Valentine Day: ਇਸ ਦਿਨ ਤੋਂ ਸ਼ੁਰੂ ਹੋਵੇਗਾ 'ਵੈਲੇਨਟਾਈਨ ਵੀਕ'...ਜਾਣੋ ਸਿਰਫ 14 ਫਰਵਰੀ ਨੂੰ ਹੀ ਕਿਉਂ ਮਨਾਉਂਦੇ ਹਾਂ?

Valentine Week: ਫਰਵਰੀ ਮਹੀਨੇ ਦੀ ਸ਼ੁਰੂਆਤ ਤੋਂ ਪਹਿਲਾਂ ਹੀ ਜੋੜੇ ਇਸ ਮਹੀਨੇ ਦਾ ਇੰਤਜ਼ਾਰ ਕਰਦੇ ਹਨ ਅਤੇ ਆਪਣੇ ਵੈਲੇਨਟਾਈਨ ਹਫਤੇ ਨੂੰ ਖਾਸ ਬਣਾਉਂਦੇ ਹਨ। ਫਰਵਰੀ ਨੂੰ ਪਿਆਰ ਦਾ ਮਹੀਨਾ ਕਿਹਾ ਜਾਂਦਾ ਹੈ।

( Image Source : Freepik )

ਫਰਵਰੀ ਨੂੰ ਪਿਆਰ ਦਾ ਮਹੀਨਾ ਕਿਹਾ ਜਾਂਦਾ ਹੈ। ਵੈਲੇਨਟਾਈਨ ਡੇਅ 14 ਫਰਵਰੀ ਨੂੰ ਮਨਾਇਆ ਜਾਂਦਾ ਹੈ, ਪਰ ਇਸ ਤੋਂ ਪਹਿਲਾਂ ਇੱਕ ਹਫ਼ਤੇ ਲਈ ਵੈਲੇਨਟਾਈਨ ਡੇਅ ਵੀਕ ਹੁੰਦਾ ਹੈ। ਇਸ ਹਫ਼ਤੇ ਨੂੰ ਰੋਮਾਂਸ ਦਾ ਹਫ਼ਤਾ ਵੀ ਕਿਹਾ ਜਾਂਦਾ ਹੈ। ਅਜਿਹੇ 'ਚ ਆਓ ਜਾਣਦੇ ਹਾਂ ਵੈਲੇਨਟਾਈਨ ਡੇ ਹਫਤੇ 'ਚ ਕਿਹੜੇ ਦਿਨ ਆਉਂਦੇ ਹਨ।

7 ਫਰਵਰੀ - ਰੋਜ਼ ਡੇ- ਪਹਿਲਾ ਦਿਨ ਰੋਜ਼ ਡੇਅ ਹੁੰਦਾ ਹੈ, ਜਿਸ ਵਿਚ ਲੋਕ ਗੁਲਾਬ ਦੇ ਫੁੱਲਾਂ ਨਾਲ ਇਕ-ਦੂਜੇ ਪ੍ਰਤੀ ਆਪਣੇ ਪਿਆਰ ਦੀਆਂ ਭਾਵਨਾਵਾਂ ਦਾ ਪ੍ਰਗਟਾਵਾ ਕਰਦੇ ਹਨ।

ਦੂਜਾ ਦਿਨ ਪ੍ਰਪੋਜ਼ ਡੇ ਹੁੰਦਾ ਹੈ, ਜਿਸ ਵਿੱਚ ਕਈ ਲੋਕ ਆਪਣੇ ਪਾਰਟਨਰ ਨੂੰ ਵਿਆਹ ਲਈ ਪ੍ਰਪੋਜ਼ ਕਰਦੇ ਹਨ ਜਾਂ ਆਪਣੇ ਪਿਆਰ ਦਾ ਇਜ਼ਹਾਰ ਕਰਦੇ ਹਨ। ਇਸ ਤੋਂ ਬਾਅਦ ਚਾਕਲੇਟ ਡੇ ਹੁੰਦਾ। ਇਸ ਦਿਨ ਲੋਕ ਇੱਕ ਦੂਜੇ ਨੂੰ ਚਾਕਲੇਟ ਭੇਜਦੇ ਹਨ ਅਤੇ ਮਠਿਆਈਆਂ ਦਿੰਦੇ ਹਨ।

ਟੈਡੀ ਡੇ ਵਾਲੇ ਦਿਨ ਲੋਕ ਟੈਡੀ ਬੀਅਰ ਭੇਜ ਕੇ ਇਕ-ਦੂਜੇ ਲਈ ਖੁਸ਼ੀ ਦੇ ਰੰਗ ਭਰਦੇ ਹਨ। ਪ੍ਰੋਮਿਸ ਡੇ 'ਤੇ ਜੋੜੇ ਇਕ ਦੂਜੇ ਨਾਲ ਵਾਅਦੇ ਕਰਦੇ ਹਨ। ਇਸ ਦਿਨ ਜੋੜੇ ਇੱਕ ਦੂਜੇ ਨੂੰ ਗਲੇ ਲਗਾ ਕੇ ਆਪਣੀ ਦੇਖਭਾਲ ਅਤੇ ਪਿਆਰ ਦਾ ਇਜ਼ਹਾਰ ਕਰਦੇ ਹਨ।

