ਸਰਗੁਣ ਮਹਿਤਾ ਤੇ ਪਤੀ ਰਵੀ ਦੁਬੇ ਦੀਆਂ ਧੁੰਮਾਂ, ਪਹਿਲੇ ਸੀਰੀਅਲ ਨੇ ਬਣਾਏ ਨਵੇਂ ਰਿਕਾਰਡ

ਪੰਜਾਬੀ ਫ਼ਿਲਮੀ ਅਦਾਕਾਰਾ ਸਰਗੁਣ ਮਹਿਤਾ ਆਪਣੇ ਪਤੀ ਤੇ ਟੀਵੀ ਕਲਾਕਾਰ ਰਵੀ ਦੁਬੇ ਹਾਲ ਹੀ 'ਚ ਆਪਣਾ ਨਵਾਂ ਪ੍ਰਜੈਕਟ ਲੈ ਕੇ ਆਏ ਸਨ। ਅਦਾਕਾਰੀ ਤੋਂ ਬਾਅਦ ਪਤੀ-ਪਤਨੀ ਦੀ ਇਹ ਜੋੜੀ ਬਤੌਰ ਪ੍ਰੋਡਿਊਸਰ ਆਪਣੇ ਅਪਕਮਿੰਗ ਸ਼ੋਅ ਨੂੰ ਲੌਂਚ ਕਰਦੀ ਦਿਖੀ।

ਉਨ੍ਹਾਂ ਵੱਲੋਂ ਪ੍ਰੋਡਿਊਸ ਕੀਤਾ ਜਾ ਰਿਹਾ ਸੀਰੀਅਲ ਉਡਾਰੀਆਂ ਕਲਰਸ ਟੈਲੀਵਿਜ਼ਨ ਚੈਨਲ 'ਤੇ ਬ੍ਰੌਡਕਾਸਟ ਕੀਤਾ ਜਾ ਰਿਹਾ ਹੈ। ਇਸ ਸੀਰੀਅਲ 'ਚ ਨਿਊ ਕਮਰਸ ਦੀ ਐਂਟਰੀ ਹੋਈ ਹੈ। ਉੱਥੋ ਹੀ ਮਾਰਚ ਮਹੀਨੇ ਤੋਂ ਸ਼ੁਰੂ ਹੋਏ ਇਸ ਸੀਰੀਅਲ ਨੂੰ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ। ਸੋਸ਼ਲ ਮੀਡੀਆ 'ਤੇ ਫੈਨਜ਼ ਵੀ ਵੱਡੀ ਸੰਖਿਆਂ 'ਚ ਇਸ ਸੀਰੀਅਲ ਨੂੰ ਪਸੰਦ ਕਰਦੇ ਦਿਖਾਈ ਦਿੱਤੇ। ਹੁਣ ਇਸ ਸੀਰੀਅਲ ਨੇ ਨਵਾਂ ਮੁਕਾਮ ਬਣਾਇਆ ਹੈ। ਸੀਰੀਅਲ ਨੰਬਰ ਵਨ ਦੀ ਲਿਸਟ 'ਚ ਇਹ ਸ਼ਾਮਲ ਹੋ ਚੁੱਕਾ ਹੈ।

ਨਾ ਸਿਰਫ ਕਲਰਸ ਚੈਨਲ ਤੇ ਬਲਕਿ ਬ੍ਰੌਡਕਾਸਟਿੰਗ ਟਾਇਮ ਦੇ ਸਾਰੇ ਸੀਰੀਅਲਸ 'ਚ ਇਸ ਸੀਰੀਅਲ ਨੂੰ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ। ਇਸ ਸ਼ੋਅ ਦੇ ਨੰਬਰ ਵਨ ਬਣਨ ਤੇ ਪ੍ਰੋਡਿਊਸਰ ਰਵੀ ਦੁਬੇ ਨੇ ਆਪਣੀ ਖੁਸ਼ੀ ਜ਼ਾਹਿਰ ਕੀਤੀ। ਰਵੀ ਨੇ ਸੋਸ਼ਲ ਮੀਡੀਆ 'ਤੇ ਇਕ ਨੋਟ ਸ਼ੇਅਰ ਕਰਕੇ ਇਹ ਖੁਸ਼ੀ ਜ਼ਾਹਰ ਕੀਤੀ ਤੇ ਸਭ ਦਾ ਧੰਨਵਾਦ ਕੀਤਾ।

