Singer Death: ਮਸ਼ਹੂਰ ਗਾਇਕ ਸਟੇਜ 'ਤੇ ਪਰਫਾਰਮ ਕਰਦੇ ਹੋਇਆ ਬੇਹੋਸ਼, ਫੈਨਜ਼ ਸਾਹਮਣੇ ਮੌਤ; ਸਦਮੇ 'ਚ ਪਰਿਵਾਰ...

Singer Death: ਸੰਗੀਤ ਜਗਤ ਤੋਂ ਮੰਦਭਾਗੀ ਖਬਰ ਸਾਹਮਣੇ ਆਈ ਹੈ, ਜਿਸ ਨੇ ਇੰਡਸਟਰੀ ਨੂੰ ਹਿਲਾ ਕੇ ਰੱਖ ਦਿੱਤਾ ਹੈ। ਦੱਸ ਦੇਈਏ ਕਿ ਤੁਰਕੀ ਦੇ ਮਸ਼ਹੂਰ ਗਾਇਕ ਵੋਲਕਨ ਕੋਨਕ ਦੇ ਅਚਾਨਕ ਦੇਹਾਂਤ ਨਾਲ ਸੰਗੀਤ ਜਗਤ ਵਿੱਚ ਸੋਗ ਦੀ ਲਹਿਰ ਦੌੜ ਗਈ ਹੈ।

Singer Death

ਉਨ੍ਹਾਂ ਦੇ ਪ੍ਰਸ਼ੰਸਕ ਸੋਸ਼ਲ ਮੀਡੀਆ ਰਾਹੀਂ ਉਨ੍ਹਾਂ ਨੂੰ ਸ਼ਰਧਾਂਜਲੀ ਦੇ ਰਹੇ ਹਨ। ਪ੍ਰਸ਼ੰਸਕ ਕੋਨਕ ਨੂੰ 'ਉੱਤਰ ਦੇ ਪੁੱਤਰ' ਵਜੋਂ ਯਾਦ ਕਰ ਰਹੇ ਹਨ। ਦੱਸ ਦੇਈਏ ਕਿ ਵੋਲਕਨ ਕੋਨਕ ਦੀ ਮੌਤ ਸਾਈਪ੍ਰਸ ਵਿੱਚ ਇੱਕ ਸੰਗੀਤ ਸਮਾਰੋਹ ਦੌਰਾਨ ਹੋਈ। ਮੌਤ ਤੋਂ ਪਹਿਲਾਂ, ਉਹ ਅਚਾਨਕ ਬੇਹੋਸ਼ ਹੋ ਕੇ ਡਿੱਗ ਗਏ। ਮੌਕੇ 'ਤੇ ਉਨ੍ਹਾਂ ਨੂੰ ਤੁਰੰਤ ਫਾਮਾਗੁਸਟਾ ਸਟੇਟ ਹਸਪਤਾਲ ਲਿਜਾਇਆ ਗਿਆ। ਇਲਾਜ ਦੌਰਾਨ 12:42 ਵਜੇ ਉਨ੍ਹਾਂ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ।

ਕੌਣ ਸੀ ਵੋਲਕਨ ਕੋਨਕ ? 27 ਫਰਵਰੀ 1967 ਨੂੰ ਜਨਮੇ, ਵੋਲਕਨ ਕੋਨਕ ਨੂੰ ਤੁਰਕੀ ਦੇ ਇੱਕ ਮਸ਼ਹੂਰ ਗਾਇਕ ਹੋਣ ਦੇ ਨਾਲ-ਨਾਲ 'ਉੱਤਰ ਦੇ ਪੁੱਤਰ' ਵਜੋਂ ਜਾਣਿਆ ਜਾਂਦਾ ਸੀ। ਆਪਣੇ ਕਰੀਅਰ ਵਿੱਚ, ਉਨ੍ਹਾਂ ਨੇ ਬਹੁਤ ਸਾਰੇ ਵਧੀਆ ਗੀਤ ਗਾਏ ਜਿਨ੍ਹਾਂ ਵਿੱਚੋਂ 'ਸੇਰਾਹਪਾਸਾ' ਬਹੁਤ ਮਸ਼ਹੂਰ ਹੋਇਆ ਸੀ। ਸਾਲ 2006 ਵਿੱਚ ਰਿਲੀਜ਼ ਹੋਈ ਉਨ੍ਹਾਂ ਦੀ ਐਲਬਮ 'ਮੋਰਾ' ਨੂੰ ਤੁਰਕੀ ਰਿਕਾਰਡਿੰਗ ਪ੍ਰੋਡਿਊਸਰ ਐਸੋਸੀਏਸ਼ਨ, MU-YAP ਦੁਆਰਾ ਗੋਲਡ ਪਟਿਕਾ ਨਾਲ ਸਨਮਾਨਿਤ ਕੀਤਾ ਗਿਆ ਸੀ। ਉਨ੍ਹਾਂ ਦੇ ਯਾਦਗਾਰੀ ਐਲਬਮਾਂ ਵਿੱਚ 'ਇਫੁਲੀਮ', 'ਮਰਾਂਡਾ', 'ਮਨੋਲਿਆ' ਅਤੇ 'ਡਾਲਿਆ' ਵੀ ਸ਼ਾਮਲ ਸਨ।