Asia Cup Final: ਅੱਠ ਸਾਲ ਬਾਅਦ ਸ਼੍ਰੀਲੰਕਾ ਨੇ ਜਿੱਤਿਆ ਏਸ਼ੀਆ ਕੱਪ ਦਾ ਖਿਤਾਬ, ਪਾਕਿਸਤਾਨ ਨੂੰ 23 ਦੌੜਾਂ ਨਾਲ ਹਰਾਇਆ
ਦੁਬਈ 'ਚ ਖੇਡੇ ਗਏ ਏਸ਼ੀਆ ਕੱਪ 2022 ਦੇ ਫਾਈਨਲ 'ਚ ਸ਼੍ਰੀਲੰਕਾ ਨੇ ਪਾਕਿਸਤਾਨ ਨੂੰ 23 ਦੌੜਾਂ ਨਾਲ ਹਰਾ ਦਿੱਤਾ। ਫਾਈਨਲ ਮੈਚ ਵਿੱਚ ਸ੍ਰੀਲੰਕਾ ਨੇ ਪਹਿਲਾਂ ਖੇਡਦਿਆਂ 20 ਓਵਰਾਂ ਵਿੱਚ 170 ਦੌੜਾਂ ਬਣਾਈਆਂ।ਜਵਾਬ 'ਚ ਪਾਕਿਸਤਾਨ ਦੀ ਟੀਮ 147 ਦੌੜਾਂ ਹੀ ਬਣਾ ਸਕੀ।
Sri Lanka vs Pakistan Final: ਦੁਬਈ 'ਚ ਖੇਡੇ ਗਏ ਏਸ਼ੀਆ ਕੱਪ 2022 ਦੇ ਫਾਈਨਲ 'ਚ ਸ਼੍ਰੀਲੰਕਾ ਨੇ ਪਾਕਿਸਤਾਨ ਨੂੰ 23 ਦੌੜਾਂ ਨਾਲ ਹਰਾ ਦਿੱਤਾ। ਫਾਈਨਲ ਮੈਚ ਵਿੱਚ ਸ੍ਰੀਲੰਕਾ ਨੇ ਪਹਿਲਾਂ ਖੇਡਦਿਆਂ 20 ਓਵਰਾਂ ਵਿੱਚ 170 ਦੌੜਾਂ ਬਣਾਈਆਂ। ਜਵਾਬ 'ਚ ਪਾਕਿਸਤਾਨ ਦੀ ਟੀਮ 147 ਦੌੜਾਂ ਹੀ ਬਣਾ ਸਕੀ। ਸ਼੍ਰੀਲੰਕਾ ਨੇ ਅੱਠ ਸਾਲ ਬਾਅਦ ਏਸ਼ੀਆ ਕੱਪ ਦਾ ਖਿਤਾਬ ਜਿੱਤਿਆ ਹੈ। ਸ਼੍ਰੀਲੰਕਾ ਨੇ ਛੇਵੀਂ ਵਾਰ ਏਸ਼ੀਆ ਕੱਪ ਦਾ ਖਿਤਾਬ ਜਿੱਤਿਆ ਹੈ।
ਸ੍ਰੀਲੰਕਾ ਦੀ ਇਸ ਧਮਾਕੇਦਾਰ ਜਿੱਤ ਦੇ ਨਾਇਕ ਸਨ ਵਨਿੰਦੂ ਹਸਾਰੰਗਾ ਅਤੇ ਭਾਨੁਕਾ ਰਾਜਪਕਸ਼ੇ। ਹਸਰੰਗਾ ਨੇ ਗੇਂਦ ਅਤੇ ਬੱਲੇ ਦੋਵਾਂ ਨਾਲ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਹਸਰੰਗਾ ਨੇ ਪਹਿਲਾਂ 21 ਗੇਂਦਾਂ ਵਿੱਚ 36 ਦੌੜਾਂ ਦੀ ਧਮਾਕੇਦਾਰ ਪਾਰੀ ਖੇਡੀ ਅਤੇ ਫਿਰ ਅਹਿਮ ਤਿੰਨ ਵਿਕਟਾਂ ਲਈਆਂ। ਦੂਜੇ ਪਾਸੇ ਰਾਜਪਕਸ਼ੇ ਨੇ 71 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ। ਇਸ ਦੇ ਨਾਲ ਹੀ ਨੌਜਵਾਨ ਤੇਜ਼ ਗੇਂਦਬਾਜ਼ ਪ੍ਰਮੋਦ ਮਧੂਸ਼ਨ ਨੇ ਵੀ ਇਸ ਜਿੱਤ 'ਚ ਅਹਿਮ ਭੂਮਿਕਾ ਨਿਭਾਈ। ਉਸ ਨੇ 34 ਦੌੜਾਂ ਦੇ ਕੇ ਚਾਰ ਵਿਕਟਾਂ ਲਈਆਂ।