ਰਵੀ ਨੇ ਨੋਟ ਸ਼ੇਅਰ ਕਰਕੇ ਲਿਖਿਆ, 'ਕਲਰਸ ਦੇ ਫਿਕਸ਼ਨ ਸ਼ੋਅ ਦੀ ਲਿਸਟ 'ਚ ਉਡਾਰੀਆਂ ਨੰਬਰ ਵਨ ਬਣ ਗਿਆ ਹੈ। ਨਾ ਸਿਰਫ ਕਲਰਸ ਤੇ ਬਲਕਿ ਸਾਰੇ ਚੈਨਲਸ ਦੇ ਸ਼ੋਅਜ਼ ਦੀ ਲਿਸਟ 'ਚ ਉਡਾਰੀਆਂ ਨੇ ਬਿਹਤਰੀਨ ਪਰਫੌਰਮੈਂਸ ਦਿੱਤੀ ਹੈ। ਪੂਰੀ ਟੀਮ ਨੂੰ ਬਹੁਤ-ਬਹੁਤ ਵਧਾਈਆਂ ਤੇ ਸਭ ਤੋਂ ਵੱਡਾ ਸ਼ੁਕਰੀਆ ਤੁਹਾਡਾ ਸਭ ਲੋਕਾਂ ਦਾ।'

ਇਸ ਤਰ੍ਹਾਂ ਦੇ ਨੋਟ ਨਾਲ ਰਵੀ ਨੇ ਆਪਣੀ ਖੁਸ਼ੀ ਜ਼ਾਹਿਰ ਕੀਤੀ ਤੇ ਸਭ ਦਾ ਧੰਨਵਾਦ ਕੀਤਾ।

ਸੀਰੀਅਲ ਦੀ ਕਹਾਣੀ ਪੰਜਾਬੀ ਕਿਰਦਾਰਾਂ ਤੇ ਉਨ੍ਹਾਂ ਦੇ ਪਰਿਵਾਰਾਂ ਦੀ ਹੈ। ਇਸ ਸੀਰੀਅਲ 'ਚ ਤਿੰਨ ਮੁੱਖ ਕਾਸਟ ਹਨ। ਅੰਕਿਤ ਗੁਰਤਾ, ਪ੍ਰਿਯੰਕਾ ਚੌਧਰੀ ਤੇ ਇਸ਼ਾ ਮਾਲਵਾ ਇਹ ਤਿੰਨ ਕਲਾਕਾਰ ਇਸ ਸੀਰੀਅਲ 'ਚ ਮੁੱਖ ਭੂਮਿਕਾ ਨਿਭਾਉਂਦੇ ਨਜ਼ਰ ਆ ਰਹੇ ਹਨ। ਜਿੱਥੇ ਤਿੰਨਾਂ ਦੀ ਲਵ ਐਂਗਲ ਸਟੋਰੀ ਨੂੰ ਦਿਖਾਇਆ ਜਾ ਰਿਹਾ ਹੈ।

ਇਹ ਸੀਰੀਅਲ 15 ਮਾਰਚ ਸ਼ਾਮ 7 ਵਜੇ ਤੋਂ ਆਨ ਏਅਰ ਕੀਤਾ ਗਿਆ। ਸੀਰੀਅਲ ਰਵੀ ਐਂਡ ਸਰਗੁਣ ਦੇ ਪ੍ਰੋਡਕਸ਼ਨ ਹਾਊਸ ਡ੍ਰਿਮੀਯਾਤ ਵੱਲੋਂ ਪ੍ਰੋਡਿਊਸ ਕੀਤਾ ਜਾ ਰਿਹਾ ਹੈ।