ਵਿਆਹ ਦੇ ਬੰਧਨ 'ਚ ਬੱਝੇ ਸਾਊਥ ਸੁਪਰਸਟਾਰ ਨਯਨਤਾਰਾ ਤੇ ਵਿਗਨੇਸ਼, ਸਾਹਮਣੇ ਆਈ ਪਹਿਲੀ ਖੂਬਸੂਰਤ ਤਸਵੀਰ

ਨਯਨਤਾਰਾ- ਵਿਗਨੇਸ਼ ਸ਼ਿਵਨ ਦਾ ਹੋਇਆ ਵਿਆਹ

ਸਾਊਥ ਦੀ ਸੁਪਰਸਟਾਰ ਅਦਾਕਾਰਾ ਨਯਨਤਾਰਾ (Nayanthara) ਆਪਣੇ ਬੁਆਏਫ੍ਰੈਂਡ ਵਿਗਨੇਸ਼ ਸ਼ਿਵਨ ਨਾਲ ਵਿਆਹ ਦੇ ਬੰਧਨ 'ਚ ਬੱਝ ਗਈ ਹੈ। ਵਿਗਨੇਸ਼ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਵਿਆਹ ਦੀ ਪਹਿਲੀ ਖੂਬਸੂਰਤ ਤਸਵੀਰ ਸ਼ੇਅਰ ਕੀਤੀ ਹੈ, ਜਿਸ 'ਚ ਵਿਗਨੇਸ਼ ਆਪਣੀ ਪਤਨੀ ਨੂੰ ਕਿੱਸ ਕਰਦੇ ਨਜ਼ਰ ਆ ਰਹੇ ਹਨ।

ਵਿਆਹ ਤੋਂ ਕੁਝ ਘੰਟੇ ਪਹਿਲਾਂ ਸ਼ਿਵਨ ਨੇ ਆਪਣੀ ਪਤਨੀ ਲਈ ਆਪਣੇ ਇੰਸਟਾਗ੍ਰਾਮ 'ਤੇ ਇਕ ਭਾਵੁਕ ਪੋਸਟ ਵੀ ਸ਼ੇਅਰ ਕੀਤੀ ਸੀ।

ਪੋਸਟ ਸ਼ੇਅਰ ਕਰਦੇ ਹੋਏ ਵਿਗਨੇਸ਼ ਨੇ ਲਿਖਿਆ, 'ਅੱਜ 9 ਜੂਨ ਹੈ ਅਤੇ ਨਯਨ ਦਾ ਦਿਨ ਹੈ। ਧੰਨਵਾਦ ਰੱਬ, ਬ੍ਰਹਿਮੰਡ ਅਤੇ ਹਰ ਕੋਈ ਜਿਸਨੇ ਸਾਡੇ ਲਈ ਚੰਗਾ ਸੋਚਿਆ।

ਸ਼ਿਵਨ ਨੇ ਅੱਗੇ ਲਿਖਿਆ, 'ਚੰਗੇ ਲੋਕ, ਚੰਗੇ ਪਲ, ਚੰਗੇ ਸੰਜੋਗ ਅਤੇ ਹਰ ਬਰਕਤ ਨੇ ਸਾਡੀ ਜ਼ਿੰਦਗੀ ਨੂੰ ਖੂਬਸੂਰਤ ਬਣਾਇਆ ਹੈ। ਸਾਰੇ ਲੋਕਾਂ ਦੇ ਅਸ਼ੀਰਵਾਦ ਤੇ ਦੁਆਵਾਂ ਲਈ ਧੰਨਵਾਦ, ਮੈਂ ਸਾਰਿਆਂ ਦਾ ਰਿਣੀ ਹਾਂ।

ਇਹ ਸਭ ਮੇਰੇ ਪਿਆਰ ਨਯਨਤਾਰਾ ਨੂੰ ਸਮਰਪਿਤ ਹੈ। ਮੈਂ ਅੱਜ ਤੁਹਾਨੂੰ ਦੇਖਣ ਲਈ ਬਹੁਤ ਉਤਸੁਕ ਹਾਂ। ਮੈਂ ਹਰ ਚੀਜ਼ ਲਈ ਰੱਬ ਨੂੰ ਪ੍ਰਾਰਥਨਾ ਕਰਦਾ ਹਾਂ। ਅੱਜ ਮੈਂ ਆਪਣੇ ਪਰਿਵਾਰ ਅਤੇ ਦੋਸਤਾਂ ਦੇ ਸਾਹਮਣੇ ਜ਼ਿੰਦਗੀ ਦਾ ਨਵਾਂ ਅਧਿਆਏ ਸ਼ੁਰੂ ਕਰਨ ਜਾ ਰਿਹਾ ਹਾਂ।

ਦੱਸ ਦੇਈਏ ਕਿ ਨਯਨਤਾਰਾ ਅਤੇ ਸ਼ਿਵਨ ਪਿਛਲੇ ਸੱਤ ਸਾਲਾਂ ਤੋਂ ਇੱਕ ਦੂਜੇ ਨੂੰ ਡੇਟ ਕਰ ਰਹੇ ਸਨ। 7 ਸਾਲ ਤੱਕ ਡੇਟ ਕਰਨ ਤੋਂ ਬਾਅਦ ਨਯਨਤਾਰਾ ਤੇ ਸ਼ਿਵਨ ਨੇ ਵਿਆਹ ਕਰਨ ਦਾ ਫੈਸਲਾ ਕੀਤਾ।

ਦੱਸ ਦੇਈਏ ਕਿ ਸ਼ਾਹਰੁਖ ਖਾਨ ਦੀਆਂ ਕੁਝ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਸਾਹਮਣੇ ਆਈਆਂ ਹਨ। ਨਯਨਤਾਰਾ ਤੇ ਵਿਗਨੇਸ਼ ਦੇ ਵਿਆਹ ਲਈ ਤਿਆਰ ਕਿੰਗ ਖਾਨ ਦੀਆਂ ਇਨ੍ਹਾਂ ਤਸਵੀਰਾਂ ਤੋਂ ਤੁਸੀਂ ਆਸਾਨੀ ਨਾਲ 'ਜਵਾਨ' ਸਟਾਰ ਦੇ ਸਟਾਈਲ ਦਾ ਅੰਦਾਜ਼ਾ ਲਗਾ ਸਕਦੇ ਹੋ।