PBKS vs RCB Qualifier-1: ਪੰਜਾਬ ਕਿੰਗਜ਼ Vs ਰਾਇਲ ਚੈਲੈਂਜਰਜ਼ ਬੈਂਗਲੁਰੂ ਦਾ ਮੈਚ ਅੱਜ, ਜਾਣੋ ਮੌਸਮ ਅਤੇ ਪਿੱਚ ਦੀ ਰਿਪੋਰਟ, ਕਿਹੜੀ ਟੀਮ ਨੂੰ ਮਿਲ ਸਕਦਾ ਫਾਇਦਾ
ਮੁੱਲਾਂਪੁਰ ਕ੍ਰਿਕਟ ਸਟੇਡੀਅਮ ਅੱਜ ਖੱਚਾ-ਖੱਚ ਭਰਿਆ ਹੋਏ ਮਿਲੇਗਾ। ਕਿਉਂਕਿ ਅੱਜ ਪੰਜਾਬ ਕਿੰਗਜ਼ Vs ਰਾਇਲ ਚੈਲੈਂਜਰਜ਼ ਬੈਂਗਲੁਰੂ ਦਾ ਮੈਚ ਹੈ। ਜੋ ਵੀ ਟੀਮ ਇਹ ਮੈਚ ਜਿੱਤੇਗੀ, ਉਹ ਸਿੱਧਾ ਫਾਈਨਲ ਵਿੱਚ ਦਾਖਲ ਹੋ ਜਾਵੇਗੀ, ਜਦਕਿ ਹਾਰਣ ਵਾਲੀ ਟੀਮ..
PBKS vs RCB Qualifier-1: ਅੱਜ ਸ਼੍ਰੇਅਸ ਅਈਅਰ ਦੀ ਕਪਤਾਨੀ ਹੇਠ ਪੰਜਾਬ ਕਿੰਗਜ਼ ਅਤੇ ਰਜਤ ਪਾਟੀਦਾਰ ਦੀ ਅਗਵਾਈ ਵਾਲੀ ਰਾਇਲ ਚੈਲੈਂਜਰਜ਼ ਬੈਂਗਲੁਰੂ ਵਿਚਕਾਰ ਪਹਿਲਾ ਕਵਾਲੀਫਾਇਰ ਮੈਚ ਖੇਡਿਆ ਜਾਵੇਗਾ। ਇਹ ਮੁਕਾਬਲਾ ਮੁੱਲਾਂਪੁਰ ਕ੍ਰਿਕਟ ਸਟੇਡੀਅਮ ਵਿੱਚ ਹੋਵੇਗਾ। ਜੋ ਵੀ ਟੀਮ ਇਹ ਮੈਚ ਜਿੱਤੇਗੀ, ਉਹ ਸਿੱਧਾ ਫਾਈਨਲ ਵਿੱਚ ਦਾਖਲ ਹੋ ਜਾਵੇਗੀ, ਜਦਕਿ ਹਾਰਣ ਵਾਲੀ ਟੀਮ ਨੂੰ ਖਿਤਾਬੀ ਮੁਕਾਬਲੇ ਵਿੱਚ ਪਹੁੰਚਣ ਲਈ ਇਕ ਹੋਰ ਮੌਕਾ ਮਿਲੇਗਾ।
ਪਿਛਲੇ ਮੈਚ ਵਿੱਚ ਰਜਤ ਪਾਟੀਦਾਰ ਨੇ ਖੇਡਿਆ ਸੀ ਪਰ ਉਹ ਫੀਲਡਿੰਗ ਨਹੀਂ ਕਰ ਸਕੇ ਸਨ, ਜਿਸ ਕਰਕੇ ਜਿਤੇਸ਼ ਸ਼ਰਮਾ ਕਪਤਾਨ ਬਣੇ ਸਨ। ਹੁਣ ਵੇਖਣਾ ਇਹ ਹੈ ਕਿ ਅੱਜ ਕਵਾਲੀਫਾਇਰ-1 ਵਿੱਚ ਆਰਸੀਬੀ ਦੀ ਕਮਾਨ ਕਿਸਦੇ ਹੱਥ ਹੋਵੇਗੀ। ਵਿਰਾਟ ਕੋਹਲੀ ਸ਼ਾਨਦਾਰ ਫਾਰਮ ਵਿੱਚ ਹਨ। ਪਿਛਲੇ ਮੈਚ ਵਿੱਚ ਵੀ ਉਨ੍ਹਾਂ ਨੇ ਹਾਫ ਸੈਂਚਰੀ ਮਾਰੀ ਸੀ। ਉਹ ਔਰੇਂਜ ਕੈਪ ਦੀ ਦੌੜ ਵਿੱਚ ਪੰਜਵੇਂ ਨੰਬਰ 'ਤੇ ਹਨ।
