IPL 2020 RR vs KXIP: ਆਈਪੀਐਲ 'ਚ ਸਭ ਤੋਂ ਤੇਜ਼ ਸੈਂਕੜਾ ਜੜਨ ਵਾਲੇ ਤੀਜੇ ਭਾਰੀ

ਆਈਪੀਐਲ 2020 ਦੇ 9ਵੇਂ ਮੈਚ ਵਿੱਚ ਕਿੰਗਜ਼ ਇਲੈਵਨ ਪੰਜਾਬ ਦੇ ਸਲਾਮੀ ਬੱਲੇਬਾਜ਼ ਮਯੰਕ ਅਗਰਵਾਲ ਨੇ ਰਾਜਸਥਾਨ ਰਾਇਲਜ਼ ਖ਼ਿਲਾਫ਼ ਆਈਪੀਐਲ 2020 ਦਾ ਦੂਜਾ ਸੈਂਕੜਾ ਜੜਿਆ।

IPL 2020 RR vs KXIP: ਆਈਪੀਐਲ 2020 ਦੇ 9ਵੇਂ ਮੈਚ ਵਿੱਚ ਕਿੰਗਜ਼ ਇਲੈਵਨ ਪੰਜਾਬ ਦੇ ਸਲਾਮੀ ਬੱਲੇਬਾਜ਼ ਮਯੰਕ ਅਗਰਵਾਲ ਨੇ ਰਾਜਸਥਾਨ ਰਾਇਲਜ਼ ਖ਼ਿਲਾਫ਼ ਆਈਪੀਐਲ 2020 ਦਾ ਦੂਜਾ ਸੈਂਕੜਾ ਜੜਿਆ। ਆਈਪੀਐਲ ਵਿੱਚ ਇਹ ਮਯੰਕ ਦਾ ਪਹਿਲਾ ਸੈਂਕੜਾ ਹੈ। ਇਸ ਤੋਂ ਪਹਿਲਾਂ, ਮਯੰਕ ਨੇ ਇਸ ਲੀਗ ਵਿਚ ਸਭ ਤੋਂ ਵੱਧ 89 ਦੌੜਾਂ ਬਣਾਈਆਂ ਸੀ, ਜੋ ਉਸ ਨੇ ਇਸ ਸਾਲ ਦਿੱਲੀ ਰਾਜਧਾਨੀ ਦੇ ਵਿਰੁੱਧ ਬਣਾਈਆਂ ਸੀ। ਮਯੰਕ ਨੇ ਆਪਣਾ ਸੈਂਕੜਾ ਸਿਰਫ 45 ਗੇਂਦਾਂ ਵਿੱਚ ਪੂਰਾ ਕੀਤਾ। ਆਪਣੀ ਸੈਂਕੜੇ ਦੀ ਪਾਰੀ ਵਿਚ ਮਯੰਕ ਨੇ 9 ਚੌਕੇ ਅਤੇ 7 ਛੱਕੇ ਲਗਾਏ। ਇਸ ਸਮੇਂ ਦੌਰਾਨ, ਉਸਦਾ ਸਟ੍ਰਾਈਕ ਰੇਟ 222.22 ਸੀ। ਇਸਦੇ ਨਾਲ ਹੀ ਮਯੰਕ ਆਈਪੀਐਲ ਵਿੱਚ ਸਭ ਤੋਂ ਤੇਜ਼ ਸੈਂਕੜਾ ਲਗਾਉਣ ਵਾਲਾ ਦੂਜਾ ਭਾਰਤੀ ਬੱਲੇਬਾਜ਼ ਬਣ ਗਿਆ ਹੈ। ਆਈਪੀਐਲ ਵਿੱਚ ਸਭ ਤੋਂ ਤੇਜ਼ ਸੈਂਕੜਾ ਲਗਾਉਣ ਦਾ ਰਿਕਾਰਡ ਕ੍ਰਿਸ ਗੇਲ ਦੇ ਨਾਮ ਹੈ ਉਨ੍ਹਾਂ 30 ਗੇਂਦਾਂ 'ਚ ਸੈਂਕੜਾ ਲਾਇਆ ਸੀ। ਇਸ ਤੋਂ ਬਾਅਦ ਯੂਸਫ ਪਠਾਨ ਦਾ ਨਾਮ ਹੈ। ਪਠਾਨ ਨੇ ਆਈਪੀਐਲ 2010 ਵਿਚ ਸਿਰਫ 37 ਗੇਂਦਾਂ ਵਿੱਚ ਸੈਂਕੜਾ ਬਣਾਇਆ ਸੀ। ਹੁਣ ਮਯੰਕ ਇਸ ਸੂਚੀ ਵਿਚ ਤੀਜੇ ਨੰਬਰ 'ਤੇ ਆ ਗਿਆ ਹੈ।ਇਸ ਸੂਚੀ ਵਿਚ ਹੁਣ ਮੁਰਲੀ ​​ਵਿਜੇ ਚੌਥੇ ਨੰਬਰ 'ਤੇ ਹੈ। ਵਿਜੇ ਨੇ ਆਈਪੀਐਲ 2010 ਵਿੱਚ ਹੀ 46 ਗੇਂਦਾਂ ਵਿਚ ਸੈਂਕੜਾ ਲਗਾਇਆ ਸੀ। ਮਯੰਕ ਨੇ 50 ਗੇਂਦਾਂ ਵਿੱਚ 106 ਦੌੜਾਂ ਦੀ ਤੇਜ਼ ਪਾਰੀ ਖੇਡੀ। ਇਹ ਆਈਪੀਐਲ 2020 ਦਾ ਦੂਜਾ ਸੈਂਕੜਾ ਹੈ। ਦਿਲਚਸਪ ਗੱਲ ਇਹ ਹੈ ਕਿ ਕਿੰਗਜ਼ ਇਲੈਵਨ ਦੇ ਦੋਵੇਂ ਬੱਲੇਬਾਜ਼ਾਂ ਨੇ ਇਸ ਸੀਜ਼ਨ ਵਿਚ ਦੋਵੇਂ ਸੈਂਕੜੇ ਲਗਾਏ ਹਨ। ਇਸ ਤੋਂ ਪਹਿਲਾਂ ਪੰਜਾਬ ਦੇ ਕਪਤਾਨ ਕੇ ਐਲ ਰਾਹੁਲ ਨੇ ਇਸ ਸੀਜ਼ਨ ਦਾ ਆਪਣਾ ਪਹਿਲਾ ਸੈਂਕੜਾ ਲਗਾਇਆ ਸੀ। ਰਾਹੁਲ ਨੇ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਖ਼ਿਲਾਫ਼ 132 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ। ਜੋ ਆਈਪੀਐਲ ਵਿੱਚ ਕਿਸੇ ਵੀ ਭਾਰਤੀ ਬੱਲੇਬਾਜ਼ ਦਾ ਸਭ ਤੋਂ ਵੱਧ ਸਕੋਰ ਹੈ।