![ABP Premium](https://cdn.abplive.com/imagebank/Premium-ad-Icon.png)
IND vs AUS: ਸਿਰਾਜ, ਅਸ਼ਵਿਨ ਅਤੇ ਜਡੇਜਾ ਤੋਂ ਕਿਉਂ ਪ੍ਰੇਸ਼ਾਨ ਹਨ ਕਪਤਾਨ ਰੋਹਿਤ? ਇਰਫਾਨ ਪਠਾਨ ਨੂੰ ਦਿੱਤੇ ਇੰਟਰਵਿਊ 'ਚ ਖੋਲ੍ਹਿਆ ਇਹ ਰਾਜ਼
ਰੋਹਿਤ ਸ਼ਰਮਾ ਨੇ ਕਿਹਾ ਕਿ ਉਨ੍ਹਾਂ ਲਈ ਭਾਰਤ ਦੀ ਕਪਤਾਨੀ ਕਰਨਾ ਬਹੁਤ ਮੁਸ਼ਕਲ ਹੈ। ਅਸਲ 'ਚ ਗੇਂਦਬਾਜ਼ਾਂ ਨੂੰ ਗੇਂਦਬਾਜ਼ੀ ਕਰਨ ਤੋਂ ਰੋਕਣ ਲਈ ਅਕਸਰ ਉਨ੍ਹਾਂ ਨੂੰ ਕਾਫੀ ਸੋਚਣਾ ਪੈਂਦਾ ਹੈ। ਗੇਂਦਬਾਜ਼ ਉਨ੍ਹਾਂ ਤੋਂ ਲਗਾਤਾਰ ਗੇਂਦ ਮੰਗਦੇ ਰਹਿੰਦੇ ਹਨ।
![IND vs AUS: ਸਿਰਾਜ, ਅਸ਼ਵਿਨ ਅਤੇ ਜਡੇਜਾ ਤੋਂ ਕਿਉਂ ਪ੍ਰੇਸ਼ਾਨ ਹਨ ਕਪਤਾਨ ਰੋਹਿਤ? ਇਰਫਾਨ ਪਠਾਨ ਨੂੰ ਦਿੱਤੇ ਇੰਟਰਵਿਊ 'ਚ ਖੋਲ੍ਹਿਆ ਇਹ ਰਾਜ਼ IND vs AUS: Why is captain Rohit upset with Siraj, Ashwin and Jadeja? The secret was revealed in the interview given to Irfan Pathan IND vs AUS: ਸਿਰਾਜ, ਅਸ਼ਵਿਨ ਅਤੇ ਜਡੇਜਾ ਤੋਂ ਕਿਉਂ ਪ੍ਰੇਸ਼ਾਨ ਹਨ ਕਪਤਾਨ ਰੋਹਿਤ? ਇਰਫਾਨ ਪਠਾਨ ਨੂੰ ਦਿੱਤੇ ਇੰਟਰਵਿਊ 'ਚ ਖੋਲ੍ਹਿਆ ਇਹ ਰਾਜ਼](https://feeds.abplive.com/onecms/images/uploaded-images/2023/02/08/4d577a8b8a4f15a7857c9638ae56479a1675850961047344_original.jpg?impolicy=abp_cdn&imwidth=1200&height=675)
