ਸਾਵਧਾਨ! ਜਾਣੋ Disposable ਗਲਾਸ 'ਚ ਚਾਹ ਪੀਣਾ ਕਿੰਨਾ ਖਤਰਨਾਕ...ਸਿਹਤ ਨੂੰ ਹੁੰਦੇ ਇਹ ਨੁਕਸਾਨ

ਸਰਦੀਆਂ 'ਚ ਚਾਹ ਦੇ ਕੱਪ ਦੀਆਂ ਚੁਸਕੀਆਂ ਵੱਧ ਜਾਂਦੀਆਂ ਹਨ। ਸਕੂਲ-ਕਾਲਜ ਹੋਵੇ ਜਾਂ ਸੜਕ ਕਿਨਾਰੇ ਦੁਕਾਨ ਜਾਂ ਦਫ਼ਤਰ ਦੇ ਬਾਹਰ ਲੱਗੀਆਂ ਰੇਹੜੀਆਂ ਉੱਤੇ ਅਸੀਂ ਚਾਹ ਪੀਣ ਜਾਂਦੇ ਹਾਂ। ਜਿੱਥੇ ਦੁਕਾਨਦਾਰ ਡਿਸਪੋਜ਼ੇਬਲ ਗਲਾਸ ਵਿੱਚ ਚਾਹ ਪਰੋਸਦਾ ਹੈ।

( Image Source : Freepik )

ਸਿਹਤ ਮਾਹਿਰਾਂ ਅਨੁਸਾਰ ਡਿਸਪੋਜ਼ੇਬਲ ਪੋਲੀਸਟੀਰੀਨ ਦੇ ਬਣੇ ਹੁੰਦੇ ਹਨ। ਜਦੋਂ ਗਰਮ ਚਾਹ ਪੀਤੀ ਜਾਂਦੀ ਹੈ ਤਾਂ ਇਸ ਦੇ ਨਾਲ ਹਾਨੀਕਾਰਕ ਤੱਤ ਸਰੀਰ ਵਿੱਚ ਦਾਖਲ ਹੋ ਜਾਂਦੇ ਹਨ, ਜਿਸ ਨਾਲ ਕੈਂਸਰ ਦਾ ਖ਼ਤਰਾ ਵੱਧ ਸਕਦਾ ਹੈ। ਚਾਹ ਪੀਣ ਨਾਲ ਬੇਲੋੜੀ ਥਕਾਵਟ, ਇਕਾਗਰਤਾ ਦੀ ਕਮੀ, ਹਾਰਮੋਨਲ ਅਸੰਤੁਲਨ ਆਦਿ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ।

ਡਾਕਟਰਾਂ ਦਾ ਕਹਿਣਾ ਹੈ ਕਿ ਡਿਸਪੋਜ਼ੇਬਲ ਗਲਾਸ ਵਿੱਚ ਮੈਟਰੋਸਾਮੀਨ, ਬਿਸਫੇਨੋਲ ਏ ਅਤੇ ਹੋਰ ਕਈ ਕੈਮੀਕਲ ਹੁੰਦੇ ਹਨ, ਜੋ ਸਰੀਰ ਲਈ ਖਤਰਨਾਕ ਹੁੰਦੇ ਹਨ, ਇਸ ਦੇ ਮਾਈਕ੍ਰੋ ਪਲਾਸਟਿਕ ਸੈੱਲ ਸਰੀਰ ਦੇ ਹਾਰਮੋਨਸ ਨੂੰ ਅਸੰਤੁਲਿਤ ਕਰਦੇ ਹਨ।

ਜਿਸ ਕਾਰਨ ਥਕਾਵਟ, ਇਕਾਗਰਤਾ ਦੀ ਕਮੀ, ਬਲੱਡ ਪ੍ਰੈਸ਼ਰ, ਸ਼ੂਗਰ, ਥਾਇਰਾਈਡ ਵਰਗੀਆਂ ਬਿਮਾਰੀਆਂ ਦਾ ਖਤਰਾ ਵੱਧ ਜਾਂਦਾ ਹੈ। ਇਸ ਨਾਲ ਗਰਭਵਤੀ ਔਰਤਾਂ ਦੇ ਨਾਲ-ਨਾਲ ਉਨ੍ਹਾਂ ਦੇ ਬੱਚਿਆਂ ਨੂੰ ਵੀ ਨੁਕਸਾਨ ਹੋ ਸਕਦਾ ਹੈ।

