ਡਿਜਿਟਲ ਸਕਰੀਨ ‘ਤੇ ਘੰਟਿਆਂ ਸਮਾਂ ਬਿਤਾਉਣ ਅੱਖਾਂ ਲਈ ਘਾਤਕ! ਪੈਂਦਾ ਇਹ ਮਾੜਾ ਪ੍ਰਭਾਵ

ਡਿਜਿਟਲ ਸਕਰੀਨ ‘ਤੇ ਘੰਟਿਆਂ ਸਮਾਂ ਬਿਤਾਉਣ ਵਾਲਿਆਂ ਲਈ ਇੱਕ ਹੋਰ ਚੇਤਾਵਨੀ ਸਾਹਮਣੇ ਆਈ ਹੈ। ਇੱਕ ਨਵੇਂ ਅਧਿਐਨ ਮੁਤਾਬਕ, ਰੋਜ਼ਾਨਾ 1 ਘੰਟਾ ਟੈਬਲੈੱਟ ਜਾਂ ਸਮਾਰਟਫੋਨ ‘ਤੇ ਸਮਾਂ ਬਿਤਾਉਣ ਨਾਲ ਮਾਇਓਪੀਆ ਹੋਣ ਦਾ ਖਤਰਾ ਵਧ ਸਕਦਾ ਹੈ।

( Image Source : Freepik )

ਇੱਕ ਨਵੇਂ ਅਧਿਐਨ ਮੁਤਾਬਕ, ਰੋਜ਼ਾਨਾ 1 ਘੰਟਾ ਟੈਬਲੈੱਟ ਜਾਂ ਸਮਾਰਟਫੋਨ ‘ਤੇ ਸਮਾਂ ਬਿਤਾਉਣ ਨਾਲ ਮਾਇਓਪੀਆ ਹੋਣ ਦਾ ਖਤਰਾ ਵਧ ਸਕਦਾ ਹੈ। ਹਾਲਾਂਕਿ, ਵੱਧ ਸਮੇਂ ਤੱਕ ਸਕਰੀਨ ਦੇਖਣਾ ਅੱਖਾਂ ਦੀ ਰੋਸ਼ਨੀ ਲਈ ਨੁਕਸਾਨਦੇਹ ਹੁੰਦਾ ਹੈ, ਪਰ ਇਹ ਬਿਮਾਰੀ ਹੋਰ ਵੀ ਗੰਭੀਰ ਪਾਈ ਗਈ ਹੈ।

JAMA Network Open ਵਿੱਚ ਪ੍ਰਕਾਸ਼ਤ ਇੱਕ ਖ਼ਬਰ ਮੁਤਾਬਕ, ਮੈਟਾ-ਐਨਾਲਿਸਿਸ ਵਿੱਚ ਪਤਾ ਲੱਗਾ ਕਿ ਸਿਰਫ਼ 1 ਘੰਟਾ ਵੀ ਸਕਰੀਨ ਦੇਖਣਾ ਅੱਖਾਂ ਲਈ ਖ਼ਤਰਨਾਕ ਹੋ ਸਕਦਾ ਹੈ।

ਰਿਸਰਚਰਸ ਦੇ ਮੁਤਾਬਕ, ਜਿੰਨਾ ਵੱਧ ਸਕਰੀਨ ਟਾਈਮ, ਉਨ੍ਹਾਂ ਹੀ ਵੱਧ ਅੱਖਾਂ ਦੀ ਰੋਸ਼ਨੀ ‘ਤੇ ਅਸਰ ਪੈਂਦਾ ਹੈ। Myopia ਇੱਕ ਅਜਿਹਾ ਰੋਗ ਹੈ ਜਿਸ ਵਿੱਚ ਅੱਖਾਂ ਤੋਂ ਚੀਜ਼ਾਂ ਧੁੰਦਲੀਆਂ ਦਿਖਣ ਲੱਗਦੀਆਂ ਹਨ। ਇਹ ਬਿਮਾਰੀ ਆਮ ਤੌਰ ‘ਤੇ ਹੁੰਦੀ ਹੈ, ਪਰ ਡਿਜਿਟਲ ਸਕਰੀਨ ‘ਤੇ ਵੱਧ ਸਮਾਂ ਬਿਤਾਉਣ ਕਾਰਨ ਇਹ ਹੁਣ ਬਹੁਤ ਤੇਜ਼ੀ ਨਾਲ ਵਧ ਰਹੀ ਹੈ।

