Parineeti Chopra: ਪਰਿਣੀਤੀ ਚਪੋੜਾ-ਰਾਘਵ ਚੱਢਾ ਦੀ ਲਵ ਸਟੋਰੀ ਹੈ ਬੇਹੱਦ ਦਿਲਚਸਪ, 'ਚਮਕੀਲਾ' ਫਿਲਮ ਦੇ ਸੈੱਟ 'ਤੇ ਮਿਲੇ ਸੀ ਦੋਵਾਂ ਦੇ ਦਿਲ

Parineeti Chopra-Raghav Chadha Love Story: ਪਰਿਣੀਤੀ ਚੋਪੜਾ ਅਤੇ ਰਾਘਵ ਚੱਢਾ ਇੱਕ ਦੂਜੇ ਨੂੰ ਡੇਟ ਕਰਨ ਦੇ ਦਿਨਾਂ ਤੋਂ ਹੀ ਸੁਰਖੀਆਂ ਵਿੱਚ ਹਨ, ਤਾਂ ਆਓ ਅੱਜ ਇਸ ਪ੍ਰਸਿੱਧ ਜੋੜੇ ਦੀ ਲਵ ਸਟੋਰੀ 'ਤੇ ਇੱਕ ਨਜ਼ਰ ਮਾਰੀਏ।

ਪਰਿਣੀਤੀ ਚਪੋੜਾ-ਰਾਘਵ ਚੱਢਾ ਦੀ ਲਵ ਸਟੋਰੀ ਹੈ ਬੇਹੱਦ ਦਿਲਚਸਪ, 'ਚਮਕੀਲਾ' ਫਿਲਮ ਦੇ ਸੈੱਟ 'ਤੇ ਮਿਲੇ ਸੀ ਦੋਵਾਂ ਦੇ ਦਿਲ

13 ਮਈ ਨੂੰ ਪਰਿਣੀਤੀ ਚੋਪੜਾ ਅਤੇ ਰਾਘਵ ਚੱਢਾ ਨੇ ਮੰਗਣੀ ਕਰ ਲਈ ਅਤੇ ਆਪਣੇ ਪਿਆਰ ਨੂੰ ਅਧਿਕਾਰਤ ਨਾਮ ਦਿੱਤਾ। ਹਾਲਾਂਕਿ ਇਹ ਜੋੜਾ ਲੰਬੇ ਸਮੇਂ ਤੋਂ ਇੱਕ ਦੂਜੇ ਨੂੰ ਡੇਟ ਕਰ ਰਿਹਾ ਹੈ। ਜਿਸ ਦੀ ਉਸਨੇ ਕਿਸੇ ਨੂੰ ਖਬਰ ਤੱਕ ਨਹੀਂ ਹੋਈ ਸੀ।

ਇੱਥੋਂ ਤੱਕ ਕਿ ਪ੍ਰਸ਼ੰਸਕਾਂ ਨੇ ਕਦੇ ਸੋਚਿਆ ਵੀ ਨਹੀਂ ਸੀ ਕਿ ਇੱਕ ਰਾਜਨੇਤਾ ਨਾਲ ਵਿਆਹ ਕਰਨ ਤੋਂ ਸਾਫ਼ ਇਨਕਾਰ ਕਰਨ ਵਾਲੀ ਅਦਾਕਾਰਾ ਇੱਕ ਰਾਜਨੇਤਾ ਨੂੰ ਹੀ ਆਪਣਾ ਦਿਲ ਦੇ ਬੈਠੇਗੀ। ਪਰ ਅਭਿਨੇਤਰੀ ਦੀ ਕਿਸਮਤ 'ਚ ਰਾਜਨੀਤੀ ਨਾਲ ਜੁੜੇ ਵਿਅਕਤੀ ਨਾਲ ਪਿਆਰ ਹੋ ਜਾਣਾ ਲਿਖਿਆ ਸੀ। ਪਰਿਣੀਤੀ ਯੂਕੇ ਵਿੱਚ 'ਆਪ' ਨੇਤਾ ਰਾਘਵ ਨੂੰ ਮਿਲੀ ਅਤੇ ਉੱਥੇ ਉਨ੍ਹਾਂ ਦੀ ਜਾਣ-ਪਛਾਣ ਵਧੀ ਅਤੇ ਨੇੜਤਾ ਵੀ।

