IND vs AUS: ਵਿਸ਼ਵ ਕੱਪ 'ਚ 12 ਵਾਰ ਹੋ ਚੁੱਕਿਆ ਭਾਰਤ-ਆਸਟ੍ਰੇਲੀਆ ਦਾ ਟਾਕਰਾ, ਕੰਗਾਰੂਆਂ ਦਾ ਪਲੜਾ ਭਾਰੀ, ਜਾਣੋ ਅੱਜ ਕੌਣ ਮਾਰੇਗਾ ਬਾਜ਼ੀ
World Cup 2023: ਭਾਰਤ ਅਤੇ ਆਸਟ੍ਰੇਲੀਆ ਦੀਆਂ ਟੀਮਾਂ ਦਿੱਗਜ ਖਿਡਾਰੀਆਂ ਨਾਲ ਭਰੀਆਂ ਹੋਈਆਂ ਹਨ। ਦੋਵਾਂ ਟੀਮਾਂ ਦੀ ਗੇਂਦਬਾਜ਼ੀ ਅਤੇ ਬੱਲੇਬਾਜ਼ੀ ਵਿੱਚ ਚੰਗਾ ਸੰਤੁਲਨ ਹੈ। ਅਜਿਹੇ ਵਿੱਚ ਅੱਜ ਦਾ ਮੁਕਾਬਲਾ ਸਖ਼ਤ ਹੋ ਸਕਦਾ ਹੈ।
IND vs AUS Match Prediction: ਵਿਸ਼ਵ ਕੱਪ 2023 'ਚ ਅੱਜ (8 ਅਕਤੂਬਰ) ਮੇਜ਼ਬਾਨ ਭਾਰਤ ਦਾ ਸਾਹਮਣਾ ਆਸਟ੍ਰੇਲੀਆ ਨਾਲ ਹੋਵੇਗਾ। ਇੰਡੀਆ ਦੇ ਮੈਚ ਨੂੰ ਲੈ ਕੇ ਭਾਰਤੀਆਂ ਦੇ ਵਿੱਚ ਕਾਫੀ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਹੈ। ਦੱਸ ਦਈਏ ਇਸ ਮੈਚ ਤੋਂ ਪਹਿਲਾਂ ਇਹ ਦੋਵੇਂ ਟੀਮਾਂ ਵਿਸ਼ਵ ਕੱਪ ਵਿੱਚ 12 ਵਾਰ ਆਹਮੋ-ਸਾਹਮਣੇ ਹੋਈਆਂ ਸਨ। ਆਸਟ੍ਰੇਲੀਆ ਨੇ ਇਨ੍ਹਾਂ 'ਚ 8 ਵਾਰ ਜਿੱਤ ਦਰਜ ਕੀਤੀ ਹੈ। ਇਸ ਦੇ ਨਾਲ ਹੀ ਭਾਰਤੀ ਟੀਮ 4 ਵਾਰ ਇਹ ਮੈਚ ਜਿੱਤ ਚੁੱਕੀ ਹੈ। ਹਾਲਾਂਕਿ, ਪੁਰਾਣੇ ਅੰਕੜੇ ਮੌਜੂਦਾ ਹਾਲਾਤਾਂ 'ਤੇ ਬਹੁਤਾ ਪ੍ਰਭਾਵ ਨਹੀਂ ਪਾਉਂਦੇ ਹਨ। ਫਿਲਹਾਲ ਟੀਮ ਇੰਡੀਆ ਮਜ਼ਬੂਤ ਹੈ ਅਤੇ ਘਰੇਲੂ ਮੈਦਾਨ 'ਤੇ ਖੇਡ ਰਹੀ ਹੈ। ਅਜਿਹੇ 'ਚ ਇਸ ਮੈਚ 'ਚ ਕੌਣ ਜਿੱਤ ਸਕਦਾ ਹੈ, ਆਓ ਜਾਣਦੇ ਹਾਂ...
