PBKS vs GT Match Live Updates: ਸ਼ੁਭਮਨ ਗਿੱਲ ਅਤੇ ਸਾਈ ਸੁਦਰਸ਼ਨ ਦੀ ਦਮਦਾਰ ਗੇਮ , ਨਿਸ਼ਾਨੇ ਵੱਲ ਵਧ ਰਿਹਾ ਗੁਜਰਾਤ, ਮੁਸੀਬਤ 'ਚ ਪੰਜਾਬ
PBKS Vs GT: ਆਈਪੀਐਲ (IPL) ਦੇ ਇਸ ਸੀਜ਼ਨ ਵਿੱਚ ਅੱਜ ਕ੍ਰਿਕਟ ਫੈਨਜ਼ ਨੂੰ ਇੱਕ ਹੋਰ ਧਮਾਕੇਦਾਰ ਮੈਚ ਦੇਖਣ ਨੂੰ ਮਿਲੇਗਾ, ਜਦੋਂ ਪੰਜਾਬ ਕਿੰਗਜ਼ (PBKS) ਅਤੇ ਗੁਜਰਾਤ ਟਾਈਟਨਜ਼ (GT) ਦੀਆਂ ਟੀਮਾਂ ਆਹਮੋ-ਸਾਹਮਣੇ ਹੋਣਗੀਆਂ।
LIVE
Background
PBKS Vs GT: ਆਈਪੀਐਲ (IPL) ਦੇ ਇਸ ਸੀਜ਼ਨ ਵਿੱਚ ਅੱਜ ਕ੍ਰਿਕਟ ਫੈਨਜ਼ ਨੂੰ ਇੱਕ ਹੋਰ ਧਮਾਕੇਦਾਰ ਮੈਚ ਦੇਖਣ ਨੂੰ ਮਿਲੇਗਾ, ਜਦੋਂ ਪੰਜਾਬ ਕਿੰਗਜ਼ (PBKS) ਅਤੇ ਗੁਜਰਾਤ ਟਾਈਟਨਜ਼ (GT) ਦੀਆਂ ਟੀਮਾਂ ਆਹਮੋ-ਸਾਹਮਣੇ ਹੋਣਗੀਆਂ। ਮਯੰਕ ਅਗਰਵਾਲ ਨੂੰ ਪੰਜਾਬ ਦੀ ਕਪਤਾਨੀ ਮਿਲੀ ਹੈ, ਜਦਕਿ ਗੁਜਰਾਤ ਦੀ ਕਮਾਨ ਹਾਰਦਿਕ ਪੰਡਯਾ ਨੂੰ ਸੌਂਪੀ ਗਈ ਹੈ। ਦੋਵੇਂ ਟੀਮਾਂ ਇਸ ਸੀਜ਼ਨ ਵਿੱਚ ਨਵੇਂ ਕਪਤਾਨ ਨਾਲ ਟੂਰਨਾਮੈਂਟ ਖੇਡ ਰਹੀਆਂ ਹਨ। ਟੂਰਨਾਮੈਂਟ ਵਿੱਚ ਹੁਣ ਤੱਕ ਦੋਵੇਂ ਟੀਮਾਂ ਨੇ ਚੰਗਾ ਪ੍ਰਦਰਸ਼ਨ ਕੀਤਾ ਹੈ ਅਤੇ ਇੱਕ ਵਾਰ ਫਿਰ ਤੋਂ ਰੋਮਾਂਚਕ ਮੈਚ ਦੀ ਉਮੀਦ ਹੈ।
ਹੁਣ ਤੱਕ ਦੋਵਾਂ ਟੀਮਾਂ ਦਾ ਰਿਹਾ ਇਹ ਪ੍ਰਦਰਸ਼ਨ