ਦੱਸ ਦੇਈਏ ਕਿ ਅਭਿਨੇਤਰੀ ਬਣਨ ਤੋਂ ਪਹਿਲਾਂ ਪਰਿਣੀਤੀ ਚੋਪੜਾ ਯਸ਼ਰਾਜ ਫਿਲਮਜ਼ ਲਈ ਪੀਆਰ ਦੇ ਤੌਰ 'ਤੇ ਕੰਮ ਕਰਦੀ ਸੀ ਅਤੇ ਬਾਅਦ ਵਿੱਚ ਯਸ਼ਰਾਜ ਫਿਲਮਜ਼ ਨੇ ਉਨ੍ਹਾਂ ਨੂੰ ਆਪਣੀ ਫਿਲਮ 'ਲੇਡੀਜ਼ ਵਰਸੇਜ਼ ਰਿੱਕੀ ਬਹਿਲ' ਰਾਹੀਂ ਅਭਿਨੇਤਰੀ ਬਣਨ ਦਾ ਮੌਕਾ ਦਿੱਤਾ, ਪਰ ਉਹ ਯਸ਼ਰਾਜ ਲਈ ਪੀਆਰ ਕਰਨ ਤੋਂ ਪਹਿਲਾਂ ਯੂਕੇ 'ਚ ਪੜ੍ਹਾਈ ਕਰ ਰਹੀ ਸੀ।

ਲਗਭਗ 15 ਸਾਲ ਪਹਿਲਾਂ, ਪਰਿਣੀਤੀ ਚੋਪੜਾ ਯੂਕੇ ਦੀ ਮਾਨਚੈਸਟਰ ਯੂਨੀਵਰਸਿਟੀ ਵਿੱਚ ਵਪਾਰ, ਅਰਥ ਸ਼ਾਸਤਰ ਅਤੇ ਫਾਈਨਾਂਸ ਵਿੱਚ ਇੱਕ ਡਿਗਰੀ ਕੋਰਸ ਕਰ ਰਹੀ ਸੀ। ਰਾਘਵ ਚੱਢਾ ਵੀ ਉਸੇ ਸਮੇਂ ਲੰਡਨ ਸਕੂਲ ਆਫ ਇਕਨਾਮਿਕਸ 'ਚ ਪੜ੍ਹਦਾ ਸੀ ਅਤੇ ਅਜਿਹੇ 'ਚ ਦੋਹਾਂ ਦੀ ਸ਼ੁਰੂਆਤੀ ਜਾਣ-ਪਛਾਣ ਵੀ ਇਸੇ ਦੌਰਾਨ ਬ੍ਰਿਟੇਨ 'ਚ ਹੋਈ ਸੀ ਅਤੇ ਉਦੋਂ ਤੋਂ ਹੀ ਦੋਵੇਂ ਇਕ-ਦੂਜੇ ਨੂੰ ਜਾਣਨ ਲੱਗ ਪਏ ਸਨ।

ਜਿੱਥੋਂ ਤੱਕ ਦੋਵਾਂ ਦੀ ਪ੍ਰੇਮ ਕਹਾਣੀ ਦੀ ਗੱਲ ਹੈ ਤਾਂ ਰਾਘਵ ਅਤੇ ਪਰਿਣੀਤੀ ਦੀ ਪ੍ਰੇਮ ਕਹਾਣੀ ਦੀ ਸ਼ੁਰੂਆਤ ਦੀ ਕਹਾਣੀ ਵੀ ਬਹੁਤ ਦਿਲਚਸਪ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਇਹ ਪ੍ਰੇਮ ਕਹਾਣੀ ਪਿਛਲੇ ਸਾਲ ਉਦੋਂ ਸ਼ੁਰੂ ਹੋਈ ਸੀ ਜਦੋਂ ਪਰਿਣੀਤੀ ਇੱਕ ਫਿਲਮ ਦੀ ਸ਼ੂਟਿੰਗ ਕਰ ਰਹੀ ਸੀ ਅਤੇ ਰਾਘਵ ਉੱਥੇ ਪਹੁੰਚ ਗਏ ਸਨ। ਪਰਿਣੀਤੀ ਪੰਜਾਬ 'ਚ ਸੀ ਅਤੇ 'ਚਮਕੀਲਾ' ਦੀ ਸ਼ੂਟਿੰਗ ਕਰ ਰਹੀ ਸੀ।

