ODI World Cup 2023: ਜਾਣੋ ਕੌਣ ਨੇ ODI ਵਿਸ਼ਵ ਕੱਪ 2023 ਵਿੱਚ ਭਾਗ ਲੈਣ ਵਾਲੇ ਸਭ ਤੋਂ ਵੱਡੀ ਉਮਰ ਦੇ ਖਿਡਾਰੀ

ਵਨਡੇ ਵਿਸ਼ਵ ਕੱਪ 2023 ਸ਼ੁਰੂ ਹੋਣ 'ਚ ਹੁਣ ਕੁਝ ਹੀ ਦਿਨ ਬਾਕੀ ਹਨ। ਇਸ ਦੌਰਾਨ, ਅਸੀਂ ਤੁਹਾਨੂੰ ਅਜਿਹੇ ਪੰਜ ਖਿਡਾਰੀਆਂ ਬਾਰੇ ਦੱਸਣ ਜਾ ਰਹੇ ਹਾਂ ਜੋ ਇਸ ਮੈਗਾ ਈਵੈਂਟ ਵਿੱਚ ਖੇਡਣ ਵਾਲੇ ਸਭ ਤੋਂ ਵੱਧ ਉਮਰ ਦੇ ਖਿਡਾਰੀ ਹਨ।

ODI World Cup 2023

ਇੱਕ ਰੋਜ਼ਾ ਵਿਸ਼ਵ ਕੱਪ 2023 ਭਾਰਤ ਦੀ ਮੇਜ਼ਬਾਨੀ ਵਿੱਚ 5 ਅਕਤੂਬਰ ਨੂੰ ਸ਼ੁਰੂ ਹੋਵੇਗਾ। ਇਸ ਵਾਰ ਵਿਸ਼ਵ ਕੱਪ 'ਚ 10 ਟੀਮਾਂ ਹਿੱਸਾ ਲੈ ਰਹੀਆਂ ਹਨ, ਜਿਨ੍ਹਾਂ 'ਚ ਰਾਊਂਡ ਰੌਬਿਨ ਫਾਰਮੈਟ ਦੇ ਤਹਿਤ ਮੈਚ ਖੇਡੇ ਜਾਣਗੇ। ਅਸੀਂ ਤੁਹਾਨੂੰ ਅਜਿਹੇ 5 ਖਿਡਾਰੀਆਂ ਬਾਰੇ ਦੱਸਣ ਜਾ ਰਹੇ ਹਾਂ ਜੋ ਵਿਸ਼ਵ ਕੱਪ ਦੇ ਸਭ ਤੋਂ ਵੱਡੀ ਉਮਰ ਦੇ ਖਿਡਾਰੀ ਹਨ।

ਬੱਲੇਬਾਜ਼ ਵੇਸਲੇ ਬਰੇਸੀ ਇਸ ਵਿਸ਼ਵ ਕੱਪ ਵਿੱਚ ਨੀਦਰਲੈਂਡ ਟੀਮ ਲਈ ਖੇਡਣ ਵਾਲੇ ਸਭ ਤੋਂ ਵੱਧ ਉਮਰ ਦੇ ਖਿਡਾਰੀ ਹਨ। ਵੇਸਲੇ ਬਰੇਸੀ ਦੀ ਉਮਰ ਇਸ ਸਮੇਂ 39 ਸਾਲ 149 ਦਿਨ ਹੈ। ਵੇਸਲੇ ਨੇ ਨੀਦਰਲੈਂਡ ਟੀਮ ਲਈ ਹੁਣ ਤੱਕ 45 ਵਨਡੇ ਖੇਡੇ ਹਨ ਅਤੇ 2011 ਵਿਸ਼ਵ ਕੱਪ ਟੀਮ ਦਾ ਵੀ ਹਿੱਸਾ ਸੀ।

ਨੀਦਰਲੈਂਡ ਦੀ ਟੀਮ ਦਾ ਹਿੱਸਾ ਆਲਰਾਊਂਡਰ ਵੈਨ ਡੇਰ ਮੇਰਵੇ ਉਮਰ ਦੇ ਮਾਮਲੇ 'ਚ ਇਸ ਸੂਚੀ 'ਚ ਦੂਜੇ ਸਥਾਨ 'ਤੇ ਹੈ। ਵੈਨ ਡੇਰ ਮੇਰਵੇ ਇਸ ਸਮੇਂ 38 ਸਾਲ 272 ਦਿਨ ਦਾ ਹੈ। ਉਹ ਨੀਦਰਲੈਂਡ ਟੀਮ ਲਈ ਹੁਣ ਤੱਕ 16 ਵਨਡੇ ਮੈਚ ਖੇਡ ਚੁੱਕਾ ਹੈ।

