ਸ਼ਹੀਦ ਜੁਗਰਾਜ ਸਿੰਘ ਨੂੰ ਸਰਕਾਰੀ ਸਨਮਾਨਾਂ ਨਾਲ ਅੰਤਿਮ ਵਿਦਾਈ, ਬੀਤੇ ਦਿਨੀਂ ਵਿਸਫੋਟਕ ਧਮਾਕੇ 'ਚ ਹੋਏ ਸੀ ਸ਼ਹੀਦ

ਸ਼ਹੀਦ ਜੁਗਰਾਜ ਸਿੰਘ ਨੂੰ ਸਰਕਾਰੀ ਸਨਮਾਨਾਂ ਨਾਲ ਅੰਤਿਮ ਵਧਾਈ, ਬੀਤੇ ਦਿਨੀਂ ਵਿਸਫੋਟਕ ਧਮਾਕੇ 'ਚ ਹੋਏ ਸੀ ਸ਼ਹੀਦ

ਰਾਜਸਥਾਨ ਦੇ ਮਹਾਜਨ ਫੀਲਡ ਫਾਇਰਿੰਗ ਰੇਂਜ ਵਿੱਚ ਬੀਤੇ ਦਿਨੀਂ ਯੁੱਧ ਅਭਿਆਸ ਦੇ ਦੌਰਾਨ ਹੋਏ ਵਿਸਫੋਟਕ ਧਮਾਕੇ ਵਿੱਚ ਗੰਭੀਰ ਜ਼ਖਮੀ ਹੋਇਆ ਸਬ ਡਵੀਜਨ ਤਲਵੰਡੀ ਸਾਬੋ ਦੇ ਪਿੰਡ ਸ਼ੇਖਪੁਰਾ ਦਾ ਫੌਜੀ ਜਵਾਨ ਜੁਗਰਾਜ ਸਿੰਘ ਸ਼ਹੀਦੀ ਪ੍ਰਾਪਤ ਕਰ ਗਿਆ।

ਉਨ੍ਹਾਂ ਦਾ ਅੱਜ ਪਿੰਡ ਸ਼ੇਖਪੁਰਾ ਵਿਚ ਪੂਰੇ ਸਰਕਾਰੀ ਸਨਮਾਨਾਂ ਨਾਲ ਅੰਤਿਮ ਸੰਸਕਾਰ ਕੀਤਾ ਗਿਆ।

ਇਸ ਮੌਕੇ ਫੋਜ, ਪ੍ਰਸ਼ਾਸਨ ਅਤੇ ਪੁਲਿਸ ਦੇ ਅਧਿਕਾਰੀਆਂ ਤੋਂ ਇਲਾਵਾ ਰਾਜਨੀਤੀਕ, ਧਰਾਮਿਕ ਅਤੇ ਸਮਾਜਿਕ ਜਥੇਬੰਦੀਆਂ ਨੇ ਵੀ ਸ਼ਹੀਦ ਨੂੰ ਸਰਧਾਂਜਲੀ ਦਿੱਤੀ।

ਉਥੇ ਹੀ ਸ਼ਹੀਦ ਦੀ ਚਿਤਾ ਨੂੰ ਅਗਨੀ ਸ਼ਹੀਦ ਦੇ ਪਿਤਾ ਅਤੇ ਭੈਣ ਵੱਲੋਂ ਦਿੱਤੀ ਗਈ।

ਰਾਜਸਥਾਨ ਵਿਖੇ ਮਹਾਜਨ ਫੀਲਡ ਫਾਇਰਿੰਗ ਰੇਂਜ ਦੇ ਸਾਊਥ ਕੈਂਪ ਨਾਂ ਦੇ ਇਲਾਕੇ ਵਿੱਚ 23 ਸਿੱਖ ਬਟਾਲੀਅਨ ਦੇ ਫੌਜੀ ਯੁੱਧ ਅਭਿਆਸ ਦੀ ਤਿਆਰੀ ਕਰ ਰਹੇ ਸੀ।

ਇਸ ਦੌਰਾਨ ਬਾਰੂਦ ਦਾ ਇੱਕ ਧਮਾਕਾ ਹੋਣ ਨਾਲ ਦੋ ਜਵਾਨ ਜ਼ਖਮੀ ਹੋ ਗਏ। ਦੋਨਾਂ ਜਵਾਨਾਂ ਵਿੱਚੋਂ ਇੱਕ ਜਵਾਨ ਉਕਤ ਪਿੰਡ ਸ਼ੇਖਪੁਰਾ ਦਾ ਫੌਜੀ ਜਵਾਨ ਜੁਗਰਾਜ ਸਿੰਘ ਵੀ ਸੀ ਜੋ ਕਿ ਜ਼ਖਮੀ ਹੋਣ ਕਰਕੇ ਪਿਛਲੇ ਕਈ ਦਿਨਾਂ ਤੋਂ ਜੇਰੇ ਇਲਾਜ ਸੀ।

ਪਰ ਜ਼ਖਮਾਂ ਦੀ ਤਾਬ ਨਾ ਸਹਾਰਦੇ ਹੋਏ ਜੁਗਰਾਜ ਸ਼ਹੀਦ ਹੋ ਗਿਆ।

ਮ੍ਰਿਤਕ ਸਹੀਦ ਆਪਣੇ ਮਾਤਾ ਪਿਤਾ ਦਾ ਇਕੱਲੋਤਾ ਪੁੱਤਰ ਅਤੇ ਭੈਣ ਦਾ ਲਾਡਲਾ ਵੀਰ ਸੀ, ਜੋ ਕਿ ਕਰੀਬ 7 ਸਾਲ ਪਹਿਲਾ ਫੋਜ ਵਿੱਚ ਭਰਤੀ ਹੋਇਆ ਸੀ।