(Source: ECI/ABP News)
IND vs PAK : ਭਾਰਤ-ਪਾਕਿ ਮੈਚ ਤੋਂ ਬਾਅਦ ਬੋਲੇ ਕਪਿਲ ਦੇਵ, 'ਸਿਰਫ ਵਿਰਾਟ ਹੀ ਭਾਰਤ ਨੂੰ ਮੈਚ ਜਿਤਾ ਸਕਦਾ ਸੀ'
IND vs PAK, Kapil Dev On Virat Kohli : ਭਾਰਤੀ ਟੀਮ ਨੇ T20 ਵਿਸ਼ਵ ਕੱਪ (T20 World Cup 2022) ਵਿੱਚ ਆਪਣਾ ਪਹਿਲਾ ਮੈਚ ਐਤਵਾਰ 23 ਅਕਤੂਬਰ ਨੂੰ ਪਾਕਿਸਤਾਨ ਵਿਰੁੱਧ ਖੇਡਿਆ ਸੀ। ਇਹ ਰੋਮਾਂਚਕ ਭਰਪੂਰ ਅਤੇ ਸਾਹ ਰੋਕ ਦੇਣ ਵਾਲਾ ਮੈਚ ਸੀ।
IND vs PAK, Kapil Dev On Virat Kohli : ਭਾਰਤੀ ਟੀਮ ਨੇ T20 ਵਿਸ਼ਵ ਕੱਪ (T20 World Cup 2022) ਵਿੱਚ ਆਪਣਾ ਪਹਿਲਾ ਮੈਚ ਐਤਵਾਰ 23 ਅਕਤੂਬਰ ਨੂੰ ਪਾਕਿਸਤਾਨ ਵਿਰੁੱਧ ਖੇਡਿਆ ਸੀ। ਇਹ ਰੋਮਾਂਚਕ ਭਰਪੂਰ ਅਤੇ ਸਾਹ ਰੋਕ ਦੇਣ ਵਾਲਾ ਮੈਚ ਸੀ। ਆਖਰੀ ਗੇਂਦ ਤੱਕ ਚੱਲੇ ਇਸ ਮੈਚ ਵਿੱਚ ਭਾਰਤੀ ਟੀਮ ਨੇ 4 ਵਿਕਟਾਂ ਨਾਲ ਜਿੱਤ ਦਰਜ ਕੀਤੀ। ਇਸ ਮੈਚ 'ਚ ਟੀਮ ਦੇ ਸਾਬਕਾ ਕਪਤਾਨ ਵਿਰਾਟ ਕੋਹਲੀ ਨੇ ਮੈਚ ਜੇਤੂ ਪਾਰੀ ਖੇਡੀ। ਉਸ ਨੇ 53 ਗੇਂਦਾਂ 'ਚ ਅਜੇਤੂ 82 ਦੌੜਾਂ ਬਣਾਈਆਂ। ਉਸ ਦੀ ਪਾਰੀ ਵਿੱਚ 6 ਚੌਕੇ ਅਤੇ 4 ਛੱਕੇ ਸ਼ਾਮਲ ਸਨ। ਵਿਰਾਟ ਦੀ ਇਸ ਪਾਰੀ ਤੋਂ ਬਾਅਦ ਸਾਬਕਾ ਭਾਰਤੀ ਕਪਤਾਨ ਕਪਿਲ ਦੇਵ (Kapil Dev) ਨੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ।
ਇਹ ਵੀ ਪੜ੍ਹੋ : Philips Jobs Cut : ਨੌਕਰੀਆਂ 'ਚ ਕਟੌਤੀ ! Philips ਨੇ 4000 ਲੋਕਾਂ ਦੀ ਛਾਂਟੀ ਦਾ ਕੀਤਾ ਐਲਾਨ ,ਸੀਈਓ ਨੇ ਕਿਹਾ - ਮੁਸ਼ਕਲ ਪਰ ਬਹੁਤ ਜ਼ਰੂਰੀ ਫੈਸਲਾ
ਵਿਰਾਟ ਹੀ ਜਿਤਾ ਸਕਦਾ ਸੀ ਮੈਚ
