Manu Bhaker-Neeraj Chopra: ਨੀਰਜ ਚੋਪੜਾ ਦਾ ਟੁੱਟਿਆ ਹੱਥ ਦੇਖ ਮਨੂ ਭਾਕਰ ਨੇ ਭੇਜਿਆ ਖਾਸ ਸੰਦੇਸ਼, ਯੂਜ਼ਰ ਬੋਲੇ- 'ਵਿਆਹ ਕਦੋਂ ਕਰੋਗੇ ?'

Manu Bhaker Reaction On Neeraj Chopra: ਪੈਰਿਸ ਓਲੰਪਿਕ 2024 ਦੌਰਾਨ ਨੀਰਜ ਚੋਪੜਾ ਅਤੇ ਸਟਾਰ ਮਹਿਲਾ ਨਿਸ਼ਾਨੇਬਾਜ਼ ਮਨੂ ਭਾਕਰ ਨੇ ਖੂਬ ਸੁਰਖੀਆਂ ਬਟੋਰੀਆਂ। ਦੱਸ ਦੇਈਏ ਕਿ ਦੋਵਾਂ ਦਾ ਗੱਲਬਾਤ ਕਰਦੇ ਹੋਏ ਇੱਕ ਵੀਡੀਓ ਸੋਸ਼ਲ

Manu Bhaker Reaction On Neeraj Chopra

Source : Google

Manu Bhaker Reaction On Neeraj Chopra: ਪੈਰਿਸ ਓਲੰਪਿਕ 2024 ਦੌਰਾਨ ਨੀਰਜ ਚੋਪੜਾ ਅਤੇ ਸਟਾਰ ਮਹਿਲਾ ਨਿਸ਼ਾਨੇਬਾਜ਼ ਮਨੂ ਭਾਕਰ ਨੇ ਖੂਬ ਸੁਰਖੀਆਂ ਬਟੋਰੀਆਂ। ਦੱਸ ਦੇਈਏ ਕਿ ਦੋਵਾਂ ਦਾ ਗੱਲਬਾਤ ਕਰਦੇ ਹੋਏ ਇੱਕ ਵੀਡੀਓ ਸੋਸ਼ਲ ਮੀਡੀਆ ਉੱਪਰ ਵਾਇਰਲ ਹੋਇਆ ਸੀ, ਜਿਸ ਤੋਂ ਬਾਅਦ ਯੂਜ਼ਰਸ ਵੱਲ਼ੋਂ ਦੋਵਾਂ ਦੇ ਰਿਸ਼ਤੇ ਨੂੰ ਲੈ ਚਰਚਾ ਹੋਣ ਲੱਗੀ। ਹਾਲਾਂਕਿ ਇਸ ਵਿਚਾਲੇ ਕੁਝ ਅਜਿਹਾ ਹੋਇਆ ਜੋ ਕਿ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਦਰਅਸਲ, ਹਾਲ ਹੀ ਵਿੱਚ ਨੀਰਜ ਨੇ ਆਪਣੇ ਟੁੱਟੇ ਹੱਥ ਨਾਲ ਡਾਇਮੰਡ ਲੀਗ 2024 ਦੇ ਫਾਈਨਲ ਮੈਚ ਖੇਡਿਆ, ਜਿਸ ਉੱਪਰ ਮਨੂ ਭਾਕਰ ਨੇ ਨੀਰਜ ਨੂੰ ਖਾਸ ਸੰਦੇਸ਼ ਭੇਜਿਆ ਹੈ। 

