Daman Sandhu: ਬਾਲੀਵੁੱਡ ਐਕਟਰਾਂ ਨੂੰ ਟੱਕਰ ਦਿੰਦਾ ਹੈ ਗੁਰਚੇਤ ਚਿੱਤਰਕਾਰ ਦਾ ਬੇਟਾ ਦਮਨ ਸੰਧੂ, 'ਫੈਮਿਲੀ 420' 'ਚ ਰੋਡੂ ਬਣ ਜਿੱਤੇ ਦਿਲ

Daman Sandhu Family 420: ਰੋਡੂ ਯਾਨਿ ਕਿ ਦਮਨ ਸੰਧੂ ਹੁਣ ਬੇਹੱਦ ਹੈਂਡਸਮ ਲੱਗਦਾ ਹੈ। ਉਹ ਕਲਾਕਾਰ ਗੁਰਚੇ ਸਿੰਘ ਸੰਧੂ ਯਾਨਿ ਗੁਰਚੇਤ ਚਿੱਤਰਕਾਰ ਦਾ ਪੁੱਤਰ ਹੈ।

ਗੁਰਚੇਤ ਚਿਤਰਕਰ, ਦਮਨ ਸੰਧੂ

ਪੰਜਾਬੀ ਐਕਟਰ ਤੇ ਕਮੇਡੀਅਨ ਗੁਰਚੇਤ ਚਿੱਤਰਕਾਰ ਦੀ ਕਾਮੇਡੀ ਸੀਰੀਜ਼ 'ਫੈਮਿਲੀ 420' ਬਾਰੇ ਤਾਂ ਤੁਸੀਂ ਸਾਰੇ ਜਾਣਦੇ ਹੀ ਹੋ। 'ਫੈਮਿਲੀ 420' ਨੇ ਤਕਰੀਬਨ 1 ਦਹਾਕੇ ਤੱਕ ਦਰਸ਼ਕਾਂ ਨੂੰ ਹਸਾ-ਹਸਾ ਕੇ ਖੂਬ ਲੋਟਪੋਟ ਕੀਤਾ ਹੈ। ਕੀ ਤੁਸੀਂ ਜਾਣਦੇ ਹੋ ਕਿ ਹੁਣ 'ਫੈਮਿਲੀ 420' ਦੇ ਕਿਰਦਾਰ ਕਿੱਥੇ ਹਨ।

ਅਸੀਂ ਤੁਹਾਨੂੰ ਇਸ ਸੀਰੀਜ਼ ਦੇ ਇੱਕ ਬੜੇ ਹੀ ਖਾਸ ਕਿਰਦਾਰ ਬਾਰੇ ਦੱਸਣ ਜਾ ਰਹੇ ਹਾਂ, ਜਿਸ ਨੇ ਛੋਟੀ ਜਿਹੀ ਉਮਰ 'ਚ ਹੀ ਵੱਡਾ ਨਾਮ ਕਰ ਲਿਆ ਸੀ। ਅਸੀਂ ਗੱਲ ਕਰ ਰਹੇ ਹਾਂ 'ਫੈਮਿਲੀ 420' ਦੇ ਰੋਡੂ ਦੀ।

ਰੋਡੂ ਯਾਨਿ ਕਿ ਦਮਨ ਸੰਧੂ ਹੁਣ ਬੇਹੱਦ ਹੈਂਡਸਮ ਲੱਗਦਾ ਹੈ। ਉਹ ਕਲਾਕਾਰ ਗੁਰਚੇਤ ਸਿੰਘ ਸੰਧੂ ਯਾਨਿ ਗੁਰਚੇਤ ਚਿੱਤਰਕਾਰ ਦਾ ਪੁੱਤਰ ਹੈ।

ਦਮਨ ਸੰਧੂ ਦੀਆਂ ਤਸਵੀਰਾਂ ਦੇਖ ਇਹ ਪਤਾ ਲੱਗਦਾ ਹੈ ਕਿ ਉਹ ਖੂਬਸੂਰਤੀ ਦੇ ਮਾਮਲੇ 'ਚ ਬਾਲੀਵੁੱਡ ਐਕਟਰਾਂ ਨੂੰ ਟੱਕਰ ਦਿੰਦਾ ਹੈ।

ਉਸ ਦਾ ਜਨਮ 17 ਮਾਰਚ 1997 ਨੂੰ ਹੋਇਆ ਸੀ। ਉਸ ਨੇ ਨਾਭਾ ਦੇ ਪੰਜਾਬ ਪਬਲਿਕ ਸਕੂਲ ਤੋਂ ਪੜ੍ਹਾਈ ਕੀਤੀ ਹੈ। ਦਮਨ ਸੰਧੂ ਉਰਫ ਰੋਡੂ ਨੇ ਬਹੁਤ ਹੀ ਛੋਟੀ ਉਮਰ 'ਚ ਐਕਟਿੰਗ ਸ਼ੁਰੂ ਕੀਤੀ ਸੀ। ਉਹ ਬਾਲ ਕਲਾਕਾਰ ਵਜੋਂ ਫਿਲਮ 'ਫੌਜੀ ਦੀ ਫੈਮਿਲੀ' 'ਚ ਨਜ਼ਰ ਆਇਆ ਸੀ। ਇਸ ਫਿਲਮ ਨੂੰ ਗੁਰਚੇਤ ਚਿੱਤਰਕਾਰ ਨੇ ਡਾਇਰੈਕਟ ਕੀਤਾ ਸੀ।

ਜੇ ਤੁਹਾਡੇ ਮਨ ਵਿੱਚ ਵੀ ਇਹ ਸਵਾਲ ਉੱਠ ਰਿਹਾ ਹੈ ਕਿ ਰੋਡੂ ਯਾਨਿ ਕਿ ਦਮਨ ਸੰਧੂ ਹੁਣ ਕਿੱਥੇ ਹੈ, ਤਾਂ ਅਸੀਂ ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਉਹ ਅੱਜ ਕੱਲ ਕੈਨੇਡਾ ਰਹਿੰਦਾ ਹੈ। ਉਸ ਨੇ ਕਈ ਫਿਲਮਾਂ 'ਚ ਐਕਟਿੰਗ ਕੀਤੀ ਹੈ। ਇਸ ਦੇ ਨਾਲ ਨਾਲ ਹੀ ਉਸ ਨੇ ਗਾਇਕੀ 'ਚ ਵੀ ਹੱਥ ਅਜ਼ਮਾਇਆ ਹੈ। ਉਸ ਦਾ ਪਹਿਲਾ ਗਾਣਾ 2017 'ਚ ਰਿਲੀਜ਼ ਹੋਇਆ ਸੀ। ਇਹੀ ਨਹੀਂ ਉਸ ਦਾ ਆਪਣਾ ਯੂਟਿਊਬ ਚੈਨਲ ਵੀ ਹੈ, ਜਿੱਥੇ ਉਸ ਦੀ ਕਾਫੀ ਫੈਨ ਫਾਲੋਇੰਗ ਹੈ।