ਕਪਿਲ ਦੇਵ ਨੇ 'ਏਬੀਪੀ ਨਿਊਜ਼' ਨਾਲ ਗੱਲਬਾਤ ਕਰਦਿਆਂ ਕਿਹਾ, "ਭਾਰਤ ਨੂੰ ਸਿਰਫ਼ ਵਿਰਾਟ ਕੋਹਲੀ ਹੀ ਮੈਚ ਜਿੱਤ ਸਕਦਾ ਸੀ ਅਤੇ ਉਸਨੇ ਜਿਤਾਇਆ।" ਪਾਕਿਸਤਾਨ ਦੇ ਖਿਲਾਫ ਇਸ ਮੈਚ 'ਚ ਵਿਰਾਟ ਕੋਹਲੀ ਤੀਜੇ ਨੰਬਰ 'ਤੇ ਬੱਲੇਬਾਜ਼ੀ ਕਰਨ ਆਏ ਅਤੇ ਉਹ ਅਜੇਤੂ ਪਰਤੇ। ਇਸ ਮੈਚ ਦੇ ਜ਼ਰੀਏ ਵਿਰਾਟ ਕੋਹਲੀ ਅਤੇ ਟੀਮ ਇੰਡੀਆ ਨੇ ਟੀ-20 ਵਿਸ਼ਵ ਕੱਪ 2022 'ਚ ਚੰਗੀ ਸ਼ੁਰੂਆਤ ਕੀਤੀ।
ਵਿਰਾਟ-ਪੰਡਿਆ ਦੀ ਸਾਂਝੇਦਾਰੀ ਨੇ ਜਿਤਾਇਆ ਮੈਚ
ਟੀਮ ਇੰਡੀਆ ਨੇ ਦੌੜਾਂ ਦਾ ਪਿੱਛਾ ਕਰਦੇ ਹੋਏ ਸਿਰਫ 31 ਦੌੜਾਂ 'ਤੇ 4 ਵਿਕਟਾਂ ਗੁਆ ਦਿੱਤੀਆਂ ਸਨ। ਪੰਜਵੇਂ ਨੰਬਰ 'ਤੇ ਬੱਲੇਬਾਜ਼ੀ ਕਰਨ ਆਏ ਹਾਰਦਿਕ ਪੰਡਯਾ ਨੇ ਵਿਰਾਟ ਕੋਹਲੀ ਨਾਲ ਪੰਜਵੀਂ ਵਿਕਟ ਲਈ 113 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਦੋਵਾਂ ਦੀ ਇਹ ਸਾਂਝੇਦਾਰੀ 20ਵੇਂ ਓਵਰ ਤੱਕ ਚੱਲੀ। ਹਾਲਾਂਕਿ ਹਾਰਦਿਕ ਨੇ ਆਖਰੀ ਓਵਰ 'ਚ ਆਪਣਾ ਵਿਕਟ ਗਵਾ ਦਿੱਤਾ ਪਰ ਕ੍ਰੀਜ਼ 'ਤੇ ਮੌਜੂਦ ਵਿਰਾਟ ਕੋਹਲੀ ਨੇ ਟੀਮ ਇੰਡੀਆ ਲਈ ਮੈਚ ਜਿੱਤ ਲਿਆ। ਖਾਸ ਗੱਲ ਇਹ ਹੈ ਕਿ ਵਿਰਾਟ ਕੋਹਲੀ ਨੂੰ ਉਸ ਦੀ ਇਸ ਪਾਰੀ ਲਈ 'ਮੈਨ ਆਫ ਦਾ ਮੈਚ' ਦਿੱਤਾ ਗਿਆ।
ਇਸ ਤੋਂ ਇਲਾਵਾ ਆਲਰਾਊਂਡਰ ਹਾਰਦਿਕ ਪੰਡਯਾ ਨੇ ਗੇਂਦਬਾਜ਼ੀ 'ਚ ਵੀ ਕਮਾਲ ਕੀਤਾ। ਗੇਂਦਬਾਜ਼ੀ ਕਰਦੇ ਹੋਏ ਹਾਰਦਿਕ ਨੇ 4 ਓਵਰਾਂ 'ਚ 30 ਦੌੜਾਂ ਦੇ ਕੇ 3 ਵਿਕਟਾਂ ਲਈਆਂ। ਹਾਰਦਿਕ ਨੇ ਪਾਕਿਸਤਾਨੀ ਹਰਫਨਮੌਲਾ ਸ਼ਾਦਾਬ ਖਾਨ (5), ਹੈਦਰ ਅਲੀ (2) ਅਤੇ ਮੁਹੰਮਦ ਨਵਾਜ਼ (9) ਨੂੰ ਆਪਣਾ ਸ਼ਿਕਾਰ ਬਣਾਇਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
