Luxurious Houses: ਬਾਲੀਵੁੱਡ ਸਿਤਾਰਿਆਂ ਨੇ ਪਹਾੜਾਂ 'ਚ ਬਣਾਏ ਆਲੀਸ਼ਾਨ ਘਰ

ਸਾਡੀਆਂ ਮਨਪਸੰਦ ਬਾਲੀਵੁੱਡ ਹਸਤੀਆਂ ਕੋਲ ਖ਼ੂਬਸੂਰਤ ਪਹਾੜਾਂ 'ਤੇ ਉਨ੍ਹਾਂ ਦੇ ਸੁਫਨਿਆਂ ਦਾ ਘਰ ਹੈ। ਅੱਜ ਅਸੀਂ ਤੁਹਾਨੂੰ ਉਨ੍ਹਾਂ ਹੀ ਸਿਤਾਰਿਆਂ ਬਾਰੇ ਜਾਣਕਾਰੀ ਦੇਣ ਜਾ ਰਹੇ ਹਾਂ।

ਨੀਨਾ ਗੁਪਤਾ ਕੋਲ ਉੱਤਰਾਖੰਡ ਵਿੱਚ ਇੱਕ ਘਰ ਹੈ ਅਤੇ ਇਹ ਕਈ ਲੋਕਾਂ ਲਈ ਇੱਕ ਸੁਫ਼ਨੇ ਦੇ ਸੱਚ ਹੋਣ ਵਰਗਾ ਹੈ। ਘਰ ਦੀਆਂ ਕੰਧਾਂ ਨੂੰ ਵਧੀਆ ਤਰੀਕੇ ਨਾਲ ਡਿਜ਼ਾਈਨ ਕੀਤਾ ਗਿਆ ਹੈ ਤੇ ਘਰ ਦੇ ਆਲੇ-ਦੁਆਲੇ ਹਰਿਆਲੀ ਤੇ ਦਿਲ ਟੁੰਭਵਾਂ ਕੁਦਰਤੀ ਨਜ਼ਾਰਾ ਹੈ।

ਬਾਲੀਵੁੱਡ ਅਦਾਕਾਰ ਸੁਨੀਲ ਸ਼ੈੱਟੀ ਨੇ ਖੰਡਾਲਾ ਵਿੱਚ ਆਪਣਾ ਫਾਰਮ ਹਾਊਸ ਬਣਾਇਆ ਹੋਇਆ ਹੈ, ਜੋ ਕਾਫੀ ਹਰਿਆ-ਭਰਿਆ ਹੈ। ਸੁਨੀਲ ਸ਼ੈੱਟੀ ਇੱਥੇ ਆਪਣੇ ਪਾਲਤੂ ਕੁੱਤਿਆਂ ਨਾਲ ਕਾਫੀ ਸਮਾਂ ਬਿਤਾਉਂਦੇ ਹਨ। ਦੱਸਿਆ ਜਾਂਦਾ ਹੈ ਕਿ ਇਸ ਘਰ ਦੀ ਕੀਮਤ ਪੰਜ ਕਰੋੜ ਰੁਪਏ ਹੈ।

ਕੰਗਨਾ ਰਨੌਤ ਨੇ ਮਨਾਲੀ ਵਿੱਚ ਆਪਣੇ ਲਈ ਮਹਿਲਨੁਮਾ ਘਰ ਖਰੀਦਿਆ, ਜਿਸ ਦੀ ਕੀਮਤ 30 ਕਰੋੜ ਰੁਪਏ ਦੱਸੀ ਜਾਂਦੀ ਹੈ। ਉਸ ਦੇ ਘਰ ਵਿੱਚ ਸੱਤ ਤਾਂ ਬੈੱਡਰੂਮ ਹੀ ਹਨ।

ਆਮਿਰ ਖ਼ਾਨ ਨੇ ਪੰਚਗਨੀ ਵਿੱਚ ਆਪਣਾ ਫਾਰਮ ਹਾਊਸ ਬਣਾਇਆ ਹੈ। ਇਹ ਸਲਮਾਨ ਖ਼ਾਨ ਦੇ ਫਾਰਮ ਹਾਊਸ ਨਾਲੋਂ ਕਾਫੀ ਵੱਡਾ ਤੇ ਸੁੰਦਰ ਹੈ। ਆਮਿਰ ਖ਼ਾਨ ਦੇ ਇਸ ਫਾਰਮ ਹਾਊਸ ਦੀ ਕੀਮਤ ਸੱਤ ਕਰੋੜ ਰੁਪਏ ਦੱਸੀ ਜਾਂਦੀ ਹੈ ਅਤੇ ਉਹ ਅਕਸਰ ਹੀ ਆਪਣੇ ਪਰਿਵਾਰ ਸਮੇਤ ਛੁੱਟੀਆਂ ਮਨਾਉਣ ਲਈ ਆਉਂਦੇ ਹਨ।

ਕਰੀਨਾ ਕਪੂਰ ਖ਼ਾਨ ਤੇ ਸੈਫ ਅਲੀ ਖ਼ਾਨ ਦੋਵਾਂ ਨੂੰ ਹੀ ਪਹਾੜ ਪਸੰਦ ਹਨ। ਉਹ ਅਕਸਰ ਸਵਿਟਜ਼ਰਲੈਂਡ ਵਿੱਚ ਆਪਣੀਆਂ ਛੁੱਟੀਆਂ ਮਨਾਉਣ ਲਈ ਜਾਂਦੇ ਹਨ। ਕਿਹਾ ਜਾਂਦਾ ਹੈ ਕਿ 33 ਕਰੋੜ ਰੁਪਏ ਦੀ ਕੀਮਤ ਵਾਲੇ ਜੀਸਟਾਡ ਪੈਲੇਸ ਵਿੱਚ ਦਾ ਇੱਕ ਫਲੈਟ ਇਸ ਖ਼ੂਬਸੂਰਤ ਜੋੜੀ ਦਾ ਵੀ ਹੈ।