ਹਰ ਰੋਗ ਨੂੰ ਖ਼ਤਮ ਕਰ ਦਿੰਦੀ ਇਹ ਖ਼ਾਸ ਦਾਲ, ਜਾਣੋ ਕਿਵੇਂ ਕਰਦੇ ਇਸ ਦਾਲ ਦੀ ਖੇਤੀ

ਦਾਲ ਹਰ ਭਾਰਤੀ ਘਰ ਵਿੱਚ ਬਣਦੀ ਹੈ। ਪਰ ਇਹ ਦਾਲਾਂ ਜ਼ਿਆਦਾਤਰ ਅਰਹਰ, ਮਸੂਰ ਅਤੇ ਮੂੰਗ ਦੀਆਂ ਹਨ। ਵੈਸੈ ਅੱਜ ਅਸੀਂ ਜਿਸ ਦਾਲ ਦੀ ਗੱਲ ਕਰ ਰਹੇ ਹਾਂ, ਉਹ ਕਈ ਬਿਮਾਰੀਆਂ ਦੇ ਇਲਾਜ ਵਿੱਚ ਰਾਮਬਾਣ ਦਾ ਕੰਮ ਕਰਦੀ ਹੈ।

kulthi daal

ਭਾਰਤ ਵਿੱਚ ਜੁਲਾਈ ਅਤੇ ਅਗਸਤ ਦੇ ਵਿਚਕਾਰ ਕੁਲਥੀ ਦੀ ਕਾਸ਼ਤ ਕੀਤੀ ਜਾਂਦੀ ਹੈ। ਇਸ ਦੀ ਕਾਸ਼ਤ ਕਰਨ ਲਈ ਸਭ ਤੋਂ ਪਹਿਲਾਂ ਤੁਹਾਨੂੰ ਆਪਣੇ ਖੇਤ ਦੀ ਚੰਗੀ ਵਾਹੀ ਕਰਨੀ ਪਵੇਗੀ। ਫਿਰ ਪ੍ਰਤੀ ਹੈਕਟੇਅਰ 5 ਟਨ ਗੋਬਰ ਖਾਦ ਇਸ ਵਿੱਚ ਮਿਲਾਉਣੀ ਪੈਂਦੀ ਹੈ। ਇਸ ਦੇ ਨਾਲ ਹੀ ਇਸ ਦੀ ਕਾਸ਼ਤ ਦੌਰਾਨ ਵਿਸ਼ੇਸ਼ ਧਿਆਨ ਰੱਖਣਾ ਪੈਂਦਾ ਹੈ ਕਿ ਬਿਜਾਈ ਤੋਂ ਪਹਿਲਾਂ ਇਸ ਦੇ ਬੀਜਾਂ ਵਿੱਚ ਉੱਲੀਨਾਸ਼ਕ ਦਵਾਈ ਜ਼ਰੂਰ ਮਿਲਾਈ ਜਾਵੇ।

ਕੁਲਥੀ ਨੂੰ ਅੰਗਰੇਜ਼ੀ ਵਿੱਚ ਹਾਰਸ ਗ੍ਰਾਮ ਕਿਹਾ ਜਾਂਦਾ ਹੈ। ਇਸ ਦਾਲ ਦਾ ਵਿਗਿਆਨਕ ਨਾਮ ਮੈਕਰੋਟਿਲੋਮਾ ਯੂਨੀਫਲੋਰਮ (Macrotyloma uniflorum) ਹੈ। ਆਯੁਰਵੇਦ ਵਿੱਚ ਇਸ ਦਾਲ ਨੂੰ ਔਸ਼ਧੀ ਵਾਲੀ ਦਾਲ ਦੱਸਿਆ ਗਿਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਦਾਲ ਦੱਖਣੀ ਭਾਰਤ ਦੀ ਇੱਕ ਮਹੱਤਵਪੂਰਨ ਫਸਲ ਹੈ।