IPL 2022: RCB ਨੂੰ ਹਰਾ ਗੁਜਰਾਤ ਨੇ ਪਲੇਆਫ 'ਚ ਜਗ੍ਹਾ ਕੀਤੀ ਪੱਕੀ! ਰਾਹੁਲ ਤੇਵਤੀਆ ਨੇ ਫਿਰ ਖੇਡੀ ਮੈਚ ਵਿਨਿੰਗ ਪਾਰੀ
ਰਾਇਲ ਚੈਲੰਜਰਜ਼ ਬੰਗਲੌਰ ਨੇ ਸ਼ਨੀਵਾਰ ਨੂੰ ਬ੍ਰੇਬੋਰਨ ਸਟੇਡੀਅਮ 'ਚ ਆਈਪੀਐਲ 2022 ਦੇ 43ਵੇਂ ਮੈਚ ਵਿੱਚ ਗੁਜਰਾਤ ਟਾਈਟਨਜ਼ ਦਾ ਸਾਹਮਣਾ ਕੀਤਾ।
Gujarat Titans vs Royal Challengers: ਰਾਇਲ ਚੈਲੰਜਰਜ਼ ਬੰਗਲੌਰ ਨੇ ਸ਼ਨੀਵਾਰ ਨੂੰ ਬ੍ਰੇਬੋਰਨ ਸਟੇਡੀਅਮ 'ਚ ਆਈਪੀਐਲ 2022 ਦੇ 43ਵੇਂ ਮੈਚ ਵਿੱਚ ਗੁਜਰਾਤ ਟਾਈਟਨਜ਼ ਦਾ ਸਾਹਮਣਾ ਕੀਤਾ। ਇਸ ਮੈਚ 'ਚ ਗੁਜਰਾਤ ਨੇ 4 ਵਿਕਟਾਂ ਗੁਆ ਕੇ 171 ਦੌੜਾਂ ਦਾ ਟੀਚਾ ਹਾਸਲ ਕਰ ਲਿਆ। ਰਾਹੁਲ ਤੇਵਤੀਆ ਇੱਕ ਵਾਰ ਫਿਰ ਗੁਜਰਾਤ ਲਈ ਸਮੱਸਿਆ ਨਿਵਾਰਕ ਵਜੋਂ ਸਾਹਮਣੇ ਆਏ। ਉਸ ਨੇ 25 ਗੇਂਦਾਂ 'ਤੇ ਨਾਬਾਦ 43 ਦੌੜਾਂ ਦੀ ਪਾਰੀ ਖੇਡੀ।ਇਸ ਦੇ ਨਾਲ ਹੀ ਮਿਲਰ ਨੇ ਉਸ ਦਾ ਸਾਥ ਦਿੱਤਾ ਅਤੇ ਅਜੇਤੂ 39 ਦੌੜਾਂ ਬਣਾਈਆਂ।
ਗੁਜਰਾਤ ਦੇ ਬੱਲੇਬਾਜ਼ ਨਾਕਾਮ ਰਹੇ
171 ਦੌੜਾਂ ਦੇ ਸਕੋਰ ਦਾ ਪਿੱਛਾ ਕਰਨ ਉਤਰੀ ਗੁਜਰਾਤ ਦੀ ਸ਼ੁਰੂਆਤ ਚੰਗੀ ਰਹੀ। ਇਸ ਦੌਰਾਨ ਸਾਹਾ ਅਤੇ ਗਿੱਲ ਨੇ ਪਹਿਲੀ ਵਿਕਟ ਲਈ 51 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਹਸਰਾਂਗਾ ਨੇ ਇਸ ਸਾਂਝੇਦਾਰੀ ਨੂੰ ਤੋੜ ਦਿੱਤਾ ਜੋ ਖ਼ਤਰਨਾਕ ਹੋਣਾ ਸੀ। ਉਸ ਨੇ ਸਾਹਾ ਨੂੰ 29 ਦੌੜਾਂ 'ਤੇ ਆਊਟ ਕੀਤਾ। ਉਨ੍ਹਾਂ ਦੇ ਆਊਟ ਹੋਣ ਤੋਂ ਬਾਅਦ ਗਿੱਲ ਵੀ ਜ਼ਿਆਦਾ ਦੇਰ ਤੱਕ ਪਿੱਚ 'ਤੇ ਟਿਕ ਨਹੀਂ ਸਕੇ ਅਤੇ 31 ਦੌੜਾਂ ਬਣਾ ਕੇ ਆਊਟ ਹੋ ਗਏ।