ਟੀਮ ਇੰਡੀਆ 116 ਰੇਟਿੰਗ ਨਾਲ ICC ਵਨਡੇ ਰੈਂਕਿੰਗ 'ਚ ਪਹਿਲੇ ਸਥਾਨ 'ਤੇ ਹੈ। ਇੱਥੇ ਆਸਟ੍ਰੇਲੀਆਈ ਟੀਮ 112 ਰੇਟਿੰਗ ਨਾਲ ਤੀਜੇ ਸਥਾਨ 'ਤੇ ਹੈ। ਭਾਵ ਭਾਰਤੀ ਟੀਮ ਫਿਲਹਾਲ ਆਸਟ੍ਰੇਲੀਆ ਤੋਂ ਬਿਹਤਰ ਹੈ।
ਹਾਲ ਹੀ 'ਚ ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਵਨਡੇ ਸੀਰੀਜ਼ ਸਮਾਪਤ ਹੋਈ। ਉਸ ਸੀਰੀਜ਼ 'ਚ ਭਾਰਤ ਨੇ ਆਸਟ੍ਰੇਲੀਆ ਨੂੰ 2-1 ਨਾਲ ਹਰਾਇਆ ਸੀ। ਸੀਨੀਅਰ ਖਿਡਾਰੀਆਂ ਨੂੰ ਆਰਾਮ ਦੇਣ ਦੇ ਬਾਵਜੂਦ ਭਾਰਤ ਨੇ ਇਹ ਸੀਰੀਜ਼ ਆਸਾਨੀ ਨਾਲ ਜਿੱਤ ਲਈ। ਅਜਿਹੇ 'ਚ ਮੌਜੂਦਾ ਸਮੇਂ 'ਚ ਹੈੱਡ ਟੂ ਹੈੱਡ ਅੰਕੜੇ ਭਾਰਤ ਦੇ ਪੱਖ 'ਚ ਜਾ ਰਹੇ ਹਨ।
ਭਾਰਤ ਵਿਸ਼ਵ ਕੱਪ 2023 ਦਾ ਮੇਜ਼ਬਾਨ ਦੇਸ਼ ਹੈ। ਅਜਿਹੇ 'ਚ ਘਰੇਲੂ ਹਾਲਾਤ ਨਿਸ਼ਚਿਤ ਤੌਰ 'ਤੇ ਟੀਮ ਨੂੰ ਫਾਇਦਾ ਪਹੁੰਚਾਉਣਗੇ। ਕਿਸੇ ਵੀ ਵਿਰੋਧੀ ਟੀਮ ਲਈ ਘਰੇਲੂ ਮੈਦਾਨ 'ਤੇ ਟੀਮ ਇੰਡੀਆ ਨੂੰ ਹਰਾਉਣਾ ਆਸਾਨ ਨਹੀਂ ਰਿਹਾ ਹੈ।
ਆਸਟ੍ਰੇਲੀਆ ਦੇ ਪੱਖ ਵਿਚ ਵੀ ਕੁਝ ਅੰਕੜੇ ਹਨ। ਜਿਸ ਮੈਦਾਨ 'ਤੇ ਅੱਜ ਦਾ ਮੈਚ ਖੇਡਿਆ ਜਾਣਾ ਹੈ। ਆਸਟ੍ਰੇਲੀਆ ਪਹਿਲਾਂ ਵੀ ਉਥੇ ਵਿਸ਼ਵ ਕੱਪ ਮੈਚ ਖੇਡ ਚੁੱਕਾ ਹੈ। ਆਸਟਰੇਲੀਆ ਨੇ ਚੇਪੌਕ ਦੇ ਐਮਏ ਚਿਦੰਬਰਮ ਸਟੇਡੀਅਮ ਵਿੱਚ ਵਿਸ਼ਵ ਕੱਪ ਦੇ 3 ਮੈਚ ਖੇਡੇ ਹਨ ਅਤੇ 3 ਜਿੱਤੇ ਹਨ। ਇਸ ਮੈਦਾਨ 'ਤੇ ਟੀਮ ਇੰਡੀਆ ਨੂੰ ਵਿਸ਼ਵ ਕੱਪ 'ਚ ਵੀ ਹਰਾਇਆ ਹੈ।
ਵਿਸ਼ਵ ਕੱਪ 2019 ਤੋਂ ਬਾਅਦ, ਭਾਰਤ ਅਤੇ ਆਸਟਰੇਲੀਆ ਦੀਆਂ ਟੀਮਾਂ ਵਨਡੇ ਵਿੱਚ 12 ਵਾਰ ਆਹਮੋ-ਸਾਹਮਣੇ ਹੋਈਆਂ ਹਨ। ਇਨ੍ਹਾਂ ਮੈਚਾਂ ਵਿੱਚ ਦੋਵੇਂ ਟੀਮਾਂ 6-6 ਨਾਲ ਜਿੱਤੀਆਂ ਹਨ। ਭਾਵ ਮੁਕਾਬਲਾ ਬਰਾਬਰ ਰਿਹਾ ਹੈ।
ਤਾਂ ਕੌਣ ਜਿੱਤੇਗਾ?
ਦੋਵਾਂ ਟੀਮਾਂ ਕੋਲ ਬਹੁਤ ਸਾਰੇ ਆਲਰਾਊਂਡਰ ਹਨ। ਇਨ੍ਹਾਂ ਟੀਮਾਂ ਦੀ ਬੱਲੇਬਾਜ਼ੀ ਅਤੇ ਗੇਂਦਬਾਜ਼ੀ ਵਿੱਚ ਵੀ ਚੰਗਾ ਸੰਤੁਲਨ ਹੈ। ਫੀਲਡਿੰਗ ਦੇ ਮਾਮਲੇ 'ਚ ਆਸਟ੍ਰੇਲੀਆ ਥੋੜ੍ਹਾ ਬਿਹਤਰ ਹੈ ਜਦਕਿ ਟੀਮ ਇੰਡੀਆ ਸਪਿਨ ਵਿਭਾਗ 'ਚ ਜ਼ਿਆਦਾ ਪ੍ਰਭਾਵਸ਼ਾਲੀ ਹੈ। ਅਜਿਹੇ 'ਚ ਇਹ ਕਹਿਣਾ ਮੁਸ਼ਕਿਲ ਹੈ ਕਿ ਕੌਣ ਜਿੱਤੇਗਾ। ਹਾਲਾਂਕਿ ਘਰੇਲੂ ਹਾਲਾਤ ਅਤੇ ਮੌਜੂਦਾ ਫਾਰਮ ਟੀਮ ਇੰਡੀਆ ਦੇ ਜੇਤੂ ਬਣਨ ਵੱਲ ਇਸ਼ਾਰਾ ਕਰ ਰਹੇ ਹਨ।
Before You Go
CM Bhagwant Mann ਖਿਡਾਰੀਆਂ ਲਈ ਪੰਜਾਬ ਸਰਕਾਰ ਦੇ ਵੱਡੇ ਐਲਾਨ!
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