ਟੁੱਟੇ ਹੱਥ ਨਾਲ ਨੀਰਜ ਨੇ ਫਾਈਨਲ ਖੇਡਿਆ

ਨੀਰਜ ਚੋਪੜਾ ਨੇ ਡਾਇਮੰਡ ਲੀਗ 2024 ਦੇ ਫਾਈਨਲ ਮੈਚ ਤੋਂ ਬਾਅਦ ਇੱਕ ਭਾਵੁਕ ਪੋਸਟ ਵਿੱਚ ਵੱਡਾ ਖੁਲਾਸਾ ਕੀਤਾ ਹੈ। ਸੋਸ਼ਲ ਮੀਡੀਆ ਰਾਹੀਂ ਇਸ ਸਾਲ ਦੇ ਸਫ਼ਰ ਬਾਰੇ ਦੱਸਦੇ ਹੋਏ ਭਾਰਤ ਦੇ ਗੋਲਡਨ ਬੁਆਏ ਨੇ ਲਿਖਿਆ, "ਜਿਵੇਂ ਹੀ 2024 ਦਾ ਸੀਜ਼ਨ ਖਤਮ ਹੁੰਦਾ ਹੈ, ਮੈਂ ਉਨ੍ਹਾਂ ਸਾਰੀਆਂ ਚੀਜ਼ਾਂ 'ਤੇ ਪਿੱਛੇ ਮੁੜਦਾ ਹਾਂ ਜੋ ਮੈਂ ਸਾਲ ਦੌਰਾਨ ਸਿੱਖੀਆਂ ਹਨ - ਸੁਧਾਰ, ਅਸਫਲਤਾਵਾਂ, ਮਾਨਸਿਕਤਾ ਅਤੇ ਹੋਰ ਬਹੁਤ ਕੁਝ। ਪਿਛਲੇ ਸੋਮਵਾਰ ਮੈਂ ਅਭਿਆਸ ਦੌਰਾਨ ਆਪਣੇ ਆਪ ਨੂੰ ਜ਼ਖਮੀ ਕਰ ਲਿਆ ਅਤੇ ਐਕਸ-ਰੇ ਤੋਂ ਪਤਾ ਲੱਗਾ ਕਿ ਮੇਰੇ ਖੱਬੇ ਹੱਥ ਵਿੱਚ ਚੌਥੇ ਮੈਟਾਕਾਰਪਲ ਦਾ ਫ੍ਰੈਕਚਰ ਹੈ। ਇਹ ਮੇਰੇ ਲਈ ਇੱਕ ਹੋਰ ਦਰਦਨਾਕ ਚੁਣੌਤੀ ਸੀ। ਪਰ ਆਪਣੀ ਟੀਮ ਦੀ ਮਦਦ ਨਾਲ ਮੈਂ ਬ੍ਰਸੇਲਜ਼ ਵਿਚ ਹਾਜ਼ਰ ਹੋਣ ਦੇ ਯੋਗ ਹੋ ਗਿਆ। ਇਹ ਸਾਲ ਦੀ ਆਖਰੀ ਦੌੜ ਸੀ ਅਤੇ ਮੈਂ ਆਪਣਾ ਸੀਜ਼ਨ ਟਰੈਕ 'ਤੇ ਖਤਮ ਕਰਨਾ ਚਾਹੁੰਦਾ ਸੀ। ਹਾਲਾਂਕਿ ਮੈਂ ਆਪਣੀਆਂ ਉਮੀਦਾਂ 'ਤੇ ਖਰਾ ਨਹੀਂ ਉਤਰਿਆ, ਮੈਨੂੰ ਲੱਗਦਾ ਹੈ ਕਿ ਇਹ ਇੱਕ ਸੀਜ਼ਨ ਸੀ ਜਿਸ ਵਿੱਚ ਮੈਂ ਬਹੁਤ ਕੁਝ ਸਿੱਖਿਆ। ਮੈਂ ਹੁਣ ਵਾਪਸੀ ਲਈ ਦ੍ਰਿੜ ਹਾਂ, ਪੂਰੀ ਤਰ੍ਹਾਂ ਫਿੱਟ ਅਤੇ ਜਾਣ ਲਈ ਤਿਆਰ ਹਾਂ। ਮੈਂ ਤੁਹਾਡੇ ਹੌਸਲੇ ਲਈ ਤੁਹਾਡਾ ਸਾਰਿਆਂ ਦਾ ਧੰਨਵਾਦ ਕਰਨਾ ਚਾਹੁੰਦਾ ਹਾਂ। 2024 ਨੇ ਮੈਨੂੰ ਇੱਕ ਬਿਹਤਰ ਅਥਲੀਟ ਅਤੇ ਵਿਅਕਤੀ ਬਣਾਇਆ ਹੈ। 2025 ਵਿੱਚ ਮਿਲਾਂਗੇ। 

ਨੀਰਜ ਲਈ ਮਨੂ ਭਾਕਰ ਵੱਲੋਂ ਖਾਸ ਸੰਦੇਸ਼

ਨੀਰਜ ਚੋਪੜਾ ਨੇ ਜਿਵੇਂ ਹੀ ਆਪਣੀ ਸੱਟ ਦੀ ਜਾਣਕਾਰੀ ਦਿੱਤੀ, ਸੋਸ਼ਲ ਮੀਡੀਆ 'ਤੇ ਉਨ੍ਹਾਂ ਦੇ ਜਲਦੀ ਠੀਕ ਹੋਣ ਦੀ ਕਾਮਨਾ ਕਰਦੇ ਹੋਏ ਸੰਦੇਸ਼ ਆਉਣੇ ਸ਼ੁਰੂ ਹੋ ਗਏ। ਇਸ ਦੌਰਾਨ ਮਨੂ ਭਾਕਰ ਨੇ ਆਪਣੀ ਪੋਸਟ ਨਾਲ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚ ਲਿਆ। ਮਨੂ ਨੇ ਸੋਸ਼ਲ ਮੀਡੀਆ ਰਾਹੀਂ ਕਿਹਾ, ''ਨੀਰਜ ਚੋਪੜਾ ਨੂੰ 2024 ਦੇ ਸ਼ਾਨਦਾਰ ਸੀਜ਼ਨ ਲਈ ਵਧਾਈ। ਆਉਣ ਵਾਲੇ ਸਾਲਾਂ ਵਿੱਚ ਤੁਹਾਡੀ ਜਲਦੀ ਸਿਹਤਯਾਬੀ ਅਤੇ ਹੋਰ ਸਫਲਤਾ ਦੀ ਕਾਮਨਾ ਕਰਦੀ ਹਾਂ।

