Water Fasting Benefits: ਵਾਟਰ ਫਾਸਟਿੰਗ ਦਾ ਵੱਧ ਰਿਹਾ ਹੈ ਕ੍ਰੇਜ਼, ਕੀ ਤੁਸੀਂ ਜਾਣਦੇ ਹੋ ਕਿ ਇਹ ਕਿੰਨਾ ਹੈ ਸੇਫ?

Water Fasting: ਅੱਜਕੱਲ੍ਹ ਵੱਖ-ਵੱਖ ਤਰ੍ਹਾਂ ਦੀਆਂ ਡਾਈਟ ਦੇ ਵਿਚਕਾਰ ਲੋਕਾਂ ਵਿੱਚ ਵਾਟਰ ਫਾਸਟਿੰਗ ਦਾ ਕ੍ਰੇਜ਼ ਕਾਫੀ ਵੱਧ ਗਿਆ ਹੈ। ਇਸ 'ਚ ਲੋਕ 24-72 ਘੰਟੇ ਦੇ ਵਿਚਕਾਰ ਹੀ ਪਾਣੀ ਪੀਂਦੇ ਹਨ।

ਵਾਟਰ ਫਾਸਟਿੰਗ

ਵਾਟਰ ਫਾਸਟਿੰਗ ਦੇ ਦੌਰਾਨ ਲੋਕ ਪਾਣੀ ਤੋਂ ਇਲਾਵਾ ਕੁਝ ਨਹੀਂ ਖਾਂਦੇ। ਬਹੁਤ ਸਾਰੇ ਲੋਕ ਇਸ ਨੂੰ ਤੇਜ਼ੀ ਨਾਲ ਭਾਰ ਘਟਾਉਣ ਲਈ ਬਹੁਤ ਵਧੀਆ ਮੰਨਦੇ ਹਨ, ਜਦੋਂ ਕਿ ਕੁਝ ਲੋਕਾਂ ਦਾ ਮੰਨਣਾ ਹੈ ਕਿ ਇਸ ਤਰ੍ਹਾਂ ਦਾ ਵਰਤ ਸਾਰੇ ਲੋਕਾਂ ਲਈ ਸਹੀ ਨਹੀਂ ਹੈ। ਕਿਉਂਕਿ ਇਸ ਦਾ ਸਰੀਰ 'ਤੇ ਬੁਰਾ ਪ੍ਰਭਾਵ ਪੈਂਦਾ ਹੈ।

ਅੱਜ-ਕੱਲ੍ਹ ਕਰੋੜਾਂ ਲੋਕ ਜ਼ਿਆਦਾ ਭਾਰ ਅਤੇ ਮੋਟਾਪੇ ਤੋਂ ਪ੍ਰੇਸ਼ਾਨ ਹਨ, ਅੱਜ ਦੇ ਸਮੇਂ ਵਿੱਚ ਲੋਕ ਭਾਰ ਘਟਾਉਣ ਲਈ ਕਈ ਤਰ੍ਹਾਂ ਦੇ ਉਪਾਅ ਲੱਭ ਰਹੇ ਹਨ। ਅੱਜਕਲ, ਭਾਰ ਘਟਾਉਣ ਲਈ ਇੱਕ ਖਾਸ ਕਿਸਮ ਦਾ ਵਰਤ ਪੂਰੀ ਦੁਨੀਆ ਵਿੱਚ ਰੁਝਾਨ ਦਾ ਹਿੱਸਾ ਬਣ ਰਿਹਾ ਹੈ। ਉਹ ਹੈ ਵਾਟਰ ਫਾਸਟਿੰਗ , ਲੋਕ 24-72 ਘੰਟੇ ਬਿਨਾਂ ਕੁਝ ਖਾਧੇ ਰਹਿੰਦੇ ਹਨ ਅਤੇ ਸਿਰਫ ਪਾਣੀ ਪੀਂਦੇ ਹਨ। ਬਹੁਤ ਸਾਰੇ ਲੋਕ ਇਹ ਵਰਤ 7 ਦਿਨਾਂ ਤੱਕ ਕਰਦੇ ਹਨ ਤਾਂ ਕਿ ਉਹ ਜਲਦੀ ਭਾਰ ਘਟਾ ਸਕਣ।