ਇਹ ਹਫਤੇ ਦਾ ਆਖਰੀ ਦਿਨ ਯਾਨੀਕਿ 13 ਫਰਵਰੀ ਨੂੰ ਕਿਸ ਡੇ ਮਨਾਇਆ ਜਾਂਦਾ ਹੈ। ਇਸ ਦਿਨ ਜੋੜੇ ਇਕ-ਦੂਜੇ ਨੂੰ ਪਿਆਰ ਨਾਲ ਕਿਸ ਦਿੰਦੇ ਹਨ। ਹਫ਼ਤੇ ਦਾ ਮੁੱਖ ਦਿਨ ਵੈਲੇਨਟਾਈਨ ਡੇ (14 ਫਰਵਰੀ) ਹੁੰਦਾ ਹੈ, ਜਿਸ ਵਿੱਚ ਲੋਕ ਖਾਸ ਤੌਰ 'ਤੇ ਆਪਣੇ ਪਿਆਰ ਦਾ ਜਸ਼ਨ ਮਨਾਉਂਦੇ ਹਨ।

ਵੈਲੇਨਟਾਈਨ ਡੇ ਦੀ ਸ਼ੁਰੂਆਤ ਰੋਮਨ ਬਾਦਸ਼ਾਹ ਕਲੌਡੀਅਸ ਦੇ ਰਾਜ ਦੌਰਾਨ ਹੋਈ ਸੀ। ਸੇਂਟ ਵੈਲੇਨਟਾਈਨ, ਇੱਕ ਰੋਮਨ ਪਾਦਰੀ, ਨੇ ਸਭ ਤੋਂ ਪਹਿਲਾਂ ਵੈਲੇਨਟਾਈਨ ਡੇ ਮਨਾਇਆ। ਇਸ ਦਿਨ ਪਿਆਰ ਦਾ ਪ੍ਰਗਟਾਵਾ ਕੀਤਾ ਗਿਆ। ਉਸ ਸ਼ਹਿਰ ਦੇ ਰਾਜਾ ਕਲੌਡੀਅਸ ਨੇ ਇਸ ਨੂੰ ਸਵੀਕਾਰ ਨਹੀਂ ਕੀਤਾ।

ਰਾਜਾ ਕਲੌਡੀਅਸ ਦਾ ਮੰਨਣਾ ਸੀ ਕਿ ਪਿਆਰ ਮਨੁੱਖ ਦੀ ਬੁੱਧੀ ਨੂੰ ਨਸ਼ਟ ਕਰ ਦਿੰਦਾ ਹੈ, ਇਸ ਲਈ ਉਸਨੇ ਆਪਣੇ ਸਿਪਾਹੀਆਂ ਅਤੇ ਮੰਤਰੀਆਂ ਨੂੰ ਵਿਆਹ ਨਾ ਕਰਨ ਦਾ ਹੁਕਮ ਦਿੱਤਾ, ਪਰ ਸੇਂਟ ਵੈਲੇਨਟਾਈਨ ਨੇ ਇਸ ਹੁਕਮ ਦੀ ਉਲੰਘਣਾ ਕੀਤੀ ਅਤੇ ਕਈ ਸਿਪਾਹੀਆਂ ਅਤੇ ਮੰਤਰੀਆਂ ਦੇ ਵਿਆਹ ਕਰਵਾ ਲਏ।

ਜਦੋਂ ਰਾਜੇ ਨੂੰ ਇਸ ਗੱਲ ਦਾ ਪਤਾ ਲੱਗਾ ਤਾਂ ਉਹ ਬਹੁਤ ਗੁੱਸੇ ਵਿਚ ਆਇਆ ਅਤੇ 14 ਫਰਵਰੀ ਨੂੰ ਸੰਤ ਵੈਲੇਨਟਾਈਨ ਨੂੰ ਫਾਂਸੀ ਦੇਣ ਦਾ ਹੁਕਮ ਦਿੱਤਾ। ਇਸ ਦਿਨ ਤੋਂ ਸੰਤ ਵੈਲੇਨਟਾਈਨ ਦੀ ਯਾਦ ਵਿਚ ਹਰ ਸਾਲ 14 ਫਰਵਰੀ ਨੂੰ ਵੈਲੇਨਟਾਈਨ ਡੇ ਮਨਾਇਆ ਜਾਣ ਲੱਗਾ।