ਡਿਸਪੋਜ਼ੇਬਲ ਕੱਪ ਵਿੱਚ ਗਰਮ ਚਾਹ ਪੀਣ ਨਾਲ ਕੈਂਸਰ ਦਾ ਖ਼ਤਰਾ ਵੱਧ ਸਕਦਾ ਹੈ ਕਿਉਂਕਿ ਕੱਪ ਵਿੱਚ ਮੌਜੂਦ ਪਲਾਸਟਿਕ ਅਤੇ ਹੋਰ ਰਸਾਇਣ ਗਰਮ ਚਾਹ ਨਾਲ ਸਰੀਰ ਵਿੱਚ ਪਹੁੰਚ ਜਾਂਦੇ ਹਨ ਅਤੇ ਗੰਭੀਰ ਨੁਕਸਾਨ ਪਹੁੰਚਾ ਸਕਦੇ ਹਨ। ਇਸ ਲਈ ਇਸ ਤੋਂ ਬਚਣਾ ਚਾਹੀਦਾ ਹੈ।

ਡਿਸਪੋਜ਼ੇਬਲ ਕੱਪ 'ਚ ਗਰਮ ਚਾਹ ਪੀਣ ਨਾਲ ਚਮੜੀ ਨੂੰ ਨੁਕਸਾਨ ਹੁੰਦਾ ਹੈ। ਇਸ ਤੋਂ ਇਲਾਵਾ ਮੂੰਹ ਅਤੇ ਗਲੇ ਦੀ ਸਮੱਸਿਆ ਹੋ ਸਕਦੀ ਹੈ। ਇਮਿਊਨਿਟੀ ਕਮਜ਼ੋਰ ਹੋ ਸਕਦੀ ਹੈ। ਜਿਸ ਕਾਰਨ ਕਈ ਤਰ੍ਹਾਂ ਦੀਆਂ ਬਿਮਾਰੀਆਂ ਫੈਲ ਸਕਦੀਆਂ ਹਨ।

ਡਿਸਪੋਸੇਬਲ ਕੱਪ ਵਿੱਚ ਗਰਮ ਚਾਹ ਪੀਣ ਨਾਲ ਹਾਰਮੋਨਲ ਅਸੰਤੁਲਨ ਹੋ ਸਕਦਾ ਹੈ, ਕਿਉਂਕਿ ਕੱਪ ਵਿੱਚ ਮੌਜੂਦ ਪਲਾਸਟਿਕ ਅਤੇ ਹੋਰ ਰਸਾਇਣ ਸਰੀਰ ਦੇ ਹਾਰਮੋਨਸ ਨੂੰ ਪ੍ਰਭਾਵਿਤ ਕਰ ਸਕਦੇ ਹਨ। ਗਰਮ ਚਾਹ ਪੀਣ ਨਾਲ ਪਾਚਨ ਸੰਬੰਧੀ ਸਮੱਸਿਆਵਾਂ ਹੋ ਸਕਦੀਆਂ ਹਨ।

ਡਿਸਪੋਜ਼ੇਬਲ ਕੱਪਾਂ 'ਚ ਗਰਮ ਚਾਹ ਪੀਣ ਤੋਂ ਬਾਅਦ ਇਸ ਨੂੰ ਸੁੱਟ ਦਿੱਤਾ ਜਾਂਦਾ ਹੈ, ਜੋ ਵਾਤਾਵਰਣ ਲਈ ਹਾਨੀਕਾਰਕ ਹੈ। ਇਸ ਕਾਰਨ ਵਾਤਾਵਰਨ ਵਿਚ ਪ੍ਰਦੂਸ਼ਣ ਫੈਲਦਾ ਹੈ, ਜਿਸ ਦਾ ਅਸਰ ਮੁੜ ਮਨੁੱਖੀ ਸਰੀਰ 'ਤੇ ਪੈ ਸਕਦਾ ਹੈ। ਇਸ ਲਈ ਇਸ ਤੋਂ ਦੂਰ ਰਹਿਣਾ ਚਾਹੀਦਾ ਹੈ।