ਇਸ ਸੀਜ਼ਨ 'ਚ ਪਹਿਲੀ ਵਾਰ ਗੁਜਰਾਤ ਅਤੇ ਪੰਜਾਬ ਦੀਆਂ ਟੀਮਾਂ ਆਹਮੋ-ਸਾਹਮਣੇ ਹੋਣਗੀਆਂ। ਗੁਜਰਾਤ ਟਾਈਟਨਸ ਦਾ ਪ੍ਰਦਰਸ਼ਨ ਹੁਣ ਤੱਕ ਸ਼ਾਨਦਾਰ ਰਿਹਾ ਹੈ ਅਤੇ ਟੀਮ ਨੇ ਆਪਣੇ ਦੋਵੇਂ ਮੈਚ ਜਿੱਤੇ ਹਨ ਜਦਕਿ ਪੰਜਾਬ ਕਿੰਗਜ਼ ਦੀ ਟੀਮ ਨੇ ਵੀ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਤਿੰਨ 'ਚੋਂ ਦੋ ਮੈਚ ਜਿੱਤੇ, ਜਦਕਿ ਇਕ ਮੈਚ ਹਾਰਿਆ। ਇਕ ਪਾਸੇ ਗੁਜਰਾਤ ਦੀ ਟੀਮ ਆਪਣੀ ਜਿੱਤ ਦਾ ਸਿਲਸਿਲਾ ਬਰਕਰਾਰ ਰੱਖਣ ਦੀ ਕੋਸ਼ਿਸ਼ ਕਰੇਗੀ, ਉਥੇ ਹੀ ਦੂਜੇ ਪਾਸੇ ਪੰਜਾਬ ਵੀ ਇਹ ਮੈਚ ਜਿੱਤ ਕੇ ਅੰਕ ਸੂਚੀ ਵਿਚ ਸਿਖਰ 'ਤੇ ਪਹੁੰਚਣਾ ਚਾਹੇਗਾ।
ਹਾਈ ਸਕੋਰਿੰਗ ਹੋ ਸਕਦਾ ਹੈ ਮੁਕਾਬਲਾ
ਬ੍ਰੇਬੋਰਨ ਸਟੇਡੀਅਮ ਦੀ ਪਿੱਚ ਗੇਂਦਬਾਜ਼ਾਂ ਅਤੇ ਬੱਲੇਬਾਜ਼ਾਂ ਦੋਵਾਂ ਦੀ ਮਦਦ ਕਰਦੀ ਹੈ। ਇਸ ਮੈਦਾਨ 'ਤੇ ਤ੍ਰੇਲ ਇਕ ਮਹੱਤਵਪੂਰਨ ਫੈਕਟਰ ਰਹਿਣ ਵਾਲਾ ਹੈ। ਮੈਦਾਨ ਦੀ ਬਾਊਂਡਰੀ ਛੋਟੀ ਹੈ ਅਤੇ ਆਊਟਫੀਲਡ ਤੇਜ਼ ਹੈ, ਇਸ ਲਈ ਇਸ ਮੈਚ ਵਿੱਚ ਵੱਡਾ ਸਕੋਰ ਮਿਲਣ ਦੀ ਸੰਭਾਵਨਾ ਹੈ। ਇਸ ਵਿਕਟ 'ਤੇ ਪਹਿਲੀ ਪਾਰੀ ਦਾ ਔਸਤ ਸਕੋਰ 180 ਦੌੜਾਂ ਹੈ। ਦੂਜੇ ਨੰਬਰ 'ਤੇ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਦਾ ਇੱਥੇ ਸ਼ਾਨਦਾਰ ਰਿਕਾਰਡ ਹੈ। ਪਿੱਛਾ ਕਰਨ ਵਾਲੀ ਟੀਮ ਦਾ ਇਸ ਮੈਦਾਨ 'ਤੇ ਜਿੱਤ ਦਾ ਪ੍ਰਤੀਸ਼ਤ 60 ਹੈ। ਦੇਖਣਾ ਇਹ ਹੋਵੇਗਾ ਕਿ ਕਿਹੜੀ ਟੀਮ ਮੈਚ ਦਾ ਟਾਸ ਜਿੱਤਦੀ ਹੈ।