ਸਿਹਤ ਮਾਹਿਰਾਂ ਅਨੁਸਾਰ ਪਾਣੀ ਦਾ ਵਰਤ ਸਰੀਰ ਲਈ ਚੰਗਾ ਹੁੰਦਾ ਹੈ ਕਿਉਂਕਿ ਕਿਉਂਕਿ ਇਸ ਨਾਲ ਸਰੀਰ ਦੀ ਜਿੰਨੀ ਵੀ ਟੋਕਸਿਨ ਹੁੰਦੀ ਹੈ ਉਹ ਬਾਹਰ ਨਿਕਲ ਜਾਂਦੀ ਹੈ। ਪਰ ਲੋਕਾਂ ਨੂੰ ਸਿਰਫ਼ ਪਾਣੀ ਹੀ ਨਹੀਂ ਬਲਕਿ ਨਿੰਬੂ ਪਾਣੀ, ਨਾਰੀਅਲ ਪਾਣੀ ਅਤੇ ਸ਼ਿਕੰਜੀ ਵੀ ਪੀਣੀ ਚਾਹੀਦੀ ਹੈ। ਇਹ ਸਾਰੇ ਡਰਿੰਕਸ ਸਰੀਰ ਵਿੱਚੋਂ ਟੋਕਸਿਕ ਏਲੀਮੈਂਟ ਨੂੰ ਬਾਹਰ ਕੱਢ ਕੇ ਸਰੀਰ ਨੂੰ ਹਾਈਡਰੇਟ ਰੱਖਣ ਦਾ ਕੰਮ ਕਰਦੇ ਹਨ। ਇਸ ਤਰ੍ਹਾਂ ਦੀ ਫਾਸਟਿੰਗ ਨਾਲ ਕੈਲੋਰੀ ਅਤੇ ਕਾਰਬਸ ਇਨਟੇਕ ਅਚਾਨਕ ਘੱਟ ਹੋ ਜਾਂਦਾ ਹੈ। ਜਿਸ ਨਾਲ ਸਰੀਰ ਨੂੰ ਕਾਫੀ ਲਾਭ ਮਿਲਦਾ ਹੈ।

24-48 ਘੰਟੇ ਤਕ ਵਾਟਰ ਫਾਸਟਿੰਗ ਸਰੀਰ ਲਈ ਠੀਕ ਹੁੰਦਾ ਹੈ ਪਰ ਜੇਕਰ ਤੁਸੀਂ ਇਸ ਤੋਂ ਜ਼ਿਆਦਾ ਦੇਰ ਕਰਦੇ ਹੋ ਤਾਂ ਸਰੀਰ 'ਚ ਐਨਜ਼ਾਈਮ ਦਾ ਸੰਤੁਲਨ ਵਿਗੜਨਾ ਸ਼ੁਰੂ ਹੋ ਜਾਂਦਾ ਹੈ। ਜਿਸ ਕਾਰਨ ਸਮੱਸਿਆਵਾਂ ਆ ਸਕਦੀਆਂ ਹਨ। ਸਭ ਤੋਂ ਦਿਲਚਸਪ ਗੱਲ ਇਹ ਹੈ ਕਿ ਵਾਟਰ ਫਾਸਟਿੰਗ ਸਰੀਰ ਨੂੰ ਡੀਟੌਕਸਫਾਈ ਕਰਨ ਲਈ ਬਹੁਤ ਵਧੀਆ ਹੈ। ਪਰ ਇਸ ਨਾਲ ਭਾਰ ਨੂੰ ਤੁਰੰਤ ਕੰਟਰੋਲ ਨਹੀਂ ਕੀਤਾ ਜਾ ਸਕਦਾ। ਜਿਹੜੇ ਲੋਕ ਸੋਚਦੇ ਹਨ ਕਿ ਉਹ 2-3 ਦਿਨਾਂ ਵਿੱਚ ਪਾਣੀ ਪੀ ਕੇ ਆਪਣਾ ਭਾਰ ਕੰਟਰੋਲ ਕਰ ਸਕਦੇ ਹਨ, ਤਾਂ ਅਜਿਹਾ ਬਿਲਕੁਲ ਨਹੀਂ ਹੈ। ਪਾਣੀ ਦੇ ਵਰਤ ਤੋਂ ਬਾਅਦ ਸਿਹਤਮੰਦ ਭੋਜਨ ਅਤੇ ਕਸਰਤ ਬਹੁਤ ਜ਼ਰੂਰੀ ਹੈ, ਇਸ ਨਾਲ ਭਾਰ ਕੰਟਰੋਲ 'ਚ ਰਹਿੰਦਾ ਹੈ।

ਡਾਇਬਟੀਜ਼, ਲੋਅ ਬਲੱਡ ਪ੍ਰੈਸ਼ਰ, ਗਰਭਵਤੀ ਔਰਤਾਂ, ਬ੍ਰੈਸਟਫੀਡ ਕਰਾਉਣ ਵਾਲੀਆਂ ਔਰਤਾਂ ਨੂੰ ਵਾਟਰ ਫਾਸਟਿੰਗ ਬਿਲਕੁਲ ਨਹੀਂ ਕਰਨਾ ਚਾਹੀਦਾ। ਜੇਕਰ ਤੁਸੀਂ ਵੀ ਇਸ ਤਰ੍ਹਾਂ ਦਾ ਵਰਤ ਰੱਖਣ ਬਾਰੇ ਸੋਚ ਰਹੇ ਹੋ ਤਾਂ ਡਾਕਟਰ ਦੀ ਸਲਾਹ ਜ਼ਰੂਰ ਲਓ। ਕਿਉਂਕਿ ਇਸ ਨਾਲ ਤੁਹਾਡੀ ਸਿਹਤ ਖ਼ਰਾਬ ਹੋ ਸਕਦੀ ਹੈ। Disclaimer: ਖ਼ਬਰਾਂ ਵਿੱਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ 'ਤੇ ਅਧਾਰਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।