ਚੂਹਿਆਂ ਨੇ ਬਰਬਾਦ ਕਰ ਦਿੱਤੀ 'ਚੰਦੂ ਚੈਂਪੀਅਨ' ਦੀ ਕਰੋੜਾਂ ਦੀ ਕਾਰ, ਮੁਰੰਮਤ ਕਰਵਾਉਣ ਲਈ ਖਰਚਣੇ ਪਏ ਲੱਖਾਂ ਰੁਪਏ

ਕਾਰਤਿਕ ਆਰੀਅਨ ਇਨ੍ਹੀਂ ਦਿਨੀਂ ਆਪਣੀ ਆਉਣ ਵਾਲੀ ਫਿਲਮ 'ਚੰਦੂ ਚੈਂਪੀਅਨ' ਨੂੰ ਲੈ ਕੇ ਸੁਰਖੀਆਂ 'ਚ ਹਨ। ਇਸ ਫਿਲਮ ਦੀ ਪ੍ਰਮੋਸ਼ਨ ਦੌਰਾਨ ਅਦਾਕਾਰ ਨੇ ਹਾਲ ਹੀ ਵਿੱਚ ਖੁਲਾਸਾ ਕੀਤਾ ਸੀ ਕਿ ਉਨ੍ਹਾਂ ਦੀ ਕਰੋੜਾਂ ਦੀ ਕਾਰ ਚੂਹਿਆਂ ਨੇ ਤਬਾਹ ਕਰ ਦਿੱਤੀ

ਕਾਰਤਿਕ ਆਰੀਅਨ ਆਪਣੀ ਆਉਣ ਵਾਲੀ ਫਿਲਮ ਚੰਦੂ ਚੈਂਪੀਅਨ ਵਿੱਚ ਮੁਰਲੀਕਾਂਤ ਪੇਟਕਰ ਦੀ ਭੂਮਿਕਾ ਨਿਭਾਉਂਦੇ ਨਜ਼ਰ ਆਉਣਗੇ। ਇਸ ਫਿਲਮ 'ਚ ਕਾਰਤਿਕ ਦੇ ਹੈਰਾਨੀਜਨਕ ਟਰਾਂਸਫਾਰਮੇਸ਼ਨ ਦੀ ਕਾਫੀ ਚਰਚਾ ਹੋ ਰਹੀ ਹੈ। ਫਿਲਹਾਲ ਅਦਾਕਾਰ ਆਪਣੀ ਬਾਇਓਪਿਕ ਫਿਲਮ ਦੇ ਪ੍ਰਮੋਸ਼ਨ 'ਚ ਰੁੱਝੇ ਹੋਏ ਹਨ। ਅਭਿਨੇਤਾ ਨੇ ਹਾਲ ਹੀ ਵਿਚ ਖੁਲਾਸਾ ਕੀਤਾ ਸੀ ਕਿ ਉਸ ਨੂੰ ਤੋਹਫੇ ਵਜੋਂ ਮਿਲੀ ਕਰੋੜਾਂ ਦੀ ਕਾਰ ਚੂਹਿਆਂ ਨੇ ਬੁਰੀ ਤਰ੍ਹਾਂ ਨਾਲ ਖਰਾਬ ਕਰ ਦਿੱਤੀ ਸੀ।

ਤੁਹਾਨੂੰ ਦੱਸ ਦੇਈਏ ਕਿ 'ਭੂਲ ਭੁਲਾਇਆ 2' ਦੀ ਸਫਲਤਾ ਤੋਂ ਬਾਅਦ, ਟੀ-ਸੀਰੀਜ਼ ਦੇ ਮੁਖੀ ਭੂਸ਼ਣ ਕੁਮਾਰ ਨੇ ਲੀਡ ਸਟਾਰ ਕਾਰਤਿਕ ਆਰੀਅਨ ਨੂੰ 4.72 ਕਰੋੜ ਰੁਪਏ ਦੀ ਇੱਕ ਆਲੀਸ਼ਾਨ ਮੈਕਲਾਰੇਨ ਜੀਟੀ ਕਾਰ ਗਿਫਟ ਕੀਤੀ ਹੈ। ਦਰਅਸਲ ਸਾਲ 2022 ਵਿਚ ਬਹੁਤ ਘੱਟ ਫਿਲਮਾਂ ਬਾਕਸ ਆਫਿਸ ਉਪਰ ਕਮਾਲ ਕਰ ਸਕੀਆਂ ਸਨ।ਅਜਿਹੇ 'ਚ ਮੇਕਰਸ ਨੇ 'ਭੂਲ ਭੁਲਾਇਆ 2' ਦੀ ਸੁਪਰ ਸਫਲਤਾ ਦਾ ਜਸ਼ਨ ਮਨਾਇਆ ਸੀ।

ਹਾਲਾਂਕਿ, ਆਪਣੀ ਫਿਲਮ ਦੇ ਨਿਰਮਾਤਾਵਾਂ ਤੋਂ ਇੰਨਾ ਸ਼ਾਨਦਾਰ ਤੋਹਫਾ ਪ੍ਰਾਪਤ ਕਰਨ ਦੇ ਬਾਵਜੂਦ, ਕਾਰਤਿਕ ਇਸ ਦਾ ਜ਼ਿਆਦਾ ਅਨੰਦ ਨਹੀਂ ਲੈ ਸਕੇ, ਅਸਲ ਵਿੱਚ, ਦ ਲਾਲਨਟੌਪ ਨੂੰ ਦਿੱਤੇ ਇੱਕ ਇੰਟਰਵਿਊ ਵਿੱਚ, ਕਾਰਤਿਕ ਨੇ ਖੁਲਾਸਾ ਕੀਤਾ ਕਿ ਉਹ ਆਪਣੀ ਮੈਕਲਾਰੇਨ ਨੂੰ ਜ਼ਿਆਦਾ ਨਹੀਂ ਚਲਾ ਸਕੇ ਕਿਉਂਕਿ ਚੂਹਿਆਂ ਨੇ ਮੈਟ ਨੂੰ ਕੁਤਰ ਦਿੱਤਾ ਸੀ।