Sesame seeds: ਸਰਦੀਆਂ 'ਚ ਕਿਹੜੇ ਤਿਲ ਖਾਣੇ ਚਾਹੀਦੇ ਚਿੱਟੇ ਜਾਂ ਕਾਲੇ? ਜਾਣੋ ਜਵਾਬ

Sesame seeds: ਸਰਦੀਆਂ ਵਿੱਚ ਕਾਲੇ ਤਿਲ ਖਾਣੇ ਜ਼ਿਆਦਾ ਫਾਇਦੇਮੰਦ ਹੁੰਦੇ ਹਨ। ਕਾਲੇ ਤਿਲ 'ਚ ਕਈ ਗੁਣ ਹੁੰਦੇ ਹਨ ਜੋ ਸਰਦੀਆਂ 'ਚ ਸਿਹਤ ਲਈ ਫਾਇਦੇਮੰਦ ਹੁੰਦੇ ਹਨ ਆਓ ਜਾਣਦੇ ਹਾਂ...

sesame seeds

ਠੰਡ ਦਾ ਮੌਸਮ ਆਉਂਦਿਆਂ ਹੀ ਤਿਲ ਦੇ ਲੱਡੂ ਅਤੇ ਚਿੱਕੀਆਂ ਦੀ ਮਹਿਕ ਸਾਨੂੰ ਆਪਣੇ ਵੱਲ ਖਿੱਚ ਲੈਂਦੀ ਹੈ। ਤਿਲ ਸਾਡੀ ਸਿਹਤ ਲਈ ਬਹੁਤ ਫਾਇਦੇਮੰਦ ਹੁੰਦੇ ਹਨ। ਪਰ ਸਵਾਲ ਇਹ ਪੈਦਾ ਹੁੰਦਾ ਹੈ ਕਿ ਸਰਦੀਆਂ ਵਿੱਚ ਕਿਹੜੇ ਤਿਲ ਜ਼ਿਆਦਾ ਪੌਸ਼ਟਿਕ ਹੁੰਦੇ ਹਨ- ਕਾਲੇ ਜਾਂ ਚਿੱਟੇ? ਹਾਲਾਂਕਿ ਦੋਵੇਂ ਤਿਲ ਪੋਸ਼ਕ ਤੱਤਾਂ ਨਾਲ ਭਰਪੂਰ ਹੁੰਦੇ ਹਨ, ਮਾਹਰ ਸਰਦੀਆਂ ਲਈ ਕਾਲੇ ਤਿਲ ਦੀ ਸਿਫਾਰਸ਼ ਕਰਦੇ ਹਨ।

ਕਾਲੇ ਤਿਲ 'ਚ ਆਇਰਨ ਅਤੇ ਕੈਲਸ਼ੀਅਮ ਦੀ ਜ਼ਿਆਦਾ ਮਾਤਰਾ ਹੁੰਦੀ ਹੈ, ਜੋ ਹੱਡੀਆਂ ਲਈ ਜ਼ਰੂਰੀ ਹੈ, ਜੋ ਹੱਡੀਆਂ ਨੂੰ ਮਜ਼ਬੂਤ ਬਣਾਉਣ 'ਚ ਅਹਿਮ ਭੂਮਿਕਾ ਨਿਭਾਉਂਦੇ ਹਨ। ਕਾਲੇ ਤਿਲ ਵਿੱਚ ਕੈਲਸ਼ੀਅਮ ਦੀ ਉੱਚ ਮਾਤਰਾ ਹੁੰਦੀ ਹੈ ਜੋ ਹੱਡੀਆਂ ਲਈ ਇੱਕ ਮੁੱਖ ਖਣਿਜ ਹੈ। ਕੈਲਸ਼ੀਅਮ ਹੱਡੀਆਂ ਨੂੰ ਟੁੱਟਣ ਤੋਂ ਰੋਕਦਾ ਹੈ ਅਤੇ ਉਨ੍ਹਾਂ ਦੀ ਘਣਤਾ ਵਧਾਉਂਦਾ ਹੈ। ਇਹ ਹੱਡੀਆਂ ਨਾਲ ਸਬੰਧਤ ਸਮੱਸਿਆਵਾਂ ਜਿਵੇਂ ਕਿ ਓਸਟੀਓਪੋਰੋਸਿਸ ਨੂੰ ਰੋਕਣ ਵਿੱਚ ਮਦਦ ਕਰਦਾ ਹੈ।