ਟੀਮ ਨੂੰ ਇਸ ਦੌਰਾਨ ਆਪਣੇ ਕਪਤਾਨ ਹਾਰਦਿਕ ਪੰਡਯਾ ਤੋਂ ਬਹੁਤ ਉਮੀਦਾਂ ਸੀ ਪਰ ਅੱਜ ਉਹ ਵੀ ਫਲਾਪ ਹੋ ਗਿਆ। ਹਾਰਦਿਕ 3 ਦੌੜਾਂ ਬਣਾ ਕੇ ਸ਼ਾਹਬਾਜ਼ ਦਾ ਸ਼ਿਕਾਰ ਬਣੇ। ਇਸ ਤੋਂ ਬਾਅਦ ਇਕ ਵਾਰ ਫਿਰ ਰਾਹੁਲ ਤੇਵਤੀਆ ਅਤੇ ਡੇਵਿਡ ਮਿਲਰ ਨੇ ਟੀਮ ਦੇ ਸਕੋਰ ਨੂੰ ਅੱਗੇ ਵਧਾਇਆ। ਇਸ ਦੌਰਾਨ ਡੇਵਿਡ ਮਿਲਰ ਨੇ ਤੇਜ਼ੀ ਨਾਲ ਰਨ ਬਣਾਏ। ਇਸ ਦੌਰਾਨ ਦੋਵਾਂ ਖਿਡਾਰੀਆਂ ਨੇ 79 ਦੌੜਾਂ ਦੀ ਮੈਚ ਵਿਨਿੰਗ ਸਾਂਝੇਦਾਰੀ ਕੀਤੀ। ਇਸ ਦੌਰਾਨ ਰਾਹੁਲ ਨੇ 25 ਗੇਂਦਾਂ 'ਤੇ ਨਾਬਾਦ 43 ਦੌੜਾਂ ਦੀ ਪਾਰੀ ਖੇਡੀ। ਇਸ ਦੇ ਨਾਲ ਹੀ ਮਿਲਰ ਨੇ ਉਸ ਦਾ ਸਾਥ ਦਿੱਤਾ ਅਤੇ ਅਜੇਤੂ 39 ਦੌੜਾਂ ਬਣਾਈਆਂ।
ਕੋਹਲੀ ਨੇ ਆਖਿਰਕਾਰ ਅਰਧ ਸੈਂਕੜਾ ਜੜਿਆ
ਇਸ ਤੋਂ ਪਹਿਲਾਂ ਵਿਰਾਟ ਕੋਹਲੀ (58) ਅਤੇ ਰਜਤ ਪਟੀਦਾਰ (52) ਦੀਆਂ ਧਮਾਕੇਦਾਰ ਪਾਰੀਆਂ ਦੀ ਬਦੌਲਤ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਨੇ ਬ੍ਰੇਬੋਰਨ ਸਟੇਡੀਅਮ 'ਚ ਆਈਪੀਐੱਲ 2022 ਦੇ 43ਵੇਂ ਮੈਚ 'ਚ ਗੁਜਰਾਤ ਟਾਈਟਨਸ ਨੂੰ 171 ਦੌੜਾਂ ਦਾ ਟੀਚਾ ਦਿੱਤਾ ਸੀ। ਬੈਂਗਲੁਰੂ ਨੇ 20 ਓਵਰਾਂ 'ਚ ਛੇ ਵਿਕਟਾਂ ਦੇ ਨੁਕਸਾਨ 'ਤੇ 170 ਦੌੜਾਂ ਬਣਾਈਆਂ। ਟੀਮ ਲਈ ਕੋਹਲੀ ਅਤੇ ਪਾਟੀਦਾਰ ਨੇ 74 ਗੇਂਦਾਂ ਵਿੱਚ 99 ਦੌੜਾਂ ਦੀ ਸਾਂਝੇਦਾਰੀ ਕੀਤੀ।ਗੁਜਰਾਤ ਲਈ ਪ੍ਰਦੀਪ ਸਾਂਗਵਾਨ ਨੇ ਦੋ ਵਿਕਟਾਂ ਲਈਆਂ। ਇਸ ਦੇ ਨਾਲ ਹੀ ਰਾਸ਼ਿਦ ਖਾਨ, ਅਲਜ਼ਾਰੀ ਜੋਸੇਫ, ਮੁਹੰਮਦ ਸ਼ਮੀ ਅਤੇ ਲਾਕੀ ਫਰਗੂਸਨ ਨੇ ਇਕ-ਇਕ ਵਿਕਟ ਲਈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
