ਗੁਜੀਆ ਨੂੰ ਇੰਝ ਕਰੋ ਸਟੋਰ, ਮਹੀਨਿਆਂ ਤੱਕ ਖਸਤਾ ਅਤੇ ਤਾਜ਼ੀਆਂ ਰਹਿਣਗੀਆਂ

ਹੋਲੀ ਦੇ ਤਿਉਹਾਰ ਕਰਕੇ ਬਹੁਤ ਸਾਰੇ ਲੋਕ ਘਰ ਦੇ ਵਿੱਚ ਗੁਜੀਆ ਨੂੰ ਤਿਆਰ ਕਰਦੇ ਹਨ। ਜਦੋਂ ਇਹ ਤਾਜ਼ੀਆਂ ਹੁੰਦੀਆਂ ਤਾਂ ਬਹੁਤ ਸੁਆਦੀ ਲੱਗਦੀਆਂ ਹਨ। ਪਰ ਜੇਕਰ ਸਹੀ ਢੰਗ ਨਾਲ ਸਟੋਰ ਨਾ ਕੀਤਾ ਜਾਏ ਤਾਂ ਇਹ ਖਰਾਬ ਹੋ ਜਾਂਦੀਆਂ ਹਨ।

( Image Source : Freepik )

ਅਕਸਰ ਕੁਝ ਦਿਨਾਂ ਵਿੱਚ ਹੀ ਗੁਜੀਆ ਨਰਮ ਹੋਣ ਲੱਗਦੀਆਂ ਹਨ ਅਤੇ ਉਨ੍ਹਾਂ ਦਾ ਸਵਾਦ ਤੇ ਖੁਸ਼ਬੂ ਦੋਵਾਂ ਬਦਲ ਜਾਣਦੇ ਹਨ। ਕਈ ਵਾਰ ਤਾਂ ਇਹ ਖਤਮ ਹੋਣ ਤੋਂ ਪਹਿਲਾਂ ਹੀ ਖਰਾਬ ਹੋ ਜਾਂਦੀਆਂ ਹਨ।

ਇਨ੍ਹਾਂ ਸਭ ਸਮੱਸਿਆਵਾਂ ਤੋਂ ਬਚਣ ਲਈ ਗੁਜੀਆ ਨੂੰ ਸਟੋਰ ਕਰਨ ਸਮੇਂ ਕੁਝ ਗੱਲਾਂ ਦਾ ਧਿਆਨ ਰੱਖਣਾ ਬਹੁਤ ਜ਼ਰੂਰੀ ਹੈ। ਜੇਕਰ ਤੁਸੀਂ ਗੁਜੀਆ ਨੂੰ ਠੀਕ ਢੰਗ ਨਾਲ ਸਟੋਰ ਕਰੋ ਤਾਂ ਇਹ ਕਈ ਦਿਨਾਂ ਤੱਕ ਖਸਤਾ ਰਹਿਣਗੀਆਂ ਅਤੇ ਉਨ੍ਹਾਂ ਦਾ ਸਵਾਦ ਵੀ ਬਰਕਰਾਰ ਰਹੇਗਾ। ਆਓ ਜਾਣਦੇ ਹਾਂ ਗੁਜੀਆ ਨੂੰ ਸਹੀ ਤਰੀਕੇ ਨਾਲ ਸੰਭਾਲਣ ਦੇ ਉਚਿਤ ਢੰਗ।

ਗੁਜੀਆ ਬਣਾਉਣ ਦੇ ਤੁਰੰਤ ਬਾਅਦ ਉਨ੍ਹਾਂ ਨੂੰ ਕਿਸੇ ਡੱਬੇ ਵਿੱਚ ਸਟੋਰ ਕਰਨ ਤੋਂ ਗੁਰੇਜ਼ ਕਰੋ। ਇਸ ਕਾਰਨ ਗੁਜੀਆ ਨਰਮ ਹੋ ਜਾਣਗੀਆਂ ਅਤੇ ਖਾਣ ਵਿੱਚ ਵੀ ਟੇਸਟੀ ਨਹੀਂ ਲੱਗਣਗੀਆਂ।

