Shubhman Gill: ਵਿਰਾਟ-ਰੋਹਿਤ ਨੂੰ ਜ਼ਬਰਦਸਤ ਟੱਕਰ ਦੇ ਰਿਹਾ ਸ਼ੁਭਮਨ ਗਿੱਲ, 25 ਸਾਲਾਂ ਖਿਡਾਰੀ ਨੇ ਦਿਖਾਇਆ ਇਹ ਕਾਰਨਾਮਾ
Most International Cricket runs in last decade: ਇੱਕ ਦਹਾਕਾ ਪਹਿਲਾਂ ਵਿਰਾਟ ਕੋਹਲੀ ਦੁਨੀਆ ਦੇ ਚੋਟੀ ਦੇ ਕ੍ਰਿਕਟਰ ਵਜੋਂ ਆਪਣਾ ਦਬਦਬਾ ਕਾਇਮ ਕਰ ਰਹੇ ਸੀ। ਹੁਣ ਅਜਿਹਾ ਹੀ ਕੰਮ ਸ਼ੁਭਮਨ ਗਿੱਲ ਕਰ ਰਹੇ ਹਨ, ਜਿਨ੍ਹਾਂ ਨੇ
Most International Cricket runs in last decade: ਇੱਕ ਦਹਾਕਾ ਪਹਿਲਾਂ ਵਿਰਾਟ ਕੋਹਲੀ ਦੁਨੀਆ ਦੇ ਚੋਟੀ ਦੇ ਕ੍ਰਿਕਟਰ ਵਜੋਂ ਆਪਣਾ ਦਬਦਬਾ ਕਾਇਮ ਕਰ ਰਹੇ ਸੀ। ਹੁਣ ਅਜਿਹਾ ਹੀ ਕੰਮ ਸ਼ੁਭਮਨ ਗਿੱਲ ਕਰ ਰਹੇ ਹਨ, ਜਿਨ੍ਹਾਂ ਨੇ ਬੰਗਲਾਦੇਸ਼ ਖਿਲਾਫ ਟੈਸਟ ਮੈਚ 'ਚ ਅਜੇਤੂ ਸੈਂਕੜਾ ਲਗਾ ਕੇ ਸਨਸਨੀ ਮਚਾ ਦਿੱਤੀ ਹੈ। ਜੇਕਰ ਮੌਜੂਦਾ ਦਹਾਕੇ 'ਚ ਸਭ ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਵਾਲੇ ਭਾਰਤੀ ਬੱਲੇਬਾਜ਼ਾਂ ਦੀ ਗੱਲ ਕਰੀਏ ਤਾਂ ਵਿਰਾਟ ਨੇ 5,000 ਤੋਂ ਜ਼ਿਆਦਾ ਦੌੜਾਂ ਬਣਾਈਆਂ ਹਨ।
ਵਿਰਾਟ-ਰੋਹਿਤ-ਗਿੱਲ ਵਿਚਾਲੇ ਦੌੜ ਚੱਲ ਰਹੀ
ਇਸ ਦਹਾਕੇ ਵਿੱਚ ਹੁਣ ਤੱਕ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਭਾਰਤੀ ਬੱਲੇਬਾਜ਼ ਰੋਹਿਤ ਸ਼ਰਮਾ ਹਨ। ਰੋਹਿਤ ਹੁਣ ਤੱਕ 148 ਪਾਰੀਆਂ 'ਚ ਬੱਲੇਬਾਜ਼ੀ ਕਰਨ ਆਇਆ ਹੈ, ਜਿਸ 'ਚ ਉਸ ਨੇ 5,527 ਦੌੜਾਂ ਬਣਾਈਆਂ ਹਨ। ਉਸਦੀ ਔਸਤ 40.63 ਹੈ ਅਤੇ ਇਸ ਦਹਾਕੇ ਵਿੱਚ ਹੁਣ ਤੱਕ ਉਨ੍ਹਾਂ ਦੇ ਨਾਮ 10 ਸੈਂਕੜੇ ਅਤੇ 34 ਅਰਧ ਸੈਂਕੜੇ ਪਾਰੀਆਂ ਹਨ। ਇਸ ਸੂਚੀ 'ਚ ਦੂਜੇ ਸਥਾਨ 'ਤੇ ਵਿਰਾਟ ਕੋਹਲੀ ਹਨ, ਜਿਨ੍ਹਾਂ ਨੇ 149 ਪਾਰੀਆਂ 'ਚ 41.82 ਦੀ ਔਸਤ ਨਾਲ 5,521 ਦੌੜਾਂ ਬਣਾਈਆਂ ਹਨ। ਵਿਰਾਟ ਅਤੇ ਰੋਹਿਤ ਵਿਚਾਲੇ ਸਿਰਫ 6 ਦੌੜਾਂ ਦਾ ਅੰਤਰ ਹੈ।
