Summer Drink: ਪੁਦੀਨੇ, ਚੀਆ ਸੀਡਜ਼ ਅਤੇ ਨਿੰਬੂ ਤੋਂ ਬਣੀ ਇਹ ਡਰਿੰਕ ਸਿਹਤ ਲਈ ਫਾਇਦੇਮੰਦ, ਜਾਣੋ ਇਸ ਦੀ ਰੈਸਿਪੀ

Summer Drink: ਗਰਮੀ ਦਿਨੋ ਦਿਨ ਵੱਧਦੀ ਜਾ ਰਹੀ ਹੈ। ਅਜਿਹੇ 'ਚ ਲੋਕ ਖੁਦ ਨੂੰ ਠੰਡਾ ਰੱਖਣ ਦੇ ਲਈ ਠੰਡੀਆਂ ਚੀਜ਼ਾਂ ਦਾ ਸੇਵਨ ਕਰਦੇ ਹਨ।ਅੱਜ ਅਸੀਂ ਤੁਹਾਨੂੰ ਖਾਸ ਦੇਸੀ ਡਰਿੰਕ ਬਾਰੇ ਦੱਸਾਂਗੇ ਜਿਸ ਨਾਲ ਠੰਡਕ ਦੇ ਨਾਲ ਸਿਹਤ ਨੂੰ ਫਾਇਦਾ ਵੀ ਮਿਲੇਗਾ

( Image Source : Freepik )

ਗਰਮੀਆਂ ਵਿੱਚ ਲੋਕ ਅਕਸਰ ਕੋਲਡ ਡਰਿੰਕਸ, ਐਨਰਜੀ ਡਰਿੰਕਸ ਆਦਿ ਪੀਣਾ ਪਸੰਦ ਕਰਦੇ ਹਨ। ਜੋ ਸਿਹਤ ਲਈ ਹਾਨੀਕਾਰਕ ਸਾਬਤ ਹੁੰਦਾ ਹੈ। ਇਸ ਦੀ ਬਜਾਏ ਤੁਸੀਂ ਘਰ 'ਚ ਪੁਦੀਨੇ, ਚੀਆ ਦੇ ਸੀਡਜ਼ ਅਤੇ ਨਿੰਬੂ ਤੋਂ ਬਣਿਆ ਡ੍ਰਿੰਕ ਬਣਾ ਕੇ ਪੀ ਸਕਦੇ ਹੋ।

ਇਹ ਡਰਿੰਕ ਸਿਹਤ ਲਈ ਕਈ ਤਰ੍ਹਾਂ ਨਾਲ ਫਾਇਦੇਮੰਦ ਸਾਬਤ ਹੁੰਦਾ ਹੈ। ਗਰਮੀ ਤੋਂ ਰਾਹਤ ਦੇਣ ਦੇ ਨਾਲ-ਨਾਲ ਇਹ ਪੇਟ ਨਾਲ ਜੁੜੀਆਂ ਸਾਰੀਆਂ ਸਮੱਸਿਆਵਾਂ ਨੂੰ ਦੂਰ ਕਰਨ 'ਚ ਵੀ ਮਦਦ ਕਰਦਾ ਹੈ।

ਇਸ ਡਰਿੰਕ ਨੂੰ ਤੁਸੀਂ ਗਰਮੀਆਂ 'ਚ ਰੋਜ਼ਾਨਾ ਪੀ ਸਕਦੇ ਹੋ। ਆਓ ਜਾਣਦੇ ਹਾਂ ਡਾਇਟੀਸ਼ੀਅਨ ਆਰਜੂ ਸੇਠੀ ਤੋਂ ਇਸ ਨੂੰ ਪੀਣ ਦੇ ਫਾਇਦਿਆਂ ਅਤੇ ਨੁਸਖੇ ਬਾਰੇ।

ਇਸ ਡਰਿੰਕ ਨੂੰ ਬਣਾਉਣ ਲਈ ਸਭ ਤੋਂ ਪਹਿਲਾਂ ਤੁਹਾਨੂੰ ਇੱਕ ਮੁੱਠੀ ਪੁਦੀਨੇ ਦੀਆਂ ਪੱਤੀਆਂ ਲੈਣੀਆਂ ਪੈਣਗੀਆਂ। ਇਸ ਤੋਂ ਬਾਅਦ ਅੱਧਾ ਚਮਚ ਨਿੰਬੂ ਦਾ ਰਸ ਅਤੇ ਅੱਧਾ ਚਮਚ ਸ਼ਹਿਦ ਲਓ।

ਹੁਣ ਅੱਧਾ ਚਮਚ ਜੀਰਾ ਅਤੇ ਅੱਧਾ ਚਮਚ ਨਮਕ ਲਓ। ਇਸ ਤੋਂ ਬਾਅਦ ਇਸ 'ਚ ਖੀਰਾ ਅਤੇ ਭਿੱਜੇ ਹੋਏ ਚੀਆ ਬੀਜ ਪਾਓ।

ਹੁਣ ਤੁਸੀਂ ਇਸ ਦੇ ਉੱਪਰ ਥੋੜ੍ਹਾ ਜਿਹਾ ਪਾਣੀ ਪਾਓ। ਸਾਰੀਆਂ ਸਮੱਗਰੀਆਂ ਨੂੰ ਚੰਗੀ ਤਰ੍ਹਾਂ ਮਿਲਾਓ। ਲਓ ਤੁਹਾਡਾ ਡਰਿੰਕ ਤਿਆਰ ਹੈ। ਆਪਣੀ ਫੈਮਿਲੀ ਦੇ ਨਾਲ ਇਸ ਡ੍ਰਿੰਕ ਦਾ ਲੁਤਫ ਲਓ।