ਮਨੂ ਭਾਕਰ ਦੀ ਪੋਸਟ 'ਤੇ ਫੈਨ ਦਾ ਕਮੈਂਟ

ਦੱਸ ਦੇਈਏ ਕਿ ਪੈਰਿਸ ਓਲੰਪਿਕ 2024 ਤੋਂ ਬਾਅਦ ਇੱਕ ਵੀਡੀਓ ਵਾਇਰਲ ਹੋਇਆ ਸੀ ਜਿਸ ਵਿੱਚ ਦੇਖਿਆ ਜਾ ਰਿਹਾ ਸੀ ਕਿ ਮਨੂ ਭਾਕਰ ਦੀ ਮਾਂ ਨੀਰਜ ਚੋਪੜਾ ਦੇ ਸਿਰ 'ਤੇ ਹੱਥ ਰੱਖ ਰਹੀ ਹੈ। ਇੱਕ ਵੀਡੀਓ ਵਿੱਚ ਨੀਰਜ ਚੋਪੜਾ ਅਤੇ ਮਨੂ ਭਾਕਰ ਇੱਕ-ਦੂਜੇ ਨਾਲ ਗੱਲ ਕਰਦੇ ਨਜ਼ਰ ਆ ਰਹੇ ਹਨ। ਇਸ ਤੋਂ ਬਾਅਦ ਪ੍ਰਸ਼ੰਸਕਾਂ ਨੇ ਸੋਸ਼ਲ ਮੀਡੀਆ 'ਤੇ ਇਨ੍ਹਾਂ ਦੋਵਾਂ ਦਾ ਨਾਂ ਜੋੜਨਾ ਸ਼ੁਰੂ ਕਰ ਦਿੱਤਾ। ਨੀਰਜ ਲਈ ਮਨੂ ਦੀ ਪੋਸਟ 'ਤੇ ਟਿੱਪਣੀ ਕਰਦੇ ਹੋਏ, ਇਕ ਯੂਜ਼ਰ ਨੇ ਪੁੱਛਿਆ, 'ਤੁਸੀਂ ਵਿਆਹ ਕਦੋਂ ਕਰ ਰਹੇ ਹੋ?'

ਮਨੂ ਭਾਕਰ ਦੇ ਪਿਤਾ ਨੇ ਕਹੀ ਇਹ ਗੱਲ?

ਜਦੋਂ ਸੋਸ਼ਲ ਮੀਡੀਆ 'ਤੇ ਨੀਰਜ ਚੋਪੜਾ ਨਾਲ ਬੇਟੀ ਦੇ ਵਿਆਹ ਦੀ ਅਫਵਾਹ ਫੈਲੀ ਤਾਂ ਮਨੂ ਭਾਕਰ ਨੇ ਪ੍ਰਤੀਕਿਰਿਆ ਦਿੰਦੇ ਹੋਏ ਕਿਹਾ ਕਿ ਮੇਰੀ ਬੇਟੀ ਅਜੇ ਵਿਆਹ ਦੀ ਉਮਰ ਦੀ ਨਹੀਂ ਹੈ ਅਤੇ ਉਸ ਨੇ ਬਹੁਤ ਕੁਝ ਹਾਸਲ ਕਰਨਾ ਹੈ। ਦੱਸ ਦੇਈਏ ਕਿ ਮਨੂ ਨੇ ਪੈਰਿਸ ਓਲੰਪਿਕ 2024 ਵਿੱਚ ਨਿਸ਼ਾਨੇਬਾਜ਼ੀ ਵਰਗ ਵਿੱਚ 10 ਮੀਟਰ ਏਅਰ ਪਿਸਟਲ ਵਿੱਚ ਦੋ ਕਾਂਸੀ ਦੇ ਤਗਮੇ ਜਿੱਤ ਕੇ ਇਤਿਹਾਸ ਰਚਿਆ ਸੀ।