Nazar Dosh Upay: ਨਵਜੰਮੇ ਬੱਚੇ ਦੀ ਕਿਵੇਂ ਉਤਾਰਨੀ ਚਾਹੀਦੀ ਨਜ਼ਰ, ਜਾਣੋ ਰਵਾਇਤੀ ਤਰੀਕਾ

Nazar Dosh Upay: ਬੱਚੇ ਨਾਜ਼ੁਕ ਅਤੇ ਮਾਸੂਮ ਹੁੰਦੇ ਹਨ,ਇਸ ਕਰਕੇ ਉਨ੍ਹਾਂ ਨੂੰ ਲੋਕਾਂ ਦੀ ਨਜ਼ਰ ਲੱਗ ਜਾਂਦੀ ਹੈ। ਇਸ ਕਰਕੇ ਉਹ ਦੁੱਧ ਪੀਣਾ ਬੰਦ ਕਰ ਦਿੰਦੇ ਹਨ ਅਤੇ ਚਿੜਚਿੜੇ ਹੋ ਜਾਂਦੇ ਹਨ। ਅਜਿਹੇ 'ਚ ਤੁਹਾਨੂੰ ਦੱਸਾਂਗੇ ਨਜ਼ਰ ਉਤਾਰਨ ਦੇ ਤਰੀਕੇ

nazar dosh upay

ਜੇਕਰ ਛੋਟੇ ਬੱਚਿਆਂ ਨੂੰ ਨਜ਼ਰ ਲੱਗ ਜਾਵੇ ਤਾਂ ਤਾਂਬੇ ਦੇ ਭਾਂਡੇ 'ਚ ਪਾਣੀ ਅਤੇ ਤਾਜ਼ੇ ਫੁੱਲ ਲੈ ਕੇ ਬੱਚੇ ਦੇ ਸਿਰ ਤੋਂ ਪੈਰਾਂ ਤੱਕ 11 ਵਾਰ ਉਤਾਰੋ ਅਤੇ ਫਿਰ ਕਿਸੇ ਗਮਲੇ ‘ਚ ਪਾ ਦਿਓ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇਸ ਨਾਲ ਬੁਰੀ ਨਜ਼ਰ ਦਾ ਪ੍ਰਭਾਵ ਘੱਟ ਹੋ ਜਾਂਦਾ ਹੈ।

ਸ਼ਨੀਵਾਰ ਵਾਲੇ ਦਿਨ ਬੱਚੇ ਦੇ ਉੱਪਰ ਤੋਂ ਝਾੜੂ ਜਾਂ ਚੱਪਲ ਲੈ ਕੇ ਉਲਟੇ ਕ੍ਰਮ 'ਚ ਸੱਤ ਵਾਰੀ ਉਤਾਰੋ। ਇਸ ਤੋਂ ਬਾਅਦ ਦਰਵਾਜ਼ੇ ਦੀ ਦਹਿਲੀਜ਼ 'ਤੇ ਚੱਪਲਾਂ ਜਾਂ ਝਾੜੂ ਨੂੰ ਤਿੰਨ ਵਾਰ ਝਾੜੋ ਅਤੇ ਫਿਰ ਵਾਪਸ ਆ ਜਾਓ। ਬੁਰੀ ਨਜ਼ਰ ਨੂੰ ਦੂਰ ਕਰਨ ਲਈ ਇਹ ਰਵਾਇਤੀ ਉਪਾਅ ਵੀ ਪ੍ਰਭਾਵਸ਼ਾਲੀ ਮੰਨਿਆ ਜਾਂਦਾ ਹੈ।

