Health Tips: ਸਵਾਦ ਨਾਲ ਭਰਪੂਰ ਦੁੱਧ ਤੇ ਜਲੇਬੀ ਸਿਹਤ ਲਈ ਵੀ ਫਾਇਦੇਮੰਦ

ਜਲੇਬੀ ਇੱਕ ਲਾਜਵਾਬ ਮਠਿਆਈ ਹੈ, ਕੋਈ ਖੁਸ਼ੀ ਦਾ ਮੌਕਾ ਹੋਵੇ ਜਾਂ ਕੋਈ ਤਿਓਹਾਰ, ਘਰ ਵਿੱਚ ਜਲੇਬੀ ਲਿਆਈ ਤੇ ਬੜੇ ਚਾਅ ਨਾਲ ਖਾਈ ਜਾਂਦੀ ਹੈ। ਇਸ ਨੂੰ ਚੱਖਣ ਲਈ ਕਿਸੇ ਮੌਕੇ ਦਾ ਇੰਤਜ਼ਾਰ ਨਹੀਂ ਕਰਨਾ ਪੈਂਦਾ।

Jalebi and Milk

ਕੁਝ ਲੋਕ ਜਲੇਬੀ ਨੂੰ ਦੁੱਧ ਨਾਲ ਖਾਣਾ ਪਸੰਦ ਕਰਦੇ ਹਨ। ਕਿਸੇ ਨੂੰ ਦਹੀਂ ਜਲੇਬੀ ਦਾ ਸਵਾਦ ਚੰਗਾ ਲੱਗਦਾ ਹੈ। ਜਲੇਬੀ ਖਾਸ ਕਰਕੇ ਉੱਤਰੀ ਭਾਰਤ ਵਿੱਚ ਖਾਧੀ ਜਾਂਦੀ ਹੈ। ਅਕਸਰ ਲੋਕ ਸਵੇਰ ਦੇ ਨਾਸ਼ਤੇ ਵਿੱਚ ਜਲੇਬੀ ਖਾਣਾ ਪਸੰਦ ਕਰਦੇ ਹਨ। ਨਾਸ਼ਤੇ ‘ਚ ਜਲੇਬੀ ਖਾਣ ਨਾਲ ਨਾ ਸਿਰਫ ਜੀਭ ਦਾ ਸਵਾਦ ਦਿਨ ਭਰ ਵਧੀਆ ਰਹਿੰਦਾ ਹੈ, ਸਗੋਂ ਇਹ ਸਿਹਤ ਲਈ ਵੀ ਫਾਇਦੇਮੰਦ ਮੰਨਿਆ ਜਾਂਦਾ ਹੈ।

ਜਲੇਬੀ ਬੇਸ਼ੱਕ ਚੀਨੀ ਦੇ ਸ਼ਰਬਤ ਵਿੱਚ ਡੁਬੋ ਕੇ ਖਾਧੀ ਜਾਂਦੀ ਹੈ ਪਰ ਸਰਦੀ ਦੇ ਮੌਸਮ ਵਿੱਚ ਇਸ ਨੂੰ ਦੁੱਧ ਦੇ ਨਾਲ ਖਾਣ ਨਾਲ ਸਰੀਰ ਨੂੰ ਊਰਜਾ ਮਿਲਦੀ ਹੈ ਅਤੇ ਜ਼ੁਕਾਮ ਦਾ ਅਹਿਸਾਸ ਵੀ ਘੱਟ ਹੁੰਦਾ ਹੈ। ਯਾਨੀ ਤੁਸੀਂ ਕਹਿ ਸਕਦੇ ਹੋ ਕਿ ਦੁੱਧ ਅਤੇ ਜਲੇਬੀ ਦਾ ਮਿਸ਼ਰਣ ਠੰਢੇ ਮੌਸਮ ਵਿੱਚ ਲੋਕਾਂ ਨੂੰ ਗਰਮ ਰੱਖਦਾ ਹੈ।

ਬਹੁਤ ਸਾਰੇ ਲੋਕ ਅੱਜ ਵੀ ਪਰੰਪਰਾਗਤ ਤੌਰ ‘ਤੇ ਬੱਚਿਆਂ ਨੂੰ ਇਮਤਿਹਾਨਾਂ ਤੋਂ ਪਹਿਲਾਂ ਜਾਂ ਕਿਸੇ ਸ਼ੁਭ ਕੰਮ ਤੋਂ ਪਹਿਲਾਂ ਦੁੱਧ ਤੇ ਜਲੇਬੀ ਖੁਆਉਂਦੇ ਹਨ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਦੁੱਧ ਦੇ ਨਾਲ ਜਲੇਬੀ ਖਾਣਾ ਸਿਹਤ ਲਈ ਕਿੰਨਾ ਫਾਇਦੇਮੰਦ ਹੁੰਦਾ ਹੈ ? ਜੇਕਰ ਨਹੀਂ ਤਾਂ ਅੱਜ ਅਸੀਂ ਤੁਹਾਨੂੰ ਦੱਸਦੇ ਹਾਂ ਕਿ ਦੁੱਧ ਦੇ ਨਾਲ ਜਲੇਬੀ ਖਾਣ ਦੇ ਕੀ ਫਾਇਦੇ ਹਨ…

