Tilak Varma Century: ਤਿਲਕ ਵਰਮਾ ਨੇ ਕਰ ਦਿੱਤਾ ਕਮਾਲ, ਜੜਿਆ ਧਮਾਕੇਦਾਰ ਸੈਂਕੜਾ, ਅਜਿਹਾ ਕਰਨ ਵਾਲੇ ਬਣੇ ਦੁਨੀਆ ਦੇ ਪਹਿਲੇ ਬੱਲੇਬਾਜ਼

Tilak Varma Hyderabad: ਤਿਲਕ ਵਰਮਾ ਨੇ ਟੀ-20 ਵਿੱਚ ਲਗਾਤਾਰ ਤੀਜਾ ਸੈਂਕੜਾ ਲਗਾ ਕੇ ਇਤਿਹਾਸ ਰਚ ਦਿੱਤਾ ਹੈ। ਉਸਨੇ ਸਈਅਦ ਮੁਸ਼ਤਾਕ ਅਲੀ ਟਰਾਫੀ ਵਿੱਚ ਹੈਦਰਾਬਾਦ ਲਈ ਧਮਾਕੇਦਾਰ ਪਾਰੀ ਖੇਡੀ ਸੀ।

Tilak Varma

Source : Abp Live

Tilak Varma Century Hyderabad: ਤਿਲਕ ਵਰਮਾ ਨੇ ਇਤਿਹਾਸ ਰਚਿਆ ਹੈ। ਉਨ੍ਹਾਂ ਨੇ ਟੀ-20 ਫਾਰਮੈਟ 'ਚ ਲਗਾਤਾਰ ਤੀਜਾ ਸੈਂਕੜਾ ਲਗਾਇਆ ਹੈ। ਤਿਲਕ ਨੇ ਸਈਅਦ ਮੁਸ਼ਤਾਕ ਅਲੀ ਟਰਾਫੀ 2024 ਵਿੱਚ ਹੈਦਰਾਬਾਦ ਲਈ ਇੱਕ ਵਿਸਫੋਟਕ ਪਾਰੀ ਖੇਡੀ। ਤਿਲਕ ਨੇ ਇਸ ਤੋਂ ਪਹਿਲਾਂ ਟੀਮ ਇੰਡੀਆ ਲਈ ਲਗਾਤਾਰ ਦੋ ਸੈਂਕੜੇ ਲਗਾਏ ਸਨ। ਉਹ ਪੁਰਸ਼ ਟੀ-20 ਕ੍ਰਿਕਟ 'ਚ ਲਗਾਤਾਰ ਤੀਜਾ ਸੈਂਕੜਾ ਲਗਾਉਣ ਵਾਲਾ ਪਹਿਲਾ ਖਿਡਾਰੀ ਬਣ ਗਿਆ ਹੈ। ਤਿਲਕ ਨੇ ਟੀ-20 ਇੰਟਰਨੈਸ਼ਨਲ 'ਚ ਦੱਖਣੀ ਅਫਰੀਕਾ ਖ਼ਿਲਾਫ਼ ਆਪਣੀ ਤਾਕਤ ਦਿਖਾਈ।

ਹੈਦਰਾਬਾਦ ਲਈ ਤਿਲਕ ਨੇ 67 ਗੇਂਦਾਂ ਦਾ ਸਾਹਮਣਾ ਕਰਦੇ ਹੋਏ 151 ਦੌੜਾਂ ਬਣਾਈਆਂ। ਉਨ੍ਹਾਂ ਨੇ 14 ਚੌਕੇ ਅਤੇ 10 ਛੱਕੇ ਲਗਾਏ। ਤਿਲਕ ਨੇ ਇਸ ਪਾਰੀ ਦੇ ਦਮ 'ਤੇ ਇਤਿਹਾਸ ਰਚ ਦਿੱਤਾ ਹੈ। ਉਨ੍ਹਾਂ ਨੇ ਟੀ-20 'ਚ ਲਗਾਤਾਰ ਤੀਜਾ ਸੈਂਕੜਾ ਲਗਾਇਆ। ਤਿਲਕ ਨੇ ਭਾਰਤ ਲਈ ਲਗਾਤਾਰ ਦੋ ਸੈਂਕੜੇ ਲਗਾਏ ਸਨ। ਉਸ ਨੇ ਦੱਖਣੀ ਅਫ਼ਰੀਕਾ ਖ਼ਿਲਾਫ਼ ਇੱਕ ਪਾਰੀ ਵਿੱਚ ਨਾਬਾਦ 107 ਦੌੜਾਂ ਬਣਾਈਆਂ। ਦੂਜੇ ਮੈਚ 'ਚ ਅਜੇਤੂ 120 ਦੌੜਾਂ ਬਣਾਈਆਂ। ਹੁਣ ਘਰੇਲੂ ਕ੍ਰਿਕਟ 'ਚ 151 ਦੌੜਾਂ ਬਣਾਈਆਂ ਹਨ।

