ਬੇਅਦਬੀਆਂ ਰੋਕਣ ਲਈ ਕੜਕਦੀ ਸਰਦੀ 'ਚ ਪਿੰਡ-ਪਿੰਡ ਜਾ ਰਿਹਾ ਗੁਰਲਾਲ ਸਿੰਘ

ਸਿੱਖ ਨੌਜਵਾਨ ਗੁਰਲਾਲ ਸਿੰਘ

ਕੜਕਦੀ ਸਰਦੀ ਵਿੱਚ ਸਿੱਖ ਨੌਜਵਾਨ ਪੂਰੇ ਪੰਜਾਬ ਵਿੱਚ ਨੰਗੇ ਪੈਰ ਲੋਕਾਂ ਨੂੰ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਦੀ ਬੇਅਦਬੀ ਦੀਆਂ ਘਟਨਾਵਾਂ ਬਾਰੇ ਜਾਗਰੂਕ ਕਰ ਰਿਹਾ ਹੈ।

ਇਸ ਨੌਜਵਾਨ ਦਾ ਨਾਂ ਗੁਰਲਾਲ ਸਿੰਘ ਹੈ ਜੋ ਫਿਰੋਜ਼ਪੁਰ ਨੇੜਲੇ ਪਿੰਡ ਦਾ ਰਹਿਣ ਵਾਲਾ ਹੈ। ਗੁਰਲਾਲ ਸਿੰਘ ਲੋਕਾਂ ਨੂੰ ਗੁਰਦੁਆਰਿਆਂ ਵਿੱਚ ਇਕੱਠੇ ਹੋ ਕੇ ਪਹਿਰੇ ਲਾਉਣ ਲਈ ਪ੍ਰੇਰਿਤ ਕਰ ਰਿਹਾ ਹੈ।

ਉਹ ਹੁਣ ਤੱਕ ਤਕਰੀਬਨ 250 ਪਿੰਡਾਂ ਦੇ ਲੋਕਾਂ ਨੂੰ ਹੋਕਾ ਦੇ ਚੁੱਕਿਆ ਹੈ। ਉਸ ਦਾ ਕਹਿਣਾ ਹੈ ਕਿ ਹੁਣ ਅਗਲਾ ਟੀਚਾ ਲੁਧਿਆਣਾ ਸਾਈਡ ਦਾ ਹੈ।

ਅੱਜ ਗੁਰਲਾਲ ਸਿੰਘ ਸੰਗਰੂਰ ਦੇ ਪਿੰਡ ਮੰਗਵਾਲ ਵਿੱਚ ਪਹੁੰਚਿਆ। ਉੱਥੇ ਪਿੰਡਾਂ ਦੇ ਲੋਕਾਂ ਨੂੰ ਜਾਗਰੂਕ ਕਰਨ ਲਈ ਹੱਥ ਵਿੱਚ ਸਪੀਕਰ ਲੈ ਕੇ ਨੰਗੇ ਪੈਰੀਂ ਹੋਕਾ ਦੇ ਰਿਹਾ ਸੀ। ਗੁਰਲਾਲ ਸਿੰਘ ਦਾ ਕਹਿਣਾ ਸੀ ਕਿ ਪਿੰਡ ਦੇ ਲੋਕਾਂ ਵੱਲੋਂ ਬੜਾ ਵਿਸ਼ਵਾਸ ਦਿੱਤਾ ਗਿਆ ਕਿ ਅਸੀਂ ਤੇਰੇ ਨਾਲ ਹਾਂ।