PBKS vs GT: ਗੁਜਰਾਤ ਦਾ ਸਕੋਰ 14 ਓਵਰਾਂ ਬਾਅਦ 128/1
ਕਾਗਿਸੋ ਰਬਾਡਾ ਨੇ ਪੰਜਾਬ ਲਈ ਇਹ ਓਵਰ ਕੀਤਾ। ਹੁਣ ਤੱਕ ਪੰਜਾਬ ਦੇ ਸਾਰੇ ਗੇਂਦਬਾਜ਼ ਵਿਕਟ ਲਈ ਸੰਘਰਸ਼ ਕਰਦੇ ਨਜ਼ਰ ਆਏ ਹਨ। ਸਾਈ ਸੁਦਰਸ਼ਨ ਨੇ ਤੀਜੀ ਗੇਂਦ 'ਤੇ ਚੌਕਾ ਜੜਿਆ। ਗੁਜਰਾਤ ਦਾ ਸਕੋਰ 14 ਓਵਰਾਂ ਬਾਅਦ 128/1
PBKS vs GT: ਸ਼ੁਭਮਨ ਗਿੱਲ ਨੇ ਲਗਾਇਆ ਅਰਧ ਸੈਂਕੜਾ
ਸ਼ੁਭਮਨ ਗਿੱਲ ਨੇ ਲਿਆਮ ਲਿਵਿੰਗਸਟੋਨ ਦੇ ਓਵਰ ਦੀ ਦੂਜੀ ਗੇਂਦ 'ਤੇ ਚੌਕਾ ਜੜ ਕੇ ਆਪਣਾ ਅਰਧ ਸੈਂਕੜਾ ਪੂਰਾ ਕੀਤਾ। ਇਸ ਦੇ ਨਾਲ ਹੀ ਦੋਵਾਂ ਬੱਲੇਬਾਜ਼ਾਂ ਵਿਚਾਲੇ 50 ਦੌੜਾਂ ਦੀ ਸਾਂਝੇਦਾਰੀ ਪੂਰੀ ਹੋ ਗਈ। ਚੌਥੀ ਗੇਂਦ 'ਤੇ ਵੀ ਗਿੱਲ ਨੇ ਚੌਕਾ ਜੜ ਦਿੱਤਾ। ਗੁਜਰਾਤ ਦਾ ਸਕੋਰ 9 ਓਵਰਾਂ ਬਾਅਦ 88/1
PBKS vs GT: ਗੁਜਰਾਤ ਦਾ ਸਕੋਰ 7 ਓਵਰਾਂ ਬਾਅਦ 66/1
ਗੇਂਦਬਾਜ਼ੀ 'ਚ ਬਦਲਾਅ ਕਰਦੇ ਹੋਏ ਰਾਹੁਲ ਚਾਹਰ ਨੂੰ ਸਟ੍ਰਾਈਕ 'ਤੇ ਉਤਾਰਿਆ ਗਿਆ। ਸਾਈ ਸੁਦਰਸ਼ਨ ਨੇ ਓਵਰ ਦੀ ਪਹਿਲੀ ਗੇਂਦ 'ਤੇ ਛੱਕਾ ਲਗਾਇਆ। ਰਾਹੁਲ ਚਾਹਰ ਦਾ ਇਹ ਓਵਰ ਮਹਿੰਗਾ ਰਿਹਾ ਅਤੇ ਬੱਲੇਬਾਜ਼ਾਂ ਨੇ ਇਸ ਤੋਂ 13 ਦੌੜਾਂ ਬਣਾਈਆਂ। ਗੁਜਰਾਤ ਦਾ ਸਕੋਰ 7 ਓਵਰਾਂ ਬਾਅਦ 66/1