IND vs AUS: ਭਾਰਤੀ ਟੀਮ ਵੱਲੋਂ ਸਾਲ 2023 'ਚ ਹੁਣ ਤਕ ਕ੍ਰਿਕਟ ਦੇ ਤਿੰਨਾਂ ਫਾਰਮੈਟਾਂ 'ਚ ਸ਼ਾਨਦਾਰ ਪ੍ਰਦਰਸ਼ਨ ਦੇਖਣ ਨੂੰ ਮਿਲਿਆ ਹੈ। ਨਿਊਜ਼ੀਲੈਂਡ ਅਤੇ ਸ੍ਰੀਲੰਕਾ ਖ਼ਿਲਾਫ਼ ਵਨਡੇ ਅਤੇ ਟੀ-20 ਸੀਰੀਜ਼ ਜਿੱਤਣ ਤੋਂ ਬਾਅਦ ਟੀਮ ਇੰਡੀਆ ਨੇ ਆਸਟ੍ਰੇਲੀਆ ਖ਼ਿਲਾਫ਼ 4 ਮੈਚਾਂ ਦੀ ਬਾਰਡਰ-ਗਾਵਸਕਰ ਟਰਾਫੀ ਦੀ ਸ਼ਾਨਦਾਰ ਸ਼ੁਰੂਆਤ ਕਰਦੇ ਹੋਏ ਨਾਗਪੁਰ 'ਚ ਪਹਿਲਾ ਟੈਸਟ ਪਾਰੀ ਅਤੇ 132 ਦੌੜਾਂ ਨਾਲ ਜਿੱਤਿਆ। ਇਸ ਮੈਚ ਤੋਂ ਬਾਅਦ ਕਪਤਾਨ ਰੋਹਿਤ ਸ਼ਰਮਾ ਵੱਲੋਂ ਮੁਹੰਮਦ ਸਿਰਾਜ ਨੂੰ ਲੈ ਕੇ ਦਿੱਤਾ ਗਿਆ ਬਿਆਨ ਹੁਣ ਕਾਫੀ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।
ਮੈਚ ਤੋਂ ਬਾਅਦ ਕਪਤਾਨ ਰੋਹਿਤ ਸ਼ਰਮਾ ਨੇ ਸਾਬਕਾ ਖਿਡਾਰੀਆਂ ਇਰਫਾਨ ਪਠਾਨ, ਦੀਪਦਾਸ ਗੁਪਤਾ ਅਤੇ ਐਂਕਰ ਜਤਿਨ ਸਪਰੂ ਨਾਲ ਗੱਲਬਾਤ ਕਰਦੇ ਹੋਏ ਦੱਸਿਆ ਕਿ ਉਨ੍ਹਾਂ ਲਈ ਭਾਰਤ ਦੀ ਕਪਤਾਨੀ ਕਰਨਾ ਬਹੁਤ ਮੁਸ਼ਕਲ ਹੈ। ਅਸਲ 'ਚ ਗੇਂਦਬਾਜ਼ਾਂ ਨੂੰ ਗੇਂਦਬਾਜ਼ੀ ਕਰਨ ਤੋਂ ਰੋਕਣ ਲਈ ਅਕਸਰ ਉਨ੍ਹਾਂ ਨੂੰ ਕਾਫੀ ਸੋਚਣਾ ਪੈਂਦਾ ਹੈ। ਇਸ ਦੌਰਾਨ ਉਨ੍ਹਾਂ ਇਹ ਵੀ ਦੱਸਿਆ ਕਿ ਤੇਜ਼ ਗੇਂਦਬਾਜ਼ ਮੁਹੰਮਦ ਸਿਰਾਜ ਤੋਂ ਇਲਾਵਾ ਰਵੀਚੰਦਰਨ ਅਸ਼ਵਿਨ ਅਤੇ ਰਵਿੰਦਰ ਜਡੇਜਾ ਲਗਾਤਾਰ ਉਨ੍ਹਾਂ ਨੂੰ ਗੇਂਦਬਾਜ਼ੀ ਕਰਨ ਲਈ ਗੇਂਦ ਮੰਗਦੇ ਰਹਿੰਦੇ ਹਨ।
ਰੋਹਿਤ ਸ਼ਰਮਾ ਨੇ ਇਸ ਗੱਲਬਾਤ ਦੌਰਾਨ ਕਿਹਾ ਕਿ ਸਾਰੇ ਗੇਂਦਬਾਜ਼ ਕਿਸੇ ਨਾ ਕਿਸੇ ਰਿਕਾਰਡ ਦੇ ਨੇੜੇ ਹਨ। ਹਰ ਰੋਜ਼ ਕੋਈ ਨਾ ਕੋਈ ਰਿਕਾਰਡ ਬਣਦਾ ਹੈ। ਕੋਈ ਮੈਚ 'ਚ 5 ਵਿਕਟਾਂ ਲੈ ਰਿਹਾ ਹੈ ਤਾਂ ਕੋਈ ਆਪਣੇ ਕਰੀਅਰ 'ਚ 250 ਜਾਂ 450 ਵਿਕਟਾਂ ਪੂਰੀਆਂ ਕਰ ਰਿਹਾ ਹੈ। ਮੈਨੂੰ ਸੱਚਮੁੱਚ ਇਸ ਬਾਰੇ ਕੁਝ ਨਹੀਂ ਪਤਾ ਹੁੰਦਾ ਹੈ। ਉਹ ਸਾਰੇ ਮੈਨੂੰ ਇਸ ਬਾਰੇ ਦੱਸਦੇ ਹਨ ਅਤੇ ਮੈਨੂੰ ਗੇਂਦਬਾਜ਼ੀ ਕਰਨ ਲਈ ਗੇਂਦ ਮੰਗਦੇ ਰਹਿੰਦੇ ਹਨ ਕਿ ਮੈਂ ਇਸ ਰਿਕਾਰਡ ਦੇ ਨੇੜੇ ਹਾਂ।