ਹੈਦਰਾਬਾਦ ਨੇ ਦਰਜ ਕੀਤੀ ਵੱਡੀ ਜਿੱਤ

ਤਿਲਕ ਦੀ ਧਮਾਕੇਦਾਰ ਪਾਰੀ ਦੇ ਦਮ 'ਤੇ ਹੈਦਰਾਬਾਦ ਨੇ ਮੇਘਾਲਿਆ ਨੂੰ 179 ਦੌੜਾਂ ਨਾਲ ਹਰਾਇਆ। ਹੈਦਰਾਬਾਦ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 20 ਓਵਰਾਂ 'ਚ 248 ਦੌੜਾਂ ਬਣਾਈਆਂ। ਤਨਮਯ ਅਗਰਵਾਲ ਨੇ 55 ਦੌੜਾਂ ਦੀ ਪਾਰੀ ਖੇਡੀ। ਜਦਕਿ ਤਿਲਕ ਨੇ 151 ਦੌੜਾਂ ਬਣਾਈਆਂ। ਜਵਾਬ 'ਚ ਮੇਘਾਲਿਆ ਦੀ ਟੀਮ 69 ਦੌੜਾਂ 'ਤੇ ਆਲ ਆਊਟ ਹੋ ਗਈ। ਹੈਦਰਾਬਾਦ ਲਈ ਅਨਿਕੇਤ ਰੈੱਡੀ ਨੇ 4 ਵਿਕਟਾਂ ਲਈਆਂ। ਤਨਮਯ ਤਿਆਗਰਜਾ ਨੇ 3 ਵਿਕਟਾਂ ਲਈਆਂ।

ਤਿਲਕ ਦਾ ਹੁਣ ਤੱਕ ਦਾ ਪ੍ਰਦਰਸ਼ਨ

ਤਿਲਕ ਨੇ ਭਾਰਤੀ ਟੀਮ ਲਈ ਹੁਣ ਤੱਕ 20 ਟੀ-20 ਮੈਚ ਖੇਡੇ ਹਨ। ਉਸ ਨੇ ਇਸ ਦੌਰਾਨ 616 ਦੌੜਾਂ ਬਣਾਈਆਂ ਹਨ। ਤਿਲਕ ਨੇ ਦੋ ਸੈਂਕੜੇ ਅਤੇ ਦੋ ਅਰਧ ਸੈਂਕੜੇ ਲਗਾਏ ਹਨ। ਉਹ ਟੀਮ ਇੰਡੀਆ ਲਈ 4 ਵਨਡੇ ਮੈਚ ਵੀ ਖੇਡ ਚੁੱਕੇ ਹਨ। ਜੇਕਰ ਆਈਪੀਐਲ ਦੀ ਗੱਲ ਕਰੀਏ ਤਾਂ ਤਿਲਕ ਨੇ 38 ਮੈਚ ਖੇਡੇ ਹਨ। ਇਸ ਦੌਰਾਨ 1156 ਦੌੜਾਂ ਬਣਾਈਆਂ ਹਨ। ਉਸ ਨੇ ਇਸ ਟੂਰਨਾਮੈਂਟ 'ਚ 6 ਅਰਧ ਸੈਂਕੜੇ ਲਗਾਏ ਹਨ।

🚨 𝙈𝙞𝙡𝙚𝙨𝙩𝙤𝙣𝙚 𝘼𝙡𝙚𝙧𝙩 🚨

Tilak Varma 🤝 Record-breaking Feat! 🔝 🙌

Congratulations! 👏 👏#TeamIndia | #SMAT pic.twitter.com/4BnLFZzRRf

— BCCI Domestic (@BCCIdomestic) November 23, 2024

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :