Asian Games: ਬੇਈਮਾਨ ਚੀਨੀ ਖਿਡਾਰੀ ਤੋਂ ਭਾਰਤ ਦੀ ਜੋਤੀ ਨੇ ਖੋਹ ਲਿਆ ਮੈਡਲ, ਦੇਖੋ ਕਿਵੇਂ ਬੇਈਮਾਨੀ ਦੇ ਖਿਲਾਫ ਆਵਾਜ਼ ਕੀਤੀ ਬੁਲੰਦ
Jyothi Yarraji Asian Games 2023 : ਭਾਰਤ ਦੀ ਜੋਤੀ ਯਾਰਰਾਜੀ ਨੇ ਔਰਤਾਂ ਦੀ 100 ਮੀਟਰ ਹਰਡਲ ਰੇਸ ਵਿੱਚ ਸਿਲਵਰ ਦਾ ਮੈਡਲ ਜਿੱਤਿਆ। ਚੀਨੀ ਖਿਡਾਰੀ ਦੇ ਕਾਰਨ ਉਸ ਦੀ ਰੇਸ ਦੌਰਾਨ ਵਿਵਾਦ ਹੋਇਆ ਸੀ ।
Asian Games 2023: ਭਾਰਤ ਨੇ ਏਸ਼ੀਆਈ ਖੇਡਾਂ 2023 ਵਿੱਚ ਹੁਣ ਤੱਕ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਟੀਮ ਇੰਡੀਆ ਦੇ ਖਿਡਾਰੀਆਂ ਨੇ 8ਵੇਂ ਦਿਨ ਤੱਕ 53 ਮੈਡਲ ਜਿੱਤੇ ਹਨ। ਇਸ ਵਿੱਚ ਜੋਤੀ ਯਾਰਾਜੀ ਨੇ ਔਰਤਾਂ ਦੀ 100 ਮੀਟਰ ਹਰਡਲ ਰੇਸ ਵਿੱਚ ਚਾਂਦੀ ਦਾ ਤਗ਼ਮਾ ਜਿੱਤਿਆ। ਜੋਤੀ ਦਾ ਮੈਡਲ ਅਪਗ੍ਰੇਡ ਕੀਤਾ ਗਿਆ। ਇਸ ਤੋਂ ਪਹਿਲਾਂ ਉਹ ਕਾਂਸੀ ਦਾ ਤਗਮਾ ਹਾਸਲ ਕਰਨ ਜਾ ਰਹੀ ਸੀ। ਪਰ ਚੀਨੀ ਮਹਿਲਾ ਅਥਲੀਟ ਦੀ ਬੇਈਮਾਨੀ ਨੂੰ ਲੈ ਕੇ ਭਾਰੀ ਹੰਗਾਮਾ ਹੋਇਆ। ਚੀਨੀ ਖਿਡਾਰਨ ਨੂੰ ਦੋਸ਼ੀ ਪਾਇਆ ਗਿਆ ਅਤੇ ਉਸ ਦਾ ਮੈਡਲ ਖੋਹ ਲਿਆ ਗਿਆ। ਇਸ ਤਰ੍ਹਾਂ ਜੋਤੀ ਨੇ ਚਾਂਦੀ ਦਾ ਤਗਮਾ ਹਾਸਲ ਕੀਤਾ।
ਦਰਅਸਲ, ਔਰਤਾਂ ਦੀ 100 ਮੀਟਰ ਹਰਡਲ ਰੇਸ ਵਿੱਚ ਚੀਨ ਦੀ ਅਥਲੀਟ ਯਾਨੀ ਵੂ ਨੇ ਗਲਤ ਸ਼ੁਰੂਆਤ ਕੀਤੀ। ਭਾਰਤ ਦੀ ਜੋਤੀ ਸਮੇਤ ਸਾਰੇ ਅਥਲੀਟਾਂ ਨੇ ਇਸ ਵਿਰੁੱਧ ਆਵਾਜ਼ ਉਠਾਈ। ਚੀਨੀ ਅਥਲੀਟ ਨੇ ਆਪਣੀ ਗਲਤੀ ਮੰਨਣ ਦੀ ਬਜਾਏ ਜੋਤੀ 'ਤੇ ਦੋਸ਼ ਲਗਾਇਆ। ਚੀਨੀ ਅਥਲੀਟ ਨੇ ਕਿਹਾ ਕਿ ਜੋਤੀ ਨੇ ਗਲਤ ਸ਼ੁਰੂਆਤ ਕੀਤੀ। ਇਸ ਤੋਂ ਬਾਅਦ ਜੋਤੀ ਸ਼ੱਕ ਦੇ ਘੇਰੇ ਵਿੱਚ ਆ ਗਈ। ਅੰਪਾਇਰਾਂ ਨੇ ਘਟਨਾ ਦੀ ਸਮੀਖਿਆ ਕਰਨ ਤੋਂ ਬਾਅਦ ਉਸ ਨੂੰ ਅਯੋਗ ਠਹਿਰਾਉਣ ਦਾ ਫੈਸਲਾ ਕੀਤਾ। ਪਰ ਜੋਤੀ ਨੇ ਮੈਦਾਨ ਨਹੀਂ ਛੱਡਿਆ ਅਤੇ ਅੜੀ ਰਹੀ।