PBKS vs GT : ਪੰਜਾਬ ਦਾ ਸਕੋਰ 19 ਓਵਰਾਂ ਤੋਂ ਬਾਅਦ 173/9
ਰਾਹੁਲ ਚਾਹਰ ਨੇ ਇਸ ਓਵਰ ਦੀ ਦੂਜੀ ਗੇਂਦ 'ਤੇ ਲਾਕੀ ਫਰਗੂਸਨ ਦੇ ਗੇਂਦ 'ਤੇ ਚੌਕਾ ਜੜ ਦਿੱਤਾ। ਪੰਜਾਬ ਨੇ ਆਖਰੀ ਕੁਝ ਓਵਰਾਂ ਵਿੱਚ ਕਈ ਵਿਕਟਾਂ ਗੁਆ ਦਿੱਤੀਆਂ ਅਤੇ ਪਾਰੀ ਫਿੱਕੀ ਪੈ ਗਈ। ਹੁਣ ਆਖਰੀ ਜੋੜੀ ਮੈਦਾਨ 'ਤੇ ਹੈ। ਅਰਸ਼ਦੀਪ ਸਿੰਘ ਨੇ ਆਖਰੀ ਗੇਂਦ 'ਤੇ ਚੌਕਾ ਜੜਿਆ। ਫਰਗੂਸਨ ਦੇ ਇਸ ਓਵਰ ਤੋਂ ਬੱਲੇਬਾਜ਼ਾਂ ਨੇ 9 ਦੌੜਾਂ ਬਣਾਈਆਂ। ਪੰਜਾਬ ਦਾ ਸਕੋਰ 19 ਓਵਰਾਂ ਤੋਂ ਬਾਅਦ 173/9
PBKS vs GT: ਰਾਸ਼ਿਦ ਖਾਨ ਦਾ ਦੋਹਰਾ ਹਮਲਾ, ਲਿਵਿੰਗਸਟੋਨ ਅਤੇ ਸ਼ਾਹਰੁਖ ਖਾਨ ਹੋਏ ਆਊਟ
ਰਾਸ਼ਿਦ ਖਾਨ ਨੇ ਇਸ ਓਵਰ 'ਚ ਜਾਨਲੇਵਾ ਗੇਂਦਬਾਜ਼ੀ ਕਰਦੇ ਹੋਏ ਪਹਿਲਾਂ 64 ਦੌੜਾਂ ਦੇ ਨਿੱਜੀ ਸਕੋਰ 'ਤੇ ਲਿਆਮ ਲਿਵਿੰਗਸਟੋਨ ਨੂੰ ਡੇਵਿਡ ਮਿਲਰ ਦੇ ਹੱਥੋਂ ਕੈਚ ਕਰਵਾਇਆ। ਇਸ ਤੋਂ ਬਾਅਦ ਪੰਜਵੀਂ ਗੇਂਦ 'ਤੇ ਰਾਸ਼ਿਦ ਨੇ ਸ਼ਾਹਰੁਖ ਖਾਨ ਨੂੰ 15 ਦੌੜਾਂ ਦੇ ਨਿੱਜੀ ਸਕੋਰ 'ਤੇ ਆਊਟ ਕਰ ਦਿੱਤਾ। ਰਾਸ਼ਿਦ ਖਾਨ ਨੇ ਇਸ ਓਵਰ 'ਚ ਸਿਰਫ 3 ਦੌੜਾਂ ਦਿੱਤੀਆਂ। ਹੁਣ ਕੈਗਿਸੋ ਰਬਾਡਾ ਅਤੇ ਰਾਹੁਲ ਚਾਹਰ ਕ੍ਰੀਜ਼ 'ਤੇ ਮੌਜੂਦ ਹਨ। 16 ਓਵਰਾਂ ਤੋਂ ਬਾਅਦ ਪੰਜਾਬ ਦਾ ਸਕੋਰ 155/7
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