ਦੁੱਧ ਅਤੇ ਜਲੇਬੀ ਦਾ ਮਿਸ਼ਰਣ ਮਾਈਗ੍ਰੇਨ ਅਤੇ ਅੱਧੇ ਸਿਰ ਦੇ ਦਰਦ ਵਰਗੀਆਂ ਸਮੱਸਿਆਵਾਂ ਨੂੰ ਦੂਰ ਕਰਨ ਵਿੱਚ ਵੀ ਬਹੁਤ ਮਦਦ ਕਰਦਾ ਹੈ। ਮਾਹਿਰਾਂ ਅਨੁਸਾਰ ਸਵੇਰੇ ਨਾਸ਼ਤੇ ਵਿੱਚ ਦੁੱਧ ਦੇ ਨਾਲ ਜਲੇਬੀ ਖਾਣ ਨਾਲ ਸਿਰ ਦਰਦ ਦੀ ਸਮੱਸਿਆ ਦੂਰ ਹੋ ਜਾਂਦੀ ਹੈ।

ਦੁੱਧ ਅਤੇ ਜਲੇਬੀ ਦਾ ਮਿਸ਼ਰਣ ਭਾਰ ਵਧਾਉਣ ਵਿੱਚ ਬਹੁਤ ਮਦਦ ਕਰਦਾ ਹੈ। ਜਲੇਬੀ ‘ਚ ਕਾਫੀ ਕੈਲੋਰੀ ਹੁੰਦੀ ਹੈ, ਜਿਸ ਕਾਰਨ ਇਸ ਦਾ ਸੇਵਨ ਭਾਰ ਵਧਾਉਣ ‘ਚ ਮਦਦ ਕਰਦਾ ਹੈ। ਜੋ ਲੋਕ ਬਹੁਤ ਪਤਲੇ ਹਨ ਅਤੇ ਭਾਰ ਵਧਾਉਣਾ ਚਾਹੁੰਦੇ ਹਨ, ਉਹ ਲੋਕ ਸਵੇਰੇ ਨਾਸ਼ਤੇ ਦੌਰਾਨ ਇੱਕ ਗਲਾਸ ਦੁੱਧ ਦੇ ਨਾਲ ਜਲੇਬੀ ਖਾ ਸਕਦੇ ਹਨ।

ਦੁੱਧ ਦੇ ਨਾਲ ਜਲੇਬੀ ਸੁਪਰਫੂਡ ਦੀ ਤਰ੍ਹਾਂ ਕੰਮ ਕਰਦੀ ਹੈ। ਇਹ ਤਣਾਅ ਦੇ ਹਾਰਮੋਨਸ ਨੂੰ ਘੱਟ ਕਰਨ ਵਿੱਚ ਮਦਦਗਾਰ ਹੁੰਦੀ ਹੈ। ਜਿਸ ਨਾਲ ਤਣਾਅ ਤੋਂ ਰਾਹਤ ਮਿਲਦੀ ਹੈ। ਇਸ ਨੂੰ ਖਾਣ ਨਾਲ ਇਕਾਗਰਤਾ ਵਧਣ ਦੇ ਨਾਲ-ਨਾਲ ਮੂਡ ਵੀ ਠੀਕ ਰਹਿੰਦਾ ਹੈ।

ਸਰਦੀ-ਜ਼ੁਕਾਮ ਕਾਰਨ ਸਾਹ ਲੈਣ ‘ਚ ਹੋਣ ਵਾਲੀ ਸਮੱਸਿਆ ਨੂੰ ਦੂਰ ਕਰਨ ‘ਚ ਵੀ ਦੁੱਧ ਅਤੇ ਜਲੇਬੀ ਦਾ ਸੇਵਨ ਬਹੁਤ ਕਾਰਗਰ ਹੈ। ਇਸ ਲਈ ਤੁਸੀਂ ਹਰ ਰੋਜ਼ ਗਰਮ ਦੁੱਧ ‘ਚ ਡੁਬੋ ਕੇ ਸਾਧਾਰਨ ਆਕਾਰ ਦੀ ਜਲੇਬੀ ਖਾ ਸਕਦੇ ਹੋ।