ਭਾਨੁਕਾ ਰਾਜਪਕਸ਼ੇ (45 ਗੇਂਦਾਂ 'ਤੇ ਨਾਬਾਦ 71 ਦੌੜਾਂ) ਅਤੇ ਵਾਨਿੰਦੂ ਹਸਾਰੰਗਾ (21 ਗੇਂਦਾਂ 'ਤੇ 36 ਦੌੜਾਂ) ਦੀਆਂ ਹਮਲਾਵਰ ਪਾਰੀਆਂ ਨੇ ਸ਼੍ਰੀਲੰਕਾ ਨੂੰ 20 ਓਵਰਾਂ 'ਚ 6 ਵਿਕਟਾਂ 'ਤੇ 170 ਦੌੜਾਂ 'ਤੇ ਪਹੁੰਚਾਇਆ। ਰਾਜਪਕਸ਼ੇ ਅਤੇ ਹਸਾਰੰਗਾ ਤੋਂ ਇਲਾਵਾ ਧਨੰਜੈ ਡੀ ਸਿਲਵਾ (21 ਗੇਂਦਾਂ 'ਤੇ 28 ਦੌੜਾਂ) ਅਤੇ ਚਮਿਕਾ ਕਰੁਣਾਰਤਨੇ (14 ਗੇਂਦਾਂ 'ਤੇ ਅਜੇਤੂ 14 ਦੌੜਾਂ) ਨੇ ਵੀ ਕ੍ਰੀਜ਼ 'ਤੇ ਰੁਕਣ ਦੌਰਾਨ ਸ਼੍ਰੀਲੰਕਾ ਲਈ ਮਹੱਤਵਪੂਰਨ ਪਾਰੀਆਂ ਖੇਡੀਆਂ।
ਪਾਕਿਸਤਾਨ ਲਈ ਹੈਰਿਸ ਰਾਊਫ (3/29) ਨੇ ਤਿੰਨ ਵਿਕਟਾਂ ਲਈਆਂ, ਜਦਕਿ ਇਫਤਿਖਾਰ ਅਹਿਮਦ (1/21), ਸ਼ਾਦਾਬ ਖਾਨ (1/28) ਅਤੇ ਨਸੀਮ ਸ਼ਾਹ (1/40) ਨੇ ਇਕ-ਇਕ ਵਿਕਟ ਲਈ।
ਚੁਣੌਤੀਪੂਰਨ ਸਕੋਰ ਦਾ ਪਿੱਛਾ ਕਰਦੇ ਹੋਏ ਮੁਹੰਮਦ ਰਿਜ਼ਵਾਨ ਨੇ ਆਊਟ ਹੋਣ ਤੋਂ ਪਹਿਲਾਂ ਵਧੀਆ ਅਰਧ ਸੈਂਕੜੇ (49 ਗੇਂਦਾਂ 'ਤੇ 55 ਦੌੜਾਂ) ਅਤੇ ਇਫਤਿਖਾਰ ਅਹਿਮਦ (31 ਗੇਂਦਾਂ 'ਤੇ 32 ਦੌੜਾਂ) ਦੀ ਮਦਦ ਨਾਲ ਪਾਕਿਸਤਾਨ ਨੂੰ ਮੈਚ 'ਚ ਜ਼ਿੰਦਾ ਰੱਖਿਆ। ਹਾਲਾਂਕਿ ਬਾਕੀ ਬੱਲੇਬਾਜ਼ ਯੋਗਦਾਨ ਨਹੀਂ ਦੇ ਸਕੇ ਅਤੇ ਪਾਕਿਸਤਾਨ 20 ਓਵਰਾਂ 'ਚ 147 ਦੌੜਾਂ ਹੀ ਬਣਾ ਸਕਿਆ।
ਸ਼੍ਰੀਲੰਕਾ ਲਈ ਪ੍ਰਮੋਦ ਮਦੁਸ਼ਨ (4/34) ਅਤੇ ਵਨਿੰਦੂ ਹਸਾਰੰਗਾ (3/27) ਨੇ ਸਭ ਤੋਂ ਵੱਧ ਵਿਕਟਾਂ ਲਈਆਂ, ਜਦਕਿ ਚਮਿਕਾ ਕਰੁਣਾਰਤਨੇ (2/33) ਅਤੇ ਮਹੇਸ਼ ਥੇਕਸ਼ਾਨਾ (1/25) ਨੇ ਵੀ ਮਹੱਤਵਪੂਰਨ ਵਿਕਟਾਂ ਲਈਆਂ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