ਸ਼ੁਭਮਨ ਗਿੱਲ ਮੌਜੂਦਾ ਦਹਾਕੇ ਵਿੱਚ ਭਾਰਤ ਲਈ ਤੀਜੇ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼ ਹਨ। ਦਰਅਸਲ, ਉਹ ਪਹਿਲੀ ਸਥਿਤੀ ਵੱਲ ਬਹੁਤ ਤੇਜ਼ੀ ਨਾਲ ਵਧ ਰਹੇ ਹਨ। ਗਿੱਲ ਨੇ 2020 ਤੋਂ ਬਾਅਦ ਹੁਣ ਤੱਕ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ 114 ਪਾਰੀਆਂ ਖੇਡੀਆਂ ਹਨ, ਜਿਸ ਵਿੱਚ ਉਸ ਨੇ 45 ਦੀ ਔਸਤ ਨਾਲ 4,501 ਦੌੜਾਂ ਬਣਾਈਆਂ ਹਨ। ਗਿੱਲ ਨੇ ਇਸ ਦੌਰਾਨ 12 ਸੈਂਕੜੇ ਅਤੇ 22 ਅਰਧ ਸੈਂਕੜੇ ਵੀ ਲਗਾਏ ਹਨ।
ਰੋਹਿਤ ਸ਼ਰਮਾ - 5,527 ਦੌੜਾਂ
ਵਿਰਾਟ ਕੋਹਲੀ - 5,521 ਦੌੜਾਂ
ਸ਼ੁਭਮਨ ਗਿੱਲ - 4,501 ਦੌੜਾਂ
ਇਸ ਤੋਂ ਇਲਾਵਾ ਜੇਕਰ ਅਸੀਂ ਸਿਰਫ ਸਾਲ 2024 ਦੀ ਗੱਲ ਕਰੀਏ ਤਾਂ ਹੁਣ ਤੱਕ ਸਭ ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼ ਯਸ਼ਸਵੀ ਜੈਸਵਾਲ ਹਨ, ਜਿਨ੍ਹਾਂ ਨੇ ਹੁਣ ਤੱਕ 1,099 ਦੌੜਾਂ ਬਣਾਈਆਂ ਹਨ। ਰੋਹਿਤ ਸ਼ਰਮਾ ਅਤੇ ਸ਼ੁਭਮਨ ਗਿੱਲ ਨੇ ਇਸ ਸਾਲ ਕ੍ਰਮਵਾਰ 1,001 ਅਤੇ 940 ਦੌੜਾਂ ਬਣਾਈਆਂ ਹਨ। ਪਰ ਵਿਰਾਟ ਕੋਹਲੀ ਉਸ ਤੋਂ ਕਾਫੀ ਪਿੱਛੇ ਖੜ੍ਹੇ ਹਨ। ਕੋਹਲੀ ਲਈ ਇਹ ਸਾਲ ਕਾਫੀ ਨਿਰਾਸ਼ਾਜਨਕ ਸਾਬਤ ਹੋਇਆ ਹੈ। 2024 'ਚ ਹੁਣ ਤੱਕ ਉਸ ਨੇ 17 ਪਾਰੀਆਂ ਖੇਡੀਆਂ ਹਨ, ਜਿਸ 'ਚ ਉਹ ਸਿਰਫ 319 ਦੌੜਾਂ ਹੀ ਬਣਾ ਸਕਿਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