ਸ਼੍ਰੇਅਸ ਅਈਅਰ ਅਤੇ ਉਸਦੀ ਟੀਮ ਇਸ ਸੀਜ਼ਨ ਵਿੱਚ ਸ਼ਾਨਦਾਰ ਨਜ਼ਰ ਆਈ ਹੈ। ਉਸਦੀ ਸਫਲਤਾ ਵਿੱਚ ਚੋਟੀ ਦੇ ਬੱਲੇਬਾਜ਼ਾਂ ਦੀ ਕਾਰਗੁਜ਼ਾਰੀ ਮਹੱਤਵਪੂਰਨ ਰਹੀ ਹੈ। ਜੇਕਰ ਪੰਜਾਬ ਨੂੰ ਪਿੱਛੇ ਧੱਕਣਾ ਹੈ, ਤਾਂ ਉਸਦੇ ਚੋਟੀ ਦੇ ਤਿੰਨ ਬੱਲੇਬਾਜ਼ਾਂ ਨੂੰ ਜਲਦੀ ਆਊਟ ਕਰਨਾ ਹੋਵੇਗਾ।
ਬੈਂਗਲੁਰੂ ਵਿਰੁੱਧ ਪੰਜਾਬ – ਹੇਡ ਟੂ ਹੇਡ ਰਿਕਾਰਡ
ਪੰਜਾਬ ਕਿੰਗਜ਼ ਅਤੇ ਰਾਇਲ ਚੈਲੈਂਜਰਜ਼ ਬੈਂਗਲੁਰੂ ਵਿਚਾਲੇ ਹੁਣ ਤੱਕ ਕੁੱਲ 35 ਮੈਚ ਹੋ ਚੁੱਕੇ ਹਨ। ਦੋਹਾਂ ਟੀਮਾਂ ਵਿਚਕਾਰ ਮੁਕਾਬਲਾ ਕਾਫੀ ਕਰੀਬ ਦਾ ਰਹਿਆ ਹੈ। 17 ਵਾਰੀ ਆਰਸੀਬੀ ਨੇ ਜਿੱਤ ਦਰਜ ਕੀਤੀ ਹੈ, ਜਦਕਿ 18 ਵਾਰੀ ਪੰਜਾਬ ਨੇ ਮੈਚ ਜਿੱਤੇ ਹਨ।
PBKS ਵਿਰੁੱਧ RCB ਕਵਾਲੀਫਾਇਰ-1: ਮੌਸਮ ਦੀ ਜਾਣਕਾਰੀ
ਪੰਜਾਬ ਅਤੇ ਬੈਂਗਲੁਰੂ ਵਿਚਕਾਰ ਮੈਚ ਦੌਰਾਨ ਹਲਕੀ-ਫੁਲਕੀ ਬੂੰਦਾਬਾਂਦੀ ਹੋ ਸਕਦੀ ਹੈ, ਪਰ ਤੇਜ਼ ਮੀਂਹ ਦੀ ਕੋਈ ਵੱਡੀ ਸੰਭਾਵਨਾ ਨਹੀਂ ਹੈ। ਅੱਜ ਮੋਹਾਲੀ ਵਿੱਚ ਆਸਮਾਨ ਵਿੱਖੇ ਬਾਦਲ ਛਾਏ ਰਹਿਣਗੇ, ਪਰ ਖੁਸ਼ੀ ਦੀ ਗੱਲ ਇਹ ਹੈ ਕਿ ਭਾਰੀ ਮੀਂਹ ਦੀ ਭਵਿੱਖਬਾਣੀ ਨਹੀਂ ਹੈ। ਇਸ ਗੱਲ ਦੀ ਪੂਰੀ ਉਮੀਦ ਹੈ ਕਿ ਮੈਚ ਦੇ 20-20 ਓਵਰਾਂ ਦਾ ਪੂਰਾ ਖੇਡ ਹੋਵੇਗਾ।
ਮੈਚ ਸ਼ਾਮ 7:30 ਵਜੇ ਸ਼ੁਰੂ ਹੋਵੇਗਾ। ਇਸ ਵੇਲੇ ਮੋਹਾਲੀ ਦਾ ਤਾਪਮਾਨ ਲਗਭਗ 37 ਡਿਗਰੀ ਸੈਲਸੀਅਸ ਰਹੇਗਾ ਅਤੇ ਹਵਾਵਾਂ ਲਗਭਗ 14 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਚੱਲਣ ਦੀ ਉਮੀਦ ਹੈ।
