Tulip Garden Srinagar: ਲੋਕਾਂ ਨੂੰ ਚੰਗਾ ਲੱਗਿਆ ਸ੍ਰੀਨਗਰ ਦਾ ਟਿਊਲਿਪ ਗਾਰਡਨ, ਇਸ ਵਾਰ 32 ਦਿਨਾਂ 'ਚ ਆਏ ਰਿਕਾਰਡ ਤੋੜ ਸੈਲਾਨੀ

Tulip Garden Srinagar Closing Date: ਟਿਊਲਿਪ ਗਾਰਡਨ ਨੇ ਕਸ਼ਮੀਰ ਵਿੱਚ ਸੈਰ ਸਪਾਟੇ ਦੇ ਸੀਜ਼ਨ ਨੂੰ ਉਤਸ਼ਾਹਿਤ ਕਰਨ ਵਿੱਚ ਅਹਿਮ ਭੂਮਿਕਾ ਨਿਭਾਈ ਹੈ।

Tulip Garden

ਇਸ ਸੀਜ਼ਨ ਵਿੱਚ ਤਿੰਨ ਹਜ਼ਾਰ ਤੋਂ ਵੱਧ ਵਿਦੇਸ਼ੀ ਏਸ਼ੀਆ ਦੇ ਸਭ ਤੋਂ ਵੱਡੇ ਟਿਊਲਿਪ ਗਾਰਡਨ ਦਾ ਦੌਰਾ ਕਰ ਚੁੱਕੇ ਹਨ। ਇਸ ਦੇ ਨਾਲ ਹੀ ਹੁਣ ਤੱਕ ਰਿਕਾਰਡ 3.7 ਲੱਖ ਸੈਲਾਨੀ ਗਾਰਡਨ ਦਾ ਦੌਰਾ ਕਰ ਚੁੱਕੇ ਹਨ।

ਡਲ ਝੀਲ ਦੇ ਕੰਢੇ ਸਥਿਤ ਇਸ ਟਿਊਲਿਪ ਗਾਰਡਨ ਨੂੰ ਹੁਣ ਆਮ ਲੋਕਾਂ ਲਈ ਬੰਦ ਕਰ ਦਿੱਤਾ ਗਿਆ ਹੈ।

ਟਿਊਲਿਪ ਗਾਰਡਨ ਨੂੰ 19 ਮਾਰਚ ਨੂੰ ਸੈਲਾਨੀਆਂ ਲਈ ਖੋਲ੍ਹਿਆ ਗਿਆ ਸੀ। ਮਹੀਨਾ ਭਰ ਚੱਲਣ ਵਾਲੇ ਇਸ ਰੰਗੀਨ ਤਿਉਹਾਰ ਦੌਰਾਨ ਫੁੱਲਾਂ ਦੀਆਂ ਹੋਰ ਕਿਸਮਾਂ ਦੇ ਨਾਲ 1.6 ਮਿਲੀਅਨ ਤੋਂ ਵੱਧ ਟਿਊਲਿਪ ਖਿੜੇ ਹੋਏ ਸਨ।

ਜੇਕਰ ਅਸੀਂ ਇੱਥੇ ਆਉਣ ਵਾਲੇ ਸੈਲਾਨੀਆਂ ਨਾਲ ਪਿਛਲੇ ਸਾਲ ਦੀ ਤੁਲਨਾ ਕਰੀਏ ਤਾਂ ਪਿਛਲੇ ਸਾਲ 3.6 ਲੱਖ ਸੈਲਾਨੀਆਂ ਨੇ ਗਾਰਡਨ ਦਾ ਦੌਰਾ ਕੀਤਾ ਸੀ।

ਇੰਦਰਾ ਗਾਂਧੀ ਟਿਊਲਿਪ ਗਾਰਡਨ, ਪਹਿਲਾਂ ਸਿਰਾਜ ਬਾਗ ਵਜੋਂ ਜਾਣਿਆ ਜਾਂਦਾ ਸੀ। ਇਸ ਬਾਗ ਨੇ ਦੇਸ਼-ਵਿਦੇਸ਼ ਦੇ ਸੈਲਾਨੀਆਂ ਨੂੰ ਆਕਰਸ਼ਿਤ ਕੀਤਾ ਹੈ।

ਰਹਿਮਾਨ ਨੇ ਸ਼ੁੱਕਰਵਾਰ ਨੂੰ ਕਿਹਾ, "ਅੱਜ ਟਿਊਲਿਪਸ ਦਾ 32ਵਾਂ ਦਿਨ ਸੀ ਅਤੇ 3.7 ਲੱਖ ਤੋਂ ਵੱਧ ਸੈਲਾਨੀਆਂ ਨੇ ਬਾਗ ਦਾ ਦੌਰਾ ਕੀਤਾ। ਜਦੋਂ ਕਿ ਤਿੰਨ ਲੱਖ ਤੋਂ ਵੱਧ ਘਰੇਲੂ ਸੈਲਾਨੀਆਂ ਨੇ ਬਾਗ ਦਾ ਦੌਰਾ ਕੀਤਾ, ਉੱਥੇ ਹੀ ਚੰਗੀ ਗਿਣਤੀ ਵਿੱਚ ਵਿਦੇਸ਼ੀ ਸੈਲਾਨੀ ਵੀ ਪਹੁੰਚੇ।"

ਟਿਊਲਿਪ ਗਾਰਡਨ ਦੇ ਅਧਿਕਾਰੀਆਂ ਦੇ ਅਨੁਸਾਰ, ਟਿਊਲਿਪ ਸ਼ੋਅ ਸਫਲ ਰਿਹਾ ਕਿਉਂਕਿ ਇਸ ਸੀਜ਼ਨ ਵਿੱਚ ਸਭ ਤੋਂ ਵੱਧ ਸੈਲਾਨੀਆਂ ਨੇ ਦੇਖਿਆ।

ਇੰਚਾਰਜ ਰਹਿਮਾਨ ਨੇ ਕਿਹਾ, ਟਿਊਲਿਪ ਗਾਰਡਨ ਨੇ ਕਸ਼ਮੀਰ ਵਿੱਚ ਸੈਰ ਸਪਾਟੇ ਦੇ ਸੀਜ਼ਨ ਨੂੰ ਉਤਸ਼ਾਹਿਤ ਕਰਨ ਵਿੱਚ ਅਹਿਮ ਭੂਮਿਕਾ ਨਿਭਾਈ ਹੈ।

ਹਾਲਾਂਕਿ ਟਿਊਲਿਪ ਗਾਰਡਨ ਦਾ ਸਮਾਂ ਖਤਮ ਹੋ ਰਿਹਾ ਹੈ, ਫਿਰ ਵੀ ਵੱਡੀ ਗਿਣਤੀ ਵਿੱਚ ਸੈਲਾਨੀ ਬਾਗ ਦਾ ਦੌਰਾ ਕਰ ਰਹੇ ਹਨ।