ਹਿਮਾਂਸ਼ੀ ਖੁਰਾਣਾ ਤੋਂ ਪਰਮੀਸ਼ ਵਰਮਾ, ਲੋਕਾਂ ਨੂੰ ਜੂਆ ਖੇਡਣ ਲਈ ਉਕਸਾ ਰਹੇ ਕਲਾਕਾਰ, ਜੂਏ ਤੇ ਸੱਟੇ ਨਾਲ ਜੁੜੀਆਂ ਐਪਸ ਨੂੰ ਸ਼ਰੇਆਮ ਕਰ ਰਹੇ ਪ੍ਰਮੋਟ

ਪੰਜਾਬੀ ਕਲਾਕਾਰ ਵੀ ਲੋਕਾਂ ਨੂੰ ਜੂਆ ਖੇਡਣ ਲਈ ਉਕਸਾ ਰਹੇ ਹਨ। ਹਿਮਾਂਸ਼ੀ ਖੁਰਾਣਾ, ਪਰਮੀਸ਼ ਵਰਮਾ, ਕਰਨ ਔਜਲਾ ਸਮੇਤ ਕਈ ਦਿੱਗਜ ਕਲਾਕਾਰ ਹਨ, ਜੋ ਖੁਦ ਤਾਂ ਮੇਹਨਤ ਕਰਕੇ ਪੈਸੇ ਕਮਾ ਰਹੇ ਹਨ, ਪਰ ਆਪਣੇ ਫੈਨਜ਼ ਨੂੰ ਜੂਆ ਖੇਡਣ ਲਈ ਉਕਸਾਉਂਦੇ ਹਨ।

ਹਿਮਾਂਸ਼ੀ ਖੁਰਾਣਾ ਤੋਂ ਪਰਮੀਸ਼ ਵਰਮਾ, ਲੋਕਾਂ ਨੂੰ ਜੂਆ ਖੇਡਣ ਲਈ ਉਕਸਾ ਰਹੇ ਕਲਾਕਾਰ, ਜੂਏ ਤੇ ਸੱਟੇ ਨਾਲ ਜੁੜੀਆਂ ਐਪਸ ਨੂੰ ਸ਼ਰੇਆਮ ਕਰ ਰਹੇ ਪ੍ਰਮੋਟ

ਸੈਲੀਬ੍ਰਿਟੀਜ਼ ਲਈ ਭਾਰਤੀਆਂ ਦੇ ਅੰਦਰ ਕਾਫੀ ਦੀਵਾਨਗੀ ਹੈ, ਇਨ੍ਹਾਂ ਦੀ ਇੱਕ ਝਲਕ ਪਾਉਣ ਲਈ ਲੋਕ ਤਰਸਦੇ ਹਨ। ਸੋਸ਼ਲ ਮੀਡੀਆ 'ਤੇ ਵੀ ਇਨ੍ਹਾਂ ਦੀ ਮਿਲੀਅਨਜ਼ ਦੇ ਵਿੱਚ ਫੈਨ ਫਾਲੋਇੰਗ ਹੁੰਦੀ ਹੈ। ਅਜਿਹੇ 'ਚ ਸੈਲੇਬ੍ਰਿਟੀਆਂ 'ਤੇ ਇਹ ਜ਼ਿੰਮੇਵਾਰੀ ਹੁੰਦੀ ਹੈ ਕਿ ਉਹ ਸਮਾਜ ਨੂੰ ਚੰਗੀ ਸੇਧ ਦੇਣ, ਨਾ ਕਿ ਉਨ੍ਹਾਂ ਨੂੰ ਕੁਰਾਹੇ ਪਾਉਣ। ਕਈ ਵਾਰ ਇਨ੍ਹਾਂ ਗੱਲਾਂ 'ਤੇ ਵਿਵਾਦ ਉੱਠਦੇ ਰਹੇ ਹਨ ਕਿ ਕਲਾਕਾਰ ਪੈਸਿਆਂ ਲਈ ਲੋਕਾਂ ਨੂੰ ਗਲਤ ਕੰਮਾਂ ਲਈ ਉਕਸਾਉਂਦੇ ਹਨ, ਜਿਵੇਂ ਕਿ ਬਾਲੀਵੁੱਡ ਕਲਾਕਾਰ ਸ਼ਾਹਰੁਖ ਖਾਨ ਤੇ ਅਜੇ ਦੇਵਗਨ 'ਤੇ ਉਂਗਲਾਂ ਉੱਠੀਆਂ ਸੀ ਕਿ ਉਨ੍ਹਾਂ ਨੇ ਪਾਨ ਮਸਾਲਾ ਦੀ ਐਡ ਕੀਤੀ ਹੈ।

ਪਰ ਇੰਨੀਂ ਇੱਕ ਹੋਰ ਵੀ ਨਵਾਂ ਟਰੈਂਡ ਚੱਲ ਪਿਆ ਹੈ। ਪੰਜਾਬੀ ਕਲਾਕਾਰ ਵੀ ਲੋਕਾਂ ਨੂੰ ਜੂਆ ਖੇਡਣ ਲਈ ਉਕਸਾ ਰਹੇ ਹਨ। ਹਿਮਾਂਸ਼ੀ ਖੁਰਾਣਾ, ਪਰਮੀਸ਼ ਵਰਮਾ, ਕਰਨ ਔਜਲਾ ਸਮੇਤ ਕਈ ਦਿੱਗਜ ਕਲਾਕਾਰ ਹਨ, ਜੋ ਖੁਦ ਤਾਂ ਮੇਹਨਤ ਕਰਕੇ ਪੈਸੇ ਕਮਾ ਰਹੇ ਹਨ, ਪਰ ਆਪਣੇ ਫੈਨਜ਼ ਨੂੰ ਜੂਆ ਖੇਡਣ ਲਈ ਉਕਸਾਉਂਦੇ ਹਨ।