ਇਹ ਜ਼ਰੂਰੀ ਨਹੀਂ ਕਿ ਬੱਚਿਆਂ ਨੂੰ ਹਮੇਸ਼ਾ ਨੁਕਸਾਨ ਪਹੁੰਚਾਉਣ ਲਈ ਹੀ ਬੁਰੀ ਨਜ਼ਰ ਲੱਗੇ। ਇਹ ਵੀ ਕਿਹਾ ਜਾਂਦਾ ਹੈ ਕਿ ਕਈ ਵਾਰ ਬੱਚਾ ਮਾਤਾ-ਪਿਤਾ ਜਾਂ ਨਜ਼ਦੀਕੀਆਂ ਦੀ ਬੁਰੀ ਨਜ਼ਰ ਤੋਂ ਵੀ ਪ੍ਰਭਾਵਿਤ ਹੋ ਜਾਂਦਾ ਹੈ। ਇਸ ਲਈ ਤੁਸੀਂ ਸ਼ੱਕਰ ਨਾਲ ਵੀ ਬੱਚੇ ਦੀ ਨਜ਼ਰ ਉਤਾਰ ਸਕਦੇ ਹੋ। ਦੋਵੇਂ ਹੱਥਾਂ ਦੀ ਮੁੱਠੀ ਵਿੱਚ ਸ਼ੱਕਰ ਲੈ ਕੇ ਗੋਲ ਘੁਮਾਉਂਦਿਆਂ ਹੋਇਆਂ ਬੱਚੇ ਦੇ ਸਿਰ ਤੋਂ ਪੈਰ ਤੱਕ ਵਾਰੋ ਅਤੇ ਤੁਰੰਤ ਸ਼ੱਕਰ ਨੂੰ ਤੇਜ਼ ਵਹਾਅ ਵਾਲੇ ਪਾਣੀ ਵਿੱਚ ਸੁੱਟ ਦਿਓ। ਇਸ ਨਾਲ ਮਿੱਠੀ ਨਜ਼ਰ ਉਤਾਰੀ ਜਾਂਦੀ ਹੈ।

ਬੱਚਿਆਂ ਦੀ ਬੁਰੀ ਨਜ਼ਰ ਨੂੰ ਦੂਰ ਕਰਨ ਦਾ ਰਵਾਇਤੀ ਤਰੀਕਾ ਹੈ ਨਮਕ, ਸਰ੍ਹੋਂ ਦੇ ਦਾਣੇ, ਸੁੱਕੀਆਂ ਲਾਲ ਮਿਰਚਾਂ, ਲਸਣ ਅਤੇ ਸੁੱਕੇ ਪਿਆਜ਼ ਦੇ ਛਿਲਕਿਆਂ ਨੂੰ ਆਪਣੀ ਮੁੱਠੀ ਵਿੱਚ ਲੈ ਕੇ ਬੱਚੇ ਦੇ ਸਿਰ ਤੋਂ ਪੈਰਾਂ ਤੱਕ ਆਪਣੇ ਹੱਥ ਨੂੰ ਸੱਤ ਵਾਰ ਘੁਮਾਓ ਅਤੇ ਫਿਰ ਇਨ੍ਹਾਂ ਚੀਜ਼ਾਂ ਨੂੰ ਅੱਗ ਵਿੱਚ ਸਾੜ ਦਿਓ।

ਜੇਕਰ ਬੱਚਾ ਚਿੜਚਿੜਾ ਹੋ ਜਾਂਦਾ ਹੈ ਅਤੇ ਦੁੱਧ ਪੀਣਾ ਬੰਦ ਕਰ ਦਿੰਦਾ ਹੈ ਤਾਂ ਸ਼ਨੀਵਾਰ ਨੂੰ ਬੱਚੇ ਦੇ ਉੱਪਰ 7 ਵਾਰ ਕੱਚਾ ਦੁੱਧ ਵਾਰ ਕੇ ਕੁੱਤੇ ਨੂੰ ਦੇ ਦਿਓ। ਇਸ ਉਪਾਅ ਨਾਲ ਬੁਰੀ ਨਜ਼ਰ ਦਾ ਪ੍ਰਭਾਵ ਵੀ ਘੱਟ ਜਾਂਦਾ ਹੈ।

ਜੇਕਰ ਬੱਚਾ ਅਕਸਰ ਬਿਮਾਰ ਰਹਿੰਦਾ ਹੈ, ਜਿਸ ਕਾਰਨ ਉਸ ਦਾ ਸਰੀਰਕ ਵਿਕਾਸ ਠੀਕ ਤਰ੍ਹਾਂ ਨਾਲ ਨਹੀਂ ਹੁੰਦਾ ਹੈ, ਤਾਂ ਇਸ ਦੇ ਲਈ ਬੱਚੇ 'ਤੇ 7 ਵਾਰ ਫਿਟਕਰੀ ਅਤੇ ਸਰ੍ਹੋਂ ਨੂੰ ਸੱਤ ਵਾਰ ਦਿਓ ਅਤੇ ਉਨ੍ਹਾਂ ਨੂੰ ਅੱਗ 'ਚ ਜਲਾ ਦਿਓ। ਇਸ ਉਪਾਅ ਨੂੰ ਦਿਨ 'ਚ ਤਿੰਨ ਵਾਰ ਕਰੋ।