ਅਧਿਐਨ ‘ਚ 45 ਵਿਸ਼ਲੇਸ਼ਣ ਕੀਤੇ ਗਏ, ਜਿਸ ਵਿੱਚ 3,35,000 ਲੋਕ (ਬੱਚਿਆਂ ਤੋਂ ਲੈ ਕੇ ਯੁਵਾਂ ਅਤੇ ਬਜ਼ੁਰਗ ਤਕ) ਸ਼ਾਮਲ ਸਨ। ਨਤੀਜੇ ਵਿਚਕਾਰ ਇਹ ਸਾਹਮਣੇ ਆਇਆ ਕਿ ਅਧਿਕਤਰ ਲੋਕਾਂ ਵਿੱਚ ਦ੍ਰਿਸ਼ਟੀ ਦੋਸ਼ ਦਾ ਮੁੱਖ ਕਾਰਣ ਸਮਾਰਟਫੋਨ ਜਾਂ ਲੈਪਟਾਪ ‘ਤੇ ਵਧੇਰੇ ਸਮਾਂ ਬਿਤਾਉਣਾ ਹੀ ਹੈ।

Myopia ਇੱਕ ਅਜਿਹੀ ਅੱਖਾਂ ਦੀ ਸਮੱਸਿਆ ਹੈ, ਜਿਸ ਵਿੱਚ ਦੂਰ ਦੀਆਂ ਚੀਜ਼ਾਂ ਧੁੰਦਲੀਆਂ ਦਿਖਦੀਆਂ ਹਨ, ਜਦਕਿ ਨੇੜੇ ਦੀਆਂ ਚੀਜ਼ਾਂ ਸਾਫ਼ ਦਿਖਦੀਆਂ ਹਨ। ਇਹ ਅੱਖਾਂ ਦੇ ਲੈਂਸ ਜਾਂ ਕੋਰਨੀਆ ਦੇ ਆਕਾਰ ਵਿੱਚ ਆਏ ਬਦਲਾਅ ਕਾਰਨ ਹੁੰਦਾ ਹੈ, ਜੋ ਵੇਖਣ ਦੀ ਸਮਰੱਥਾ ‘ਤੇ ਪ੍ਰਭਾਵ ਪਾਉਂਦਾ ਹੈ।

ਮਾਇਓਪੀਆ ਆਮ ਤੌਰ ‘ਤੇ ਬਚਪਨ ਵਿੱਚ ਸ਼ੁਰੂ ਹੁੰਦੀ ਹੈ, ਪਰ ਹੁਣ ਇਹ ਬਾਲਗਾਂ ਵਿੱਚ ਵੀ ਤੇਜ਼ੀ ਨਾਲ ਵਧ ਰਹੀ ਹੈ। ਨਵੇਂ ਅਧਿਐਨ ਮੁਤਾਬਕ, ਉਹ ਲੋਕ ਜੋ ਲੰਮੇ ਸਮੇਂ ਤਕ ਸਕਰੀਨ ਦੇ ਸੰਪਰਕ ਵਿੱਚ ਰਹਿੰਦੇ ਹਨ, ਉਨ੍ਹਾਂ ‘ਚ ਮਾਇਓਪੀਆ ਹੋਣ ਦੀ ਸੰਭਾਵਨਾ ਹੋਰ ਵੱਧ ਗਈ ਹੈ।