Commonwealth Games 2022: ਭਿਆਨਕ ਹਾਦਸੇ ਦਾ ਸ਼ਿਕਾਰ ਹੋਣ ਤੋਂ ਬਚਿਆ ਭਾਰਤੀ ਸਾਈਕਲਿਸਟ

Vishavjeet Singh Indian Cyclist: ਭਾਰਤੀ ਸਾਈਕਲਿਸਟ ਵਿਸ਼ਵਜੀਤ ਸਿੰਘ ਆਪਣੀ ਇੱਕ ਰੇਸ ਦੌਰਾਨ ਵੱਡੇ ਹਾਦਸੇ ਦਾ ਸ਼ਿਕਾਰ ਹੋਣ ਤੋਂ ਬੱਚ ਗਿਆ।

ਭਿਆਨਕ ਹਾਦਸੇ ਦਾ ਸ਼ਿਕਾਰ ਹੋਣ ਤੋਂ ਬਚਿਆ ਭਾਰਤੀ ਸਾਈਕਲਿਸਟ

Vishavjeet Singh Indian Cyclist Commonwealth Games 2022: ਭਾਰਤੀ ਸਾਈਕਲਿਸਟ ਵਿਸ਼ਵਜੀਤ ਸਿੰਘ ਨੇ ਪੁਰਸ਼ਾਂ ਦੀ 15 ਕਿਲੋਮੀਟਰ ਸਕ੍ਰੈਚ ਦੌੜ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਕੇ ਫਾਈਨਲ ਵਿੱਚ ਥਾਂ ਬਣਾਈ ਹੈ। ਬਰਮਿੰਘਮ ਵਿੱਚ ਚੱਲ ਰਹੀਆਂ ਰਾਸ਼ਟਰਮੰਡਲ ਖੇਡਾਂ 2022 ਵਿੱਚ ਭਾਰਤ ਦੇ ਕਈ ਖਿਡਾਰੀਆਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਵਿਸ਼ਵਜੀਤ ਆਪਣੀ ਦੌੜ ਦੌਰਾਨ ਵੱਡੇ ਹਾਦਸੇ ਦਾ ਸ਼ਿਕਾਰ ਹੋਣ ਤੋਂ ਬੱਚ ਗਿਆ। ਇੰਗਲੈਂਡ ਦਾ ਮੈਟ ਵੇਲਸ ਇਸ ਹਾਦਸੇ ਦਾ ਸ਼ਿਕਾਰ ਹੋ ਗਿਆ ਹੈ ਅਤੇ ਉਹ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਿਆ ਹੈ। ਵਿਸ਼ਵਜੀਤ ਨੇ ਇਸ ਹਾਦਸੇ 'ਤੇ ਪ੍ਰਤੀਕਿਰਿਆ ਦਿੱਤੀ ਹੈ।

ਵਿਸ਼ਵਜੀਤ 10-ਲੈਪ ਕੁਆਲੀਫਾਇੰਗ ਸਕ੍ਰੈਚ ਰੇਸ ਦੇ ਅੰਤਿਮ ਪੜਾਅ ਵਿੱਚ ਦੌੜ ਰਿਹਾ ਸੀ। ਇਸ ਦੌਰਾਨ ਕਈ ਸਾਈਕਲਿਸਟ ਦੌੜ ਵਿੱਚ ਹਿੱਸਾ ਲੈ ਰਹੇ ਸਨ। ਇਸ ਦੌਰਾਨ ਅਚਾਨਕ ਹਾਦਸੇ ਦਾ ਭਿਆਨਕ ਨਜ਼ਾਰਾ ਦੇਖਣ ਨੂੰ ਮਿਲਿਆ। ਇਕ ਮੀਡੀਆ ਰਿਪੋਰਟ ਮੁਤਾਬਕ ਇੰਗਲੈਂਡ ਦਾ ਮੈਟ ਵੇਲਜ਼ ਬੁਰੀ ਤਰ੍ਹਾਂ ਨਾਲ ਜ਼ਖਮੀ ਹੋ ਗਿਆ ਅਤੇ ਇਸ ਹਾਦਸੇ 'ਚ ਕੁੱਲ 8 ਸਾਈਕਲ ਸਵਾਰ ਸ਼ਾਮਲ ਸਨ। ਇਸ ਹਾਦਸੇ ਦੌਰਾਨ ਵਿਸ਼ਵਜੀਤ ਕਾਫੀ ਨੇੜੇ ਪਹੁੰਚਣ ਹੀ ਵਾਲਾ ਸੀ, ਉਦੋਂ ਹੀ ਉਸ ਨੇ ਤੇਜ਼ ਬ੍ਰੇਕ ਲਗਾ ਦਿੱਤੀ ਅਤੇ ਵਾਲ-ਵਾਲ ਬਚ ਗਏ। ਵਿਸ਼ਵਜੀਤ ਦੇ ਕੋਚ ਨੇ ਇਸ ਲਈ ਉਨ੍ਹਾਂ ਦੀ ਤਾਰੀਫ ਕੀਤੀ ਹੈ।

ਹਾਦਸੇ ਤੋਂ ਬਾਅਦ ਜ਼ਖਮੀਆਂ ਨੂੰ ਤੁਰੰਤ ਹਸਪਤਾਲ ਭੇਜਿਆ ਗਿਆ। ਰਿਪੋਰਟ ਮੁਤਾਬਕ ਇਸ ਹਾਦਸੇ 'ਚ ਕੁਝ ਦਰਸ਼ਕ ਵੀ ਜ਼ਖਮੀ ਹੋਏ ਹਨ। ਇਸ ਹਾਦਸੇ ਬਾਰੇ ਵਿਸ਼ਵਜੀਤ ਦੇ ਕੋਚ ਦਇਆਰਾਮ ਜੱਟ ਨੇ ਕਿਹਾ, "ਹਾਦਸੇ ਸਮੇਂ ਪ੍ਰੈਸ਼ਰ ਨਾਲ ਬ੍ਰੇਕ ਲਗਾਉਣ ਲਈ ਹੁਨਰ ਦੀ ਲੋੜ ਹੁੰਦੀ ਹੈ ਅਤੇ ਉਸ ਨੇ ਸਮੇਂ 'ਤੇ ਬ੍ਰੇਕ ਲਗਾ ਦਿੱਤੀ, ਜਿਸ ਨਾਲ ਉਸ ਦਾ ਬਚਾਅ ਹੋ ਗਿਆ।" ਇਹ ਬਹੁਤ ਡਰਾਉਣਾ ਦ੍ਰਿਸ਼ ਸੀ। ਇੰਨਾ ਖਤਰਨਾਕ ਹਾਦਸਾ ਮੈਂ ਪਹਿਲਾਂ ਕਦੇ ਨਹੀਂ ਦੇਖਿਆ। ਪਰ ਕੁੱਲ ਮਿਲਾ ਕੇ ਖੁਸ਼ੀ ਹੋਈ ਕਿ ਉਹ ਬਚ ਗਏ।