ਇਸ ਲਈ, ਜਦੋਂ ਵੀ ਤੁਸੀਂ ਗੁਜੀਆ ਬਣਾਓ, ਉਨ੍ਹਾਂ ਨੂੰ ਇੱਕ ਵੱਡੀ ਪਲੇਟ ਵਿੱਚ ਕੱਢ ਕੇ ਰੱਖੋ। ਕੁਝ ਸਮੇਂ ਲਈ ਉਨ੍ਹਾਂ ਨੂੰ ਚੰਗੀ ਤਰ੍ਹਾਂ ਠੰਡਾ ਹੋਣ ਦਿਓ ਅਤੇ ਫਿਰ ਹੀ ਕਿਸੇ ਏਅਰਟਾਈਟ ਡੱਬੇ ਵਿੱਚ ਸਟੋਰ ਕਰੋ। ਇਹ ਤਰੀਕਾ ਗੁਜੀਆ ਨੂੰ ਕਰੰਚੀ ਬਣਾਈ ਰੱਖਣ ਵਿੱਚ ਮਦਦ ਕਰੇਗਾ।

ਗੁਜੀਆ ਨੂੰ ਹਮੇਸ਼ਾ ਕਿਸੇ ਏਅਰਟਾਈਟ ਡੱਬੇ ਵਿੱਚ ਹੀ ਸਟੋਰ ਕਰੋ। ਇਸ ਤਰੀਕੇ ਨਾਲ ਗੁਜੀਆ ਬਾਹਰੀ ਹਵਾ ਨਾਲ ਸੰਪਰਕ ਵਿੱਚ ਆਉਣ ਤੋਂ ਬਚੀ ਰਹੇਗੀ ਅਤੇ ਲੰਬੇ ਸਮੇਂ ਤੱਕ ਤਾਜ਼ੀ ਰਹੇਗੀ। ਜੇਕਰ ਤੁਸੀਂ ਗੁਜੀਆ ਨੂੰ ਪਹਿਲੇ ਦਿਨ ਵਾਂਗ ਹੀ ਖਸਤਾ ਅਤੇ ਸੁਗੰਧਿਤ ਰੱਖਣਾ ਚਾਹੁੰਦੇ ਹੋ, ਤਾਂ ਇੱਕ ਏਅਰਟਾਈਟ ਡੱਬੇ ਵਿੱਚ ਪੇਪਰ ਟਾਵਲ ਵਿਛਾਓ ਅਤੇ ਫਿਰ ਗੁਜੀਆ ਰੱਖ ਕੇ ਸਟੋਰ ਕਰੋ। ਇਸ ਤਰੀਕੇ ਨਾਲ ਤੁਹਾਡੀ ਗੁਜੀਆ ਬਿਲਕੁਲ ਕਰੰਚੀ ਅਤੇ ਟੇਸਟੀ ਰਹੇਗੀ।

ਗੁਜੀਆ ਨੂੰ ਹਮੇਸ਼ਾ ਠੰਡੀ ਥਾਂ 'ਤੇ ਹੀ ਰੱਖਣਾ ਚਾਹੀਦਾ ਹੈ। ਅਕਸਰ ਲੋਕ ਗੁਜੀਆ ਦਾ ਡੱਬਾ ਰਸੋਈ ਵਿੱਚ ਹੀ ਰੱਖ ਦਿੰਦੇ ਹਨ, ਜੋ ਕਿ ਬਿਲਕੁਲ ਠੀਕ ਨਹੀਂ ਹੈ। ਦਰਅਸਲ, ਰਸੋਈ ਦਾ ਤਾਪਮਾਨ ਘਰ ਦੇ ਹੋਰ ਹਿੱਸਿਆਂ ਨਾਲੋਂ ਥੋੜ੍ਹਾ ਵੱਧ ਹੁੰਦਾ ਹੈ। ਇਸ ਕਰਕੇ ਜੇਕਰ ਤੁਸੀਂ ਗੁਜੀਆ ਨੂੰ ਗਰਮ ਥਾਂ 'ਤੇ ਰੱਖਦੇ ਹੋ, ਤਾਂ ਉਹ ਜਲਦੀ ਖਰਾਬ ਹੋ ਸਕਦੀਆਂ ਹਨ। ਜੇਕਰ ਤੁਸੀਂ ਗੁਜੀਆ ਨੂੰ ਲੰਬੇ ਸਮੇਂ ਤੱਕ ਕਰੰਚੀ ਅਤੇ ਤਾਜ਼ਾ ਰੱਖਣਾ ਚਾਹੁੰਦੇ ਹੋ, ਤਾਂ ਉਨ੍ਹਾਂ ਨੂੰ ਕਿਸੇ ਠੰਡੀ ਅਤੇ ਸੁੱਕੀ ਥਾਂ 'ਤੇ ਸਟੋਰ ਕਰੋ।