Babar Azam: ICC ਵਨਡੇ ਰੈਂਕਿੰਗ 'ਚ ਬਾਬਰ ਆਜ਼ਮ ਪਹਿਲੇ ਨੰਬਰ 'ਤੇ, ਜਾਣੋ ਟਾਪ-5 'ਚ ਕਿੰਨੇ ਭਾਰਤੀ ਮੌਜੂਦ
ICC ODI Rankings: ਪਾਕਿਸਤਾਨ ਦੇ ਕਪਤਾਨ ਬਾਬਰ ਆਜ਼ਮ ਆਈਸੀਸੀ ਵਨਡੇ ਰੈਂਕਿੰਗ 'ਚ ਪਹਿਲੇ ਨੰਬਰ 'ਤੇ ਹਨ। ਆਓ ਜਾਣਦੇ ਹਾਂ ਰੈਂਕਿੰਗ ਦੀ ਟਾਪ-5 ਸੂਚੀ ਵਿੱਚ ਕਿੰਨੇ ਭਾਰਤੀ ਸ਼ਾਮਲ ਹਨ।
ICC ODI Rankings, Babar Azam: ਏਸ਼ੀਆ ਕੱਪ 2023 ਤੋਂ ਪਹਿਲਾਂ ਪਾਕਿਸਤਾਨ ਅਤੇ ਟੀਮ ਦੇ ਕਪਤਾਨ ਬਾਬਰ ਆਜ਼ਮ ਕਾਫੀ ਚੰਗੀ ਲੈਅ 'ਚ ਨਜ਼ਰ ਆਏ। ਟੀਮ ਅਤੇ ਕਪਤਾਨ ਦੋਵਾਂ ਨੇ ਆਈਸੀਸੀ ਵਨਡੇ ਰੈਂਕਿੰਗ ਵਿੱਚ ਨੰਬਰ ਵਨ ਦੀ ਪੌਜ਼ੀਸ਼ਨ ਹਾਸਲ ਕੀਤੀ ਹੈ। ਪਾਕਿਸਤਾਨ ਨੇ ਅਫਗਾਨਿਸਤਾਨ ਨੂੰ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ 'ਚ 3-0 ਨਾਲ ਹਰਾਇਆ ਸੀ, ਜਿਸ ਤੋਂ ਬਾਅਦ ਪਾਕਿਸਤਾਨ ਨੇ ਰੈਂਕਿੰਗ 'ਚ ਵਾਧਾ ਕੀਤਾ ਹੈ। ਇਸ ਦੇ ਨਾਲ ਹੀ ਕਪਤਾਨ ਬਾਬਰ ਵਨਡੇ 'ਚ ਪਹਿਲੇ ਨੰਬਰ 'ਤੇ ਹਨ।
ਆਈਸੀਸੀ ਵਨਡੇ ਦੀ ਟਾਪ-5 ਰੈਂਕਿੰਗ ਵਿੱਚ ਸਿਰਫ਼ ਇੱਕ ਭਾਰਤੀ ਸ਼ੁਭਮਨ ਗਿੱਲ ਸ਼ਾਮਲ ਹਨ। ਗਿੱਲ ਰੈਂਕਿੰਗ 'ਚ ਚੌਥੇ ਨੰਬਰ 'ਤੇ ਮੌਜੂਦ ਹਨ। ਦੂਜੇ ਪਾਸੇ ਜੇਕਰ ਬਾਬਰ ਆਜ਼ਮ ਦੀ ਗੱਲ ਕਰੀਏ ਤਾਂ ਉਹ 880 ਰੇਟਿੰਗ ਦੇ ਨਾਲ ਪਹਿਲੇ ਨੰਬਰ 'ਤੇ ਹਨ। ਜਦਕਿ ਦੱਖਣੀ ਅਫਰੀਕਾ ਦੇ ਰਾਸੀ ਵੈਨ ਡੇਰ ਡੁਸਨ 777 ਰੇਟਿੰਗ ਨਾਲ ਦੂਜੇ, ਪਾਕਿਸਤਾਨ ਦੇ ਇਮਾਮ-ਉਲ-ਹੱਕ 752 ਰੇਟਿੰਗ ਨਾਲ ਤੀਜੇ, ਸ਼ੁਭਮਨ ਗਿੱਲ 743 ਰੇਟਿੰਗ ਨਾਲ ਚੌਥੇ ਅਤੇ ਪਾਕਿਸਤਾਨ ਦੇ ਫਖਰ ਜ਼ਮਾਨ 740 ਰੇਟਿੰਗ ਨਾਲ ਪੰਜਵੇਂ ਨੰਬਰ 'ਤੇ ਹਨ।
