Taylor Swift: 34 ਦੀ ਉਮਰ 'ਚ ਦੁਨੀਆ ਦੀ ਪਹਿਲੀ ਅਰਬਪਤੀ ਸਿੰਗਰ ਬਣੀ ਇਹ ਅਮਰੀਕੀ ਪੌਪ ਸਟਾਰ, 1 ਅਰਬ ਡਾਲਰ ਜਾਇਦਾਦ ਦੀ ਮਾਲਕਣ

Taylor Swift Net Worth: ਅਮਰੀਕੀ ਪੌਪ ਗਾਇਕਾ ਟੇਲਰ ਸਵਿਫਟ ਇਸ ਸਮੇਂ ਕਾਫੀ ਸੁਰਖੀਆਂ ਬਟੋਰ ਰਹੀ ਹੈ। ਦਰਅਸਲ, ਇਹ ਗਾਇਕਾ ਹੁਣ ਅਰਬਪਤੀ ਬਣ ਗਈ ਹੈ ਅਤੇ ਉਸਦਾ ਨਾਮ ਫੋਰਬਸ ਦੀ ਸੂਚੀ ਵਿੱਚ ਸ਼ਾਮਲ ਹੋ ਗਿਆ ਹੈ।

34 ਦੀ ਉਮਰ 'ਚ ਦੁਨੀਆ ਦੀ ਪਹਿਲੀ ਅਰਬਪਤੀ ਸਿੰਗਰ ਬਣੀ ਇਹ ਅਮਰੀਕੀ ਪੌਪ ਸਟਾਰ, 1 ਅਰਬ ਡਾਲਰ ਜਾਇਦਾਦ ਦੀ ਮਾਲਕਣ

ਅਮਰੀਕੀ ਪੌਪ ਗਾਇਕਾ ਟੇਲਰ ਸਵਿਫਟ ਆਪਣੀ ਜਾਦੂਈ ਆਵਾਜ਼ ਦੇ ਨਾਲ-ਨਾਲ ਆਪਣੇ ਲੁੱਕ ਨੂੰ ਲੈ ਕੇ ਸੁਰਖੀਆਂ 'ਚ ਬਣੀ ਰਹਿੰਦੀ ਹੈ। ਗਾਇਕਾ ਦੇ ਗੀਤਾਂ ਨੂੰ ਦੁਨੀਆ ਭਰ 'ਚ ਪਸੰਦ ਕੀਤਾ ਜਾਂਦਾ ਹੈ।

ਹੁਣ ਗਾਇਕਾ ਦੇ ਪ੍ਰਸ਼ੰਸਕਾਂ ਲਈ ਇੱਕ ਬਹੁਤ ਹੀ ਖੁਸ਼ਖਬਰੀ ਆ ਰਹੀ ਹੈ। ਦਰਅਸਲ ਟੇਲਰ ਸਵਿਫਟ ਹੁਣ ਦੁਨੀਆ ਦੀ ਪਹਿਲੀ ਅਰਬਪਤੀ ਗਾਇਕਾ ਬਣ ਗਈ ਹੈ।

ਦਰਅਸਲ, ਫੋਰਬਸ ਨੇ ਹਾਲ ਹੀ ਵਿੱਚ ਸਾਲ 2024 ਦੇ ਸਭ ਤੋਂ ਅਮੀਰ ਲੋਕਾਂ ਦੀ ਸੂਚੀ ਜਾਰੀ ਕੀਤੀ ਹੈ। ਜਿਸ ਵਿੱਚ ਇਸ ਵਾਰ ਦੁਨੀਆ ਭਰ ਤੋਂ ਕੁੱਲ 2,781 ਲੋਕਾਂ ਨੇ ਸਥਾਨ ਹਾਸਲ ਕੀਤਾ ਹੈ।

ਇਸ ਸੂਚੀ 'ਚ ਟੇਲਰ ਸਵਿਫਟ ਦਾ ਨਾਂ ਵੀ ਸ਼ਾਮਲ ਹੈ। ਇਸ ਗਾਇਕ ਨੇ ਮਹਿਜ਼ 34 ਸਾਲ ਦੀ ਉਮਰ ਵਿੱਚ ਇਹ ਵੱਡਾ ਮੁਕਾਮ ਹਾਸਲ ਕੀਤਾ ਹੈ।

ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਛੋਟੀ ਉਮਰ ਵਿੱਚ, ਟੇਲਰ ਸਵਿਫਟ ਨੇ ਆਪਣੇ ਗੀਤਾਂ ਅਤੇ ਪ੍ਰਦਰਸ਼ਨਾਂ ਦੇ ਅਧਾਰ 'ਤੇ 1.1 ਬਿਲੀਅਨ ਡਾਲਰ ਦੀ ਅੰਦਾਜ਼ਨ ਦੌਲਤ ਕਮਾ ਲਈ ਹੈ।

ਸਿੰਗਰ ਦੀ ਇਹ ਦੌਲਤ ਲਗਭਗ 35 ਦੇਸ਼ਾਂ ਦੀ ਜੀਡੀਪੀ ਤੋਂ ਵੱਧ ਹੈ। ਇਹ ਜਾਣ ਕੇ ਹਰ ਕੋਈ ਹੈਰਾਨ ਰਹਿ ਗਿਆ। ਇਸ ਦੇ ਨਾਲ ਹੀ ਪ੍ਰਸ਼ੰਸਕ ਵੀ ਟੇਲਰ ਦੀ ਖੂਬ ਤਾਰੀਫ ਕਰਦੇ ਨਜ਼ਰ ਆ ਰਹੇ ਹਨ।

ਟੇਲਰ ਸਵਿਫਟ ਦਾ ਨਾਂ ਹਰ ਸਮੇਂ ਲਾਈਮਲਾਈਟ 'ਚ ਰਹਿੰਦਾ ਹੈ। ਪਰ ਇਸ ਸਾਲ ਹੋਏ ਗ੍ਰੈਮੀ ਐਵਾਰਡਜ਼ 'ਚ ਵੀ ਉਸ ਨੇ ਕਾਫੀ ਸੁਰਖੀਆਂ ਬਟੋਰੀਆਂ। ਕਿਉਂਕਿ ਉਹ ਚਾਰ ਵਾਰ ਸਰਵੋਤਮ ਐਲਬਮ ਦਾ ਪੁਰਸਕਾਰ ਜਿੱਤਣ ਵਾਲੀ ਪਹਿਲੀ ਕਲਾਕਾਰ ਬਣੀ

ਉਸਦੀ ਐਲਬਮ '1989 (ਟੇਲਰ ਵਰਜ਼ਨ)' ਵੀ ਪਿਛਲੇ ਸਾਲ ਦੀ ਸਭ ਤੋਂ ਵੱਧ ਵਿਕਣ ਵਾਲੀ ਵਿਨਾਇਲ ਐਲਪੀ ਸੀ।

ਜੇਕਰ ਫੋਰਬਸ ਦੀ ਇਸ ਸਾਲ ਜਾਰੀ ਕੀਤੀ ਗਈ ਸੂਚੀ ਦੀ ਗੱਲ ਕਰੀਏ ਤਾਂ ਇਸ ਵਿੱਚ 200 ਭਾਰਤੀਆਂ ਦੇ ਨਾਂ ਸ਼ਾਮਲ ਹਨ। ਜਦੋਂ ਕਿ ਪਿਛਲੇ ਸਾਲ ਇਸ ਵਿੱਚ ਸਿਰਫ਼ 167 ਭਾਰਤੀ ਸਨ।

ਪਰ ਇਸ ਸੂਚੀ 'ਚ ਮੁਕੇਸ਼ ਅੰਬਾਨੀ ਹੀ ਅਜਿਹੇ ਹਨ, ਜਿਨ੍ਹਾਂ ਦਾ ਨਾਂ ਦੁਨੀਆ ਦੇ ਟਾਪ-10 ਅਮੀਰਾਂ ਦੀ ਸੂਚੀ 'ਚ ਸ਼ਾਮਲ ਹੈ। ਮੁਕੇਸ਼ ਅੰਬਾਨੀ ਦੀ ਕੁੱਲ ਜਾਇਦਾਦ ਲਗਭਗ 116 ਬਿਲੀਅਨ ਡਾਲਰ ਹੈ। ਗੌਤਮ ਅਡਾਨੀ ਭਾਰਤ ਦੇ ਦੂਜੇ ਸਭ ਤੋਂ ਅਮੀਰ ਵਿਅਕਤੀ ਬਣ ਗਏ ਹਨ। ਫੋਰਬਸ ਦੀ ਸੂਚੀ 'ਚ ਉਸ ਦਾ ਨਾਂ 17ਵੇਂ ਨੰਬਰ 'ਤੇ ਹੈ। ਉਸ ਦੀ ਕੁੱਲ ਜਾਇਦਾਦ 84 ਬਿਲੀਅਨ ਡਾਲਰ ਹੈ।