Shehnaaz Gill: ਸ਼ਹਿਨਾਜ਼ ਗਿੱਲ ਦੇ ਮੋਬਾਇਲ ਫੋਨ ਦੇ ਵਾਲਪੇਪਰ ‘ਤੇ ਸਿਧਾਰਥ ਸ਼ੁਕਲਾ ਦੀ ਤਸਵੀਰ, ਸਿਡਨਾਜ਼ ਫੈਨਜ਼ ਹੋ ਰਹੇ ਭਾਵੁਕ

Sidnaaz Fans: ਸਿਧਾਰਥ ਸ਼ੁਕਲਾ ਦੇ ਵਾਲਪੇਪਰ ਦੀ ਵਿਸ਼ੇਸ਼ਤਾ ਵਾਲੇ ਸ਼ਹਿਨਾਜ਼ ਗਿੱਲ ਦੇ ਫੋਨ ਨੇ ਸਿਡਨਾਜ਼ ਦੇ ਪ੍ਰਸ਼ੰਸਕਾਂ ਨੂੰ ਭਾਵੁਕ ਕਰ ਦਿੱਤਾ ਹੈ ਕਿਉਂਕਿ ਉਨ੍ਹਾਂ ਦੀਆਂ ਦਿਲ ਪਿਘਲਣ ਵਾਲੀਆਂ ਪੋਸਟਾਂ ਇੰਟਰਨੈਟ ਨੂੰ ਤੋੜ ਰਹੀਆਂ ਹਨ।

ਸ਼ਹਿਨਾਜ਼ ਗਿੱਲ, ਸਿਧਾਰਥ ਸ਼ੁਕਲਾ

ਪੰਜਾਬ ਦੀ ਕੈਟਰੀਨਾ ਕੈਫ ਸ਼ਹਿਨਾਜ਼ ਗਿੱਲ ਹਮੇਸ਼ਾ ਸੁਰਖੀਆਂ ‘ਚ ਬਣੀ ਰਹਿੰਦੀ ਹੈ। ਉਹ 2019 ‘ਚ ‘ਬਿੱਗ ਬੌਸ 13’ ‘ਚ ਆਈ ਅਤੇ ਪੂਰੇ ਹਿੰਦੁਸਤਾਨ ਦੀ ਜਾਨ ਬਣ ਗਈ।

ਖਾਸ ਕਰਕੇ ਉਸ ਦੀ ਸਿਧਾਰਥ ਸ਼ੁਕਲਾ ਨਾਲ ਬੌਂਡਿੰਗ ਨੂੰ ਕਾਫੀ ਪਸੰਦ ਕੀਤਾ ਗਿਆ। ਫੈਨਜ਼ ਨੇ ਇਸ ਜੋੜੇ ਨੂੰ ਪਿਆਰ ਨਾਲ ‘ਸਿਡਨਾਜ਼’ ਨਾਂ ਦਿੱਤਾ। ਹੁਣ ਜਦਕਿ ਸਿਧਾਰਥ ਸ਼ੁਕਲਾ ਇਸ ਦੁਨੀਆ ‘ਚ ਨਹੀਂ ਹੈ, ਫਿਰ ਵੀ ਫੈਨਜ਼ ਸਿਡਨਾਜ਼ ਦੀ ਜੋੜੀ ਨੂੰ ਖੂਬ ਯਾਦ ਕਰਦੇ ਹਨ।

ਹਾਲ ਹੀ ;ਚ ਸ਼ਹਿਨਾਜ਼ ਗਿੱਲ ਫਿਰ ਤੋਂ ਸਿਧਾਰਥ ਸ਼ੁਕਲਾ ਕਰਕੇ ਸੁਰਖੀਆਂ ‘ਚ ਹੈ। ਦਰਅਸਲ, ਸ਼ਹਿਨਾਜ਼ ਦੀ ਇੱਕ ਤਸਵੀਰ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਉਹ ਕਾਰ ‘ਚ ਬੈਠੀ ਹੈ ਅਤੇ ਉਸ ਦੇ ਫੌਨ ਦੀ ਸਕ੍ਰੀਨ ਆਨ ਹੁੰਦਿਆਂ ਹੀ ਜੋ ਨਜ਼ਾਰਾ ਦਿਖਿਆ, ਉਸ ਨੂੰ ਦੇਖ ਸਿਡਨਾਜ਼ ਫੈਨਜ਼ ਭਾਵੁਕ ਹੋ ਰਹੇ ਹਨ।

ਸ਼ਹਿਨਾਜ਼ ਗਿੱਲ ਦੇ ਫੋਨ ‘ਤੇ ਸਕ੍ਰੀਨ ਲਾਕ ਵਾਲਪੇਪਰ ਸਿਧਾਰਥ ਸ਼ੁਕਲਾ ਦੀ ਤਸਵੀਰ ਹੈ। ਮਤਲਬ ਕਿ ਸ਼ਹਿਨਾਜ਼ ਨੇ ਆਪਣੇ ਫੋਨ ਸਿਧਾਰਥ ਸ਼ੁਕਲਰ ਦੀ ਤਸਵੀਰ ਵਾਲਪੇਪਰ ਵਜੋਂ ਲਗਾਈ ਹੋਈ ਹੈ। ਸਿਧਾਰਥ ਸ਼ੁਕਲਾ ਦੇ ਫੈਨਜ਼ ਇਸ ਤਸਵੀਰ ਨੂੰ ਖੂਬ ਸ਼ੇਅਰ ਕਰ ਰਹੇ ਹਨ। ਸ਼ਹਿਨਾਜ਼ ਗਿੱਲ ਦੀ ਤਸਵੀਰ ਪੂਰੇ ਇੰਟਰਨੈਟ 'ਤੇ ਦਿਲ ਜਿੱਤ ਰਹੀ ਹੈ।

ਸ਼ਹਿਨਾਜ਼ ਦੇ ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਉਹ ਇੰਨੀਂ ਦਿਨੀਂ ਆਪਣੇ ਟਾਕ ਸ਼ੋਅ ‘ਦੇਸੀ ਵਾਈਬਜ਼ ਵਿਦ ਸ਼ਹਿਨਾਜ਼ ਗਿੱਲ’ ਕਰਕੇ ਖੂਬ ਚਰਚਾ ਖੱਟ ਰਹੀ ਹੈ।

ਇਸ ਦੇ ਨਾਲ ਨਾਲ ਸ਼ਹਿਨਾਜ਼ ਜਲਦ ਹੀ ਬਾਲੀਵੁੱਡ ‘ਚ ਡੈਬਿਊ ਕਰਨ ਜਾ ਰਹੀ ਹੈ। ਉਹ ਸਲਮਾਨ ਖਾਨ ਨਾਲ ਫਿਲਮ ‘ਕਿਸੀ ਕਾ ਭਾਈ ਕਿਸੀ ਕੀ ਜਾਨ’ ‘ਚ ਨਜ਼ਰ ਆਉਣ ਵਾਲੀ ਹੈ।