ਆਈਸੀਸੀ ਵਨਡੇ ਰੈਂਕਿੰਗ ਦੀ ਟਾਪ-5 ਲਿਸਟ ਵਿੱਚ ਤਿੰਨ ਪਾਕਿਸਤਾਨੀ, ਇੱਕ ਭਾਰਤੀ ਅਤੇ 1 ਦੱਖਣੀ ਅਫ਼ਰੀਕੀ ਖਿਡਾਰੀ ਮੌਜੂਦ ਹੈ। ਯਾਨੀ ਵਨਡੇ ਰੈਂਕਿੰਗ 'ਤੇ ਪਾਕਿਸਤਾਨ ਦੇ ਖਿਡਾਰੀਆਂ ਦਾ ਦਬਦਬਾ ਹੈ। ਦੂਜੇ ਪਾਸੇ ਜੇਕਰ ਟਾਪ-10 'ਚ ਦੇਖਿਆ ਜਾਵੇ ਤਾਂ ਭਾਰਤੀ ਸੁਪਰਸਟਾਰ ਵਿਰਾਟ ਕੋਹਲੀ 705 ਰੇਟਿੰਗਾਂ ਨਾਲ 9ਵੇਂ ਸਥਾਨ 'ਤੇ ਹਨ। ਜੇਕਰ ਹੋਰ ਵੀ ਨਜ਼ਰ ਮਾਰੀਏ ਤਾਂ ਮੌਜੂਦਾ ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ 693 ਰੇਟਿੰਗਾਂ ਨਾਲ ਰੈਂਕਿੰਗ 'ਚ 11ਵੇਂ ਨੰਬਰ 'ਤੇ ਹਨ।
ਇਹ ਵੀ ਪੜ੍ਹੋ: Asia Cup 2023: MS ਧੋਨੀ ਦਾ ਸਾਲਾਂ ਪੁਰਾਣਾ ਰਿਕਾਰਡ ਤੋੜ ਸਕਦੇ ਰੋਹਿਤ ਸ਼ਰਮਾ, ਜਾਣੋ ਕਿਵੇਂ TOP 'ਤੇ ਕਰਨਗੇ ਕਬਜ਼ਾ
ਵਨਡੇ ਦੀ ਨੰਬਰ ਵਨ ਟੀਮ ਬਣੀ ਪਾਕਿਸਤਾਨ
ਜ਼ਿਕਰਯੋਗ ਹੈ ਕਿ ਅਫਗਾਨਿਸਤਾਨ ਨੂੰ ਵਨਡੇ ਸੀਰੀਜ਼ 'ਚ 3-0 ਨਾਲ ਹਰਾ ਕੇ ਪਾਕਿਸਤਾਨ ਵਨਡੇ 'ਚ ਨੰਬਰ ਇਕ ਟੀਮ ਬਣ ਗਈ ਹੈ। ਇਸ ਵਾਰ ਏਸ਼ੀਆ ਕੱਪ ਵਨਡੇ ਫਾਰਮੈਟ 'ਚ ਵੀ ਖੇਡਿਆ ਜਾਵੇਗਾ। ਅਜਿਹੇ 'ਚ ਵਨਡੇ 'ਚ ਪਾਕਿਸਤਾਨ ਲਈ ਇਹ ਵੱਡੀ ਉਪਲੱਬਧੀ ਹੈ। ਇਸ ਦੇ ਨਾਲ ਹੀ ਵਨਡੇ ਰੈਂਕਿੰਗ 'ਚ ਭਾਰਤੀ ਟੀਮ ਆਸਟ੍ਰੇਲੀਆ ਤੋਂ ਇਕ ਕਦਮ ਹੇਠਾਂ ਤੀਜੇ ਸਥਾਨ 'ਤੇ ਹੈ। ਫਿਰ ਚੌਥੇ ਨੰਬਰ 'ਤੇ ਨਿਊਜ਼ੀਲੈਂਡ ਅਤੇ ਪੰਜਵੇਂ ਨੰਬਰ 'ਤੇ ਇੰਗਲੈਂਡ ਦਾ ਕਬਜ਼ਾ ਹੈ।
ਇਹ ਵੀ ਪੜ੍ਹੋ: The Great Khali Birthday: 'ਦ ਗ੍ਰੇਟ ਖਲੀ' ਅੱਜ ਮਨਾ ਰਹੇ ਜਨਮਦਿਨ, ਪਰਿਵਾਰ ਨਾਲ ਸਾਂਝੇ ਕੀਤੇ ਖਾਸ ਪਲ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