ਰੀਪਲੇਅ 'ਚ ਸਾਫ ਦਿਖਾਈ ਦੇ ਰਿਹਾ ਸੀ ਕਿ ਚੀਨੀ ਅਥਲੀਟ ਨੇ ਗਲਤ ਸ਼ੁਰੂਆਤ ਕੀਤੀ ਸੀ ਅਤੇ ਉਹ ਪੂਰੀ ਤਰ੍ਹਾਂ ਦੋਸ਼ੀ ਸੀ। ਚੀਨੀ ਐਥਲੀਟ ਦੀ ਗਲਤ ਸ਼ੁਰੂਆਤ ਤੋਂ ਬਾਅਦ ਹੋਰ ਐਥਲੀਟ ਪਿੱਛੇ ਭੱਜ ਗਏ। ਹਾਲਾਂਕਿ, ਬਾਅਦ ਵਿੱਚ ਚੀਨੀ ਅਧਿਕਾਰੀਆਂ ਨੇ ਯਾਨੀ ਵੂ ਤੋਂ ਮੈਡਲ ਖੋਹ ਲਿਆ। ਇਸ ਨਾਲ ਉਹ ਅਯੋਗ ਵੀ ਕਰਾਰ ਦੇ ਦਿੱਤੀ ਗਈ। ਜੋਤੀ ਨੇ ਜ਼ੋਰਦਾਰ ਆਵਾਜ਼ ਉਠਾਈ। ਇਸ ਕਾਰਨ ਚੀਨੀ ਖਿਡਾਰੀ ਖਿਲਾਫ ਕਾਰਵਾਈ ਕੀਤੀ ਗਈ।
Shameful event in #100MHurdles
— Anubhav K😈🇮🇳 (@Anubhav_Memerz) October 1, 2023
After false start, chinese Lin was allowed to compete... Earlier officials tried to disqualify Indian runner #JyothiYarraji while whole fault was of Lin Yuwei...
Indian officials should compalain#Athletics #AsianGames2023 #IndiaAtAsianGames pic.twitter.com/r148AbSk9z
ਤੁਹਾਨੂੰ ਦੱਸ ਦਈਏ ਕਿ ਇਸ ਘਟਨਾ ਤੋਂ ਪਹਿਲਾਂ ਜੋਤੀ ਤੀਜੇ ਸਥਾਨ 'ਤੇ ਰਹਿਣ ਵਾਲੀ ਸੀ ਅਤੇ ਉਸ ਨੂੰ ਕਾਂਸੀ ਦਾ ਤਗਮਾ ਮਿਲਣਾ ਸੀ। ਪਰ ਜਦੋਂ ਸਹੀ ਫੈਸਲਾ ਆਇਆ ਤਾਂ ਉਸ ਨੂੰ ਚਾਂਦੀ ਦਾ ਤਗਮਾ ਮਿਲਿਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