ਇਸ ਦੌਰਾਨ ਰੋਹਿਤ ਨੇ ਪਿਛਲੇ ਮਹੀਨੇ ਵਨਡੇ ਸੀਰੀਜ਼ ਦੌਰਾਨ ਸ੍ਰੀਲੰਕਾ ਖ਼ਿਲਾਫ਼ ਤ੍ਰਿਵੇਂਦਰਮ 'ਚ ਖੇਡੇ ਗਏ ਮੈਚ ਨੂੰ ਯਾਦ ਕਰਦੇ ਹੋਏ ਕਿਹਾ ਕਿ ਉਸ ਮੈਚ 'ਚ ਅਸੀਂ ਸ੍ਰੀਲੰਕਾ ਨੂੰ ਬਹੁਤ ਘੱਟ ਸਕੋਰ 'ਤੇ ਆਊਟ ਕੀਤਾ ਸੀ ਅਤੇ ਮੁਹੰਮਦ ਸਿਰਾਜ ਨੇ 4 ਵਿਕਟਾਂ ਲਈਆਂ ਸਨ। ਉਨ੍ਹਾਂ ਨੇ 22ਵੇਂ ਓਵਰਾਂ ਦੀ ਗੇਂਦਬਾਜ਼ੀ 'ਚ 10 ਓਵਰ ਇਕੱਲੇ ਗੇਂਦਬਾਜ਼ੀ ਕੀਤੀ ਸੀ, ਕਿਉਂਕਿ ਉਨ੍ਹਾਂ ਨੂੰ 4 ਵਿਕਟਾਂ ਲੈਣੀਆਂ ਸਨ। ਉਹ ਰੁਕਣ ਦਾ ਨਾਂ ਨਹੀਂ ਲੈ ਰਿਹਾ ਸਨ, ਜਿਸ ਤੋਂ ਬਾਅਦ ਮੈਨੂੰ ਉਨ੍ਹਾਂ ਨੂੰ ਕਹਿਣਾ ਪਿਆ ਕਿ ਥੋੜ੍ਹਾ ਆਰਾਮ ਕਰੋ, ਟੈਸਟ ਸੀਰੀਜ਼ ਆਉਣ ਵਾਲੀ ਹੈ।
ਅਸ਼ਵਿਨ ਨੇ ਟੈਸਟ ਫਾਰਮੈਟ 'ਚ 450 ਵਿਕਟਾਂ ਪੂਰੀਆਂ ਕੀਤੀਆਂ
ਭਾਰਤੀ ਸਪਿਨ ਜੋੜੀ ਰਵੀਚੰਦਰਨ ਅਸ਼ਵਿਨ ਅਤੇ ਰਵਿੰਦਰ ਜਡੇਜਾ ਇੱਕ ਵਾਰ ਫਿਰ ਆਸਟ੍ਰੇਲੀਆ ਦੇ ਖ਼ਿਲਾਫ਼ ਨਾਗਪੁਰ ਟੈਸਟ ਮੈਚ 'ਚ ਨਜ਼ਰ ਆਏ। ਦੋਵਾਂ ਨੇ ਮਿਲ ਕੇ ਇਸ ਟੈਸਟ ਮੈਚ 'ਚ ਕੁੱਲ 15 ਵਿਕਟਾਂ ਲਈਆਂ। ਇਸ ਦੇ ਨਾਲ ਹੀ ਅਸ਼ਵਿਨ ਨੇ ਟੈਸਟ ਫਾਰਮੈਟ 'ਚ ਆਪਣੀਆਂ 450 ਵਿਕਟਾਂ ਵੀ ਪੂਰੀਆਂ ਕਰ ਲਈਆਂ। ਜਦਕਿ ਜਡੇਜਾ ਅਜੇ ਵੀ ਆਪਣੇ 250 ਟੈਸਟ ਵਿਕਟਾਂ ਤੋਂ ਸਿਰਫ਼ ਇਕ ਕਦਮ ਦੂਰ ਹਨ, ਜਿਸ ਨੂੰ ਉਹ ਯਕੀਨੀ ਤੌਰ 'ਤੇ ਦਿੱਲੀ 'ਚ ਖੇਡੇ ਜਾਣ ਵਾਲੇ ਟੈਸਟ ਮੈਚ 'ਚ ਹਾਸਲ ਕਰਨਾ ਚਾਹੁੰਣਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)