ਅਫਗਾਨਿਸਤਾਨ ਟੀਮ ਦੇ ਸਭ ਤੋਂ ਤਜ਼ਰਬੇਕਾਰ ਖਿਡਾਰੀ ਅਤੇ ਸਾਬਕਾ ਕਪਤਾਨ ਮੁਹੰਮਦ ਨਬੀ ਆਪਣਾ ਲਗਾਤਾਰ ਤੀਜਾ ਵਨਡੇ ਵਿਸ਼ਵ ਕੱਪ ਖੇਡਣ ਜਾ ਰਹੇ ਹਨ। ਨਬੀ ਦੀ ਮੌਜੂਦਾ ਉਮਰ 38 ਸਾਲ 271 ਦਿਨ ਹੈ ਅਤੇ ਉਹ ਅਫਗਾਨ ਟੀਮ ਲਈ ਹੁਣ ਤੱਕ 147 ਵਨਡੇ ਮੈਚ ਖੇਡ ਚੁੱਕਾ ਹੈ, ਜਿਸ 'ਚ ਉਸ ਨੇ ਬੱਲੇ ਅਤੇ ਗੇਂਦ ਦੋਵਾਂ ਨਾਲ ਯੋਗਦਾਨ ਦਿੱਤਾ ਹੈ।

ਬੰਗਲਾਦੇਸ਼ ਦੀ ਵਿਸ਼ਵ ਕੱਪ ਟੀਮ ਦਾ ਹਿੱਸਾ ਰਹੇ ਸਪਿਨ ਆਲਰਾਊਂਡਰ ਮਹਿਮੂਦੁੱਲਾ ਇਸ ਸਮੇਂ 37 ਸਾਲ 237 ਦਿਨ ਦੇ ਹਨ। 2007 'ਚ ਬੰਗਲਾਦੇਸ਼ ਲਈ ਡੈਬਿਊ ਕਰਨ ਵਾਲੇ ਮਹਿਮੂਦੁੱਲਾ ਲਗਾਤਾਰ ਚੌਥੀ ਵਾਰ ਵਨਡੇ ਵਿਸ਼ਵ ਕੱਪ ਦਾ ਹਿੱਸਾ ਬਣਨ ਜਾ ਰਹੇ ਹਨ। ਮਹਿਮੂਦੁੱਲਾ ਨੇ 2011 ਵਿੱਚ ਪਹਿਲੀ ਵਾਰ ਵਿਸ਼ਵ ਕੱਪ ਖੇਡਿਆ ਸੀ।

ਭਾਰਤ ਦੀ ਵਨਡੇ ਵਿਸ਼ਵ ਕੱਪ ਟੀਮ 'ਚ ਆਖਰੀ ਬਦਲਾਅ 'ਚ ਅਕਸ਼ਰ ਪਟੇਲ ਦੀ ਜਗ੍ਹਾ ਰਵੀਚੰਦਰਨ ਅਸ਼ਵਿਨ ਨੂੰ ਟੀਮ ਦਾ ਹਿੱਸਾ ਬਣਾਇਆ ਗਿਆ ਸੀ। ਸਭ ਤੋਂ ਵੱਧ ਉਮਰ ਦੇ ਖਿਡਾਰੀਆਂ ਦੀ ਇਸ ਸੂਚੀ 'ਚ ਅਸ਼ਵਿਨ ਪੰਜਵੇਂ ਸਥਾਨ 'ਤੇ ਹੈ। ਫਿਲਹਾਲ ਅਸ਼ਵਿਨ ਦੀ ਉਮਰ 37 ਸਾਲ 12 ਦਿਨ ਹੈ। ਅਸ਼ਵਿਨ 2011 ਅਤੇ 2015 ਵਨਡੇ ਵਿਸ਼ਵ ਕੱਪ ਟੀਮਾਂ ਦਾ ਵੀ ਹਿੱਸਾ ਰਹਿ ਚੁੱਕੇ ਹਨ।