੀ ਅੰਦਾਜ਼ 'ਚ ਲੋਕਾਂ ਤੋਂ ਚੁਟਕਲੇ ਲੈਂਦੇ ਨਜ਼ਰ ਆ ਰਹੇ ਹਨ।

ਕਪਿਲ ਵੱਲੋਂ ਸ਼ੇਅਰ ਕੀਤੀਆਂ ਇਨ੍ਹਾਂ ਤਸਵੀਰਾਂ 'ਚ ਅਫਗਾਨਿਸਤਾਨ ਦੇ ਇਕ ਪ੍ਰਸ਼ੰਸਕ ਦੀ ਤਸਵੀਰ ਵੀ ਹੈ। ਪ੍ਰਸ਼ੰਸਕ ਦੇ ਹੱਥਾਂ ਵਿੱਚ ਇੱਕ ਬੈਨਰ ਸੀ ਅਤੇ ਲਿਖਿਆ ਸੀ, 'ਅਫਗਾਨਿਸਤਾਨ ਤੋਂ ਤੁਹਾਡਾ ਸਭ ਤੋਂ ਵੱਡਾ ਪ੍ਰਸ਼ੰਸਕ।'

ਕਪਿਲ ਦੇ ਨਾਲ, ਉਸਦਾ ਬੈਂਡ ਅਤੇ ਉਸਦੀ ਪੂਰੀ ਟੀਮ ਵੀ ਕਈ ਦੇਸ਼ਾਂ ਵਿੱਚ ਹੋਣ ਵਾਲੇ ਕਪਿਲ ਦੇ ਲਾਈਵ ਸ਼ੋਅ ਵਿੱਚ ਹਿੱਸਾ ਲੈ ਰਹੀ ਹੈ।

ਕਪਿਲ ਨੇ ਸ਼ੇਅਰ ਕੀਤੀਆਂ ਇਨ੍ਹਾਂ ਤਸਵੀਰਾਂ ਦੇ ਕੈਪਸ਼ਨ 'ਚ ਲਿਖਿਆ, 'ਧੰਨਵਾਦ ਦੋਸਤੋ, ਤੁਸੀਂ ਸਾਰੇ ਤੁਹਾਡੇ ਸ਼ਹਿਰ ਵਾਂਗ ਖੂਬਸੂਰਤ ਹੋ।'

ਆਪਣੇ ਲਈਵ ਸ਼ੋਅ `ਚ ਕਪਿਲ ਸ਼ਰਮਾ ਨੇ ਸਿੱਧੂ ਮੂਸੇਵਾਲਾ ਨੂੰ ਸ਼ਰਧਾਂਜਲੀ ਭੇਟ ਕੀਤੀ। ਇਸ ਦੌਰਾਨ ਕਪਿਲ ਨੇ ਮੂਸੇਵਾਲਾ ਦਾ 295 ਗੀਤ ਗਾਇਆ।

ਕਪਿਲ ਸ਼ਰਮਾ ਦੇ ਇਸ ਇੰਸਟਾਗ੍ਰਾਮ ਪੋਸਟ 'ਤੇ ਲੋਕਾਂ ਨੇ ਕਾਫੀ ਕਮੈਂਟ ਵੀ ਕੀਤੇ। ਕੁਝ ਨੇ ਉਸ ਨੂੰ ਸਰਵੋਤਮ ਕਿਹਾ ਅਤੇ ਕੁਝ ਨੇ ਉਸ ਦੇ ਅੰਦਾਜ਼ ਦੀ ਤਾਰੀਫ ਕੀਤੀ।