ਦੋਸਤ ਹੋਣ ਕਾਰਨ ਰਾਘਵ ਵੀ ਪਰੀ ਨੂੰ ਮਿਲਣ ਉੱਥੇ ਪਹੁੰਚ ਗਿਆ। ਖਬਰਾਂ ਮੁਤਾਬਕ ਇਹ ਇਕਲੌਤੀ ਮੁਲਾਕਾਤ ਸੀ, ਜਦੋਂ ਦੋਵਾਂ ਦਾ ਇਕ-ਦੂਜੇ 'ਤੇ ਦਿਲ ਆ ਗਿਆ ਸੀ ਅਤੇ ਦੋਵਾਂ ਨੇ ਇਕ-ਦੂਜੇ ਦੇ ਜੀਵਨ ਸਾਥੀ ਬਣਨ ਦਾ ਫੈਸਲਾ ਕਰ ਲਿਆ ਸੀ।

ਰਾਘਵ ਅਤੇ ਪਰੀ ਨੇ ਪਹਿਲਾਂ ਤਾਂ ਕਿਸੇ ਦੇ ਸਾਹਮਣੇ ਆਪਣੇ ਰਿਸ਼ਤੇ ਨੂੰ ਕਬੂਲ ਨਹੀਂ ਕੀਤਾ। ਹਾਲਾਂਕਿ ਦੋਵਾਂ ਨੂੰ ਡਿਨਰ 'ਤੇ ਦੇਖਿਆ ਗਿਆ, ਕਦੇ ਏਅਰਪੋਰਟ 'ਤੇ ਅਤੇ ਕਦੇ ਮੋਹਾਲੀ 'ਚ ਆਈਪੀਐੱਲ ਮੈਚ ਦੇਖਦੇ ਹੋਏ। ਵਾਇਰਲ ਤਸਵੀਰਾਂ 'ਚ ਪ੍ਰਸ਼ੰਸਕਾਂ ਨੂੰ ਉਨ੍ਹਾਂ ਦੇ ਪਿਆਰ ਦੀ ਝਲਕ ਦੇਖਣ ਨੂੰ ਮਿਲੀ ਸੀ।

ਮੀਡੀਆ ਨਾਲ ਕਾਫੀ ਲੁਕਣਮੀਟੀ ਖੇਡਣ ਤੋਂ ਬਾਅਦ ਦੋਹਾਂ ਨੇ 13 ਮਈ ਨੂੰ ਮੰਗਣੀ ਕਰਕੇ ਆਪਣੇ ਰਿਸ਼ਤੇ ਦੀ ਪੁਸ਼ਟੀ ਕਰ ਦਿੱਤੀ। ਦੋਵਾਂ ਦੇ ਪਰਿਵਾਰਾਂ ਸਮੇਤ ਕਈ ਰਾਜਨੇਤਾ ਅਤੇ ਮਸ਼ਹੂਰ ਹਸਤੀਆਂ ਇਸ ਦੇ ਗਵਾਹ ਬਣੇ। ਹੁਣ ਖਬਰਾਂ ਆ ਰਹੀਆਂ ਹਨ ਕਿ ਇਹ ਜੋੜਾ ਇਸ ਸਾਲ ਅਕਤੂਬਰ ਵਿੱਚ ਇੱਕ ਦੂਜੇ ਨਾਲ ਵਿਆਹ ਦੇ ਬੰਧਨ ਵਿੱਚ ਬੱਝ ਜਾਵੇਗਾ। ਹਾਲਾਂਕਿ ਰਾਘਵ ਅਤੇ ਪਰਿਣੀਤੀ ਨੇ ਅਜੇ ਤੱਕ ਇਸ ਗੱਲ ਦੀ ਪੁਸ਼ਟੀ ਨਹੀਂ ਕੀਤੀ ਹੈ।