ਕਵਾਲੀਫਾਇਰ-1 ਲਈ ਮੁੱਲਾਂਪੁਰ ਕ੍ਰਿਕੇਟ ਸਟੇਡੀਅਮ ਦੀ ਪਿਚ ਕਿਵੇਂ ਰਹੇਗੀ
ਨਵਾਂ ਪੀਸੀਏ ਸਟੇਡੀਅਮ (ਮੁੱਲਾਂਪੁਰ) ਆਮ ਤੌਰ 'ਤੇ ਬੱਲੇਬਾਜ਼ਾਂ ਲਈ ਅਨੁਕੂਲ ਮੰਨਿਆ ਜਾਂਦਾ ਹੈ, ਪਰ ਇਸ ਸੀਜ਼ਨ ਇੱਥੇ ਗੇਂਦਬਾਜ਼ਾਂ ਨੇ ਵਧੀਆ ਪ੍ਰਦਰਸ਼ਨ ਕੀਤਾ ਹੈ। ਅੱਜ ਦੇ ਮੈਚ ਵਿੱਚ ਵੀ ਬੱਲੇਬਾਜ਼ਾਂ ਲਈ ਰਨ ਬਣਾਉਣੇ ਇੰਨਾ ਆਸਾਨ ਨਹੀਂ ਹੋਣਗੇ।
ਜੇਕਰ ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀ ਟੀਮ 190 ਤੋਂ 200 ਤੱਕ ਸਕੋਰ ਪਾ ਲੈਂਦੀ ਹੈ, ਤਾਂ ਟੀਚੇ ਦਾ ਪਿੱਛਾ ਕਰਨ ਵਾਲੀ ਟੀਮ ਲਈ ਇਹ ਟਾਰਗੇਟ ਹਾਸਲ ਕਰਨਾ ਮੁਸ਼ਕਲ ਹੋ ਸਕਦਾ ਹੈ। ਇਸ ਮੈਦਾਨ ਵਿੱਚ ਇਸ ਸੀਜ਼ਨ ਖੇਡੇ ਗਏ 4 ਮੈਚਾਂ ਵਿੱਚੋਂ 3 ਮੈਚ ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਨੇ ਜਿੱਤੇ ਹਨ।
ਪਿੱਚ ਦੀ ਸ਼ੁਰੂਆਤ ਵਿੱਚ ਬੱਲੇਬਾਜ਼ਾਂ ਨੂੰ ਕੁਝ ਮਦਦ ਮਿਲ ਸਕਦੀ ਹੈ, ਖਾਸ ਕਰਕੇ ਪਾਵਰਪਲੇ ਦੌਰਾਨ। ਟੀਮ ਨੂੰ ਸ਼ੁਰੂ ਵਿੱਚ ਤੇਜ਼ੀ ਨਾਲ ਰਨ ਬਣਾਉਣੇ ਹੋਣਗੇ, ਕਿਉਂਕਿ ਮਿਡਲ ਓਵਰਾਂ ਵਿੱਚ ਇੱਥੇ ਸਪੀਨ ਗੇਂਦਬਾਜ਼ਾਂ ਨੂੰ ਕਾਫੀ ਮਦਦ ਮਿਲਦੀ ਹੈ। ਜਿਵੇਂ ਜਿਵੇਂ ਮੈਚ ਅੱਗੇ ਵਧੇਗਾ, ਪਿੱਚ ਹੌਲੀ ਹੋ ਜਾਵੇਗੀ ਅਤੇ ਬੱਲੇਬਾਜ਼ੀ ਹੋਰ ਔਖੀ ਹੋ